|
ຕາມຂ່າວCRI: ວັນທີ 10 ກັນຍານີ້ ງານສິລະປະຈີນຄັ້ງທີ 7 ໄດ້ຈັດຂຶ້ນຢູ່ເມືອງຫາງໂຈ່ວ ທາງພາກໃຕ້ຂອງຈີນ.
ງານສິລະປະຈີນແມ່ນງານສິລະປະແຫ່ງຊາດຈີນທ່ີມີລະດັບສູງສຸດແລະຂະໜາດໃຫຍ່ກວ່າໝູ່. ບາສາມປີຈັດຂຶ້ນເທ່ືອໜ່ຶງ. ແຕ່ສ້າງຕັ້ງຂຶ້ນເມ່ືອປີ 1987 ເປັນຕົ້ນມາ, ໄດ້ຈັດຂຶ້ນ 6 ຄັ້ງຢ່າງສຳເລັດຜົນແລ້ວ. ໃນຖານະເປັນການເຄ່ືອນໄຫວສິລະປະແບບສັງລວມທ່ີມີລະດັບສູງລາຍໜ່ຶງ, ງານສິລະປະຈີນໄດ້ກາຍເປັນຮູບການທ່ີດີໃນການສ່ົງເສີມວັດທະນະທຳອັນດີເລີດຂອງປະຊາຊາດຈີນ ແລະເຮັດໃຫ້ຊີວິດການເປັນຢູ່ດ້ານວັດທະນະທຳຂອງມວນຊົນອຸດົມສົມບູນຂຶ້ນ.
ທ່ານຈາວເວີຍຊຸຍ ຮອງລັດຖະມົນຕີກະຊວງວັດທະນະທຳຈີນ ຮອງຫົວໜ້າຄະນະກຳມະການຈັດງານສິລະປະຈີນຄັ້ງທີ 7 ເວົ້າວ່າ: ງານສິລະປະຈີນພວມກາຍເປັນເລ່ືອງໃຫຍ່ເລ່ືອງໜ່ຶງໃນຊີວິດການເປັນຢູ່ຂອງປະຊາຊົນຈີນເປັນກ້າວໆ, ກາຍເປັນເວທີໃຫຍ່ທ່ີຊຸມນຸມສິລະປະຍອດຢ້ຽມ ຊຸກຍູ້ໃຫ້ວັດທະນະທຳຈະເລີນຮຸ່ງເຮືອງ, ກາຍເປັນງານສິລະປະອັນມະໂຫລານແລະວັນບຸນຂອງປະຊາຊົນທ່ີຕອບສະໜອງຕາມຄວາມຮຽກຮ້ອງຕ້ອງການດ້ານວັດທະນະທຳທາງຈິດໃຈຂອງມວນຊົນອັນໄພສານ.
ຕາມສະເໜີວ່າ, ງານສິລະປະຄັ້ງທີ 7 ແມ່ນຄັ້ງໜ່ຶງທ່ີມີຂະໜາດໃຫຍ່ກວ່າໝູ່ ມີຄົນເຂົ້າຮ່ວມຫຼາຍກວ່າໝູ່ແລະມີລາຍການສະແດງຫຼາຍກວ່າໝູ່ໃນງານສິລະປະຈີນທຸກຄັ້ງທ່ີຜ່ານມາ, ໄດ້ຈັດໃຫ້ມີ 50 ລາຍການໃຫຍ່ທ່ີມາຈາກ 26 ແຂວງ ກຳແພງນະຄອນແລະເຂດປົກຄອງຕົນເອງຂອງຈີນ. ຮູບການສິລະປະລວມທັງ ລະຄອນຟ້ອນ ລະຄອນເວົ້າ ງິ້ວປັກກ່ິງ ລະຄອນຮ້ອງ ລະຄອນດົນຕີແລະລະຄອນທ້ອງຖ່ິນຄື ງິ້ວແຂວງເຈີຈຽງແລະງິ້ວຮວາກູເປັນຕົ້ນ, ໄດ້ຊຸມນຸມບົດປະພັນສິລະປະອັນຍອດຢ້ຽມທ່ີຂົງເຂດສິລະປະເວທີຟ້ອນຂອງຈີນແຕ່ງໃນຫຼາຍປີມານີ້, ໄດ້ສະແດງໃຫ້ເຫັນໝາກຜົນປະດິດຄິດແຕ່ງຫຼ້າສຸດໃນແຫ່ງຕ່າງໆຂອງຈີນ.
ນອກຈາກມີລາຍການສະແດງເປັນຈຳນວນຫຼວງຫຼາຍ ແລະມີຫຼາຍຮູບຫຼາຍແບບແລ້ວ, ຈຸດເດ່ັນກວ່າໝູ່ໃນງານສິລະປະຄັ້ງນີ້ແມ່ນໄດ້ປະກວດລາງວັນ "ເວີນຮວາ" ເຊ່ິງເປັນລາງວັນສິລະປະຂອງລັດຖະບານຈີນແລະ "ລາງວັນສິນຊິງ" ເຊ່ິງເປັນລາງວັນສິລະປະມະຫາຊົນໃນງານສິລະປະຄັ້ງນີ້ເປັນເທື່ອທຳອິດ, ເຮັດໃຫ້ງານສິລະປະຈີນກາຍເປັນງານສິລະປະອັນມະໂຫລານທ່ີຊິງເອົາລາງວັນສິລະປະເວທີແຫ່ງຊາດສູງສຸດ ແລະສະແດງໃຫ້ເຫັນລະດັບສູງສຸດຂອງສິລະປະເວທີແຫ່ງຊາດຢ່າງແທ້ຈິງ.
ຕາມໄດ້ຊາບ, ໃນໄລຍະຈັດງານສິລະປະຄັ້ງນີ້, ຈະປະກວດ 10 ລາຍການລາງວັນ "ເວີນຮວາ" ແລະ 105 ລາຍການລາງວັນ "ສິນຊິງ" ຈາກ 50 ລາຍການໃຫຍ່. ທ່ານຈາວຈິງປໍ ຜູ່ຊ່ຽວຊານທ່ີເປັນສະມາຊິກຄະນະປະກວດຂອງງານສິລະປະຮູ້ສຶກດີອົກດີໃຈຕໍ່ລະດັບສັງລວມຂອງບົດປະພັນທ່ີເຂົ້າຮ່ວມການສະແດງໃນງານສິລະປະຄັ້ງນີ້ໄດ້ຍົກສູງຂຶ້ນ. ທ່ານເຫັນວ່າ, ໃນຫຼາຍປີມານີ້, ສິລະປະເວທີງິ້ວແລະລະຄອນຂອງຈີນໄດ້ພັດທະນາຢ່າງວ່ອງໄວ, ໄດ້ປະກົດມີບົດປະພັນທ່ີດີເລີດເປັນຈຳນວນຫຼວງຫຼາຍ. ທ່ານເວົ້າວ່າ: ໃນຫຼາຍປີມານີ້ ງິ້ວແລະລະຄອນຂອງຈີນໄດ້ພັດທະນາຢ່າງໃຫຍ່ຫຼວງ. ການພັດທະນານີ້ ກ່ອນອື່ນແມ່ນຍ້ອນທາງລັດໄດ້ເອົາໃຈໃສ່, ອີກອັນໜ່ຶງແມ່ນບຸກຄົນວົງການສິລະປະໄດ້ພະຍາຍາມ, ສາມ, ມວນຊົນສະໜັບສະໜູນແລະນິຍົມຊົມຊອບ, ໂດຍສະເພາະແມ່ນປະເທດຈີນພວກເຮົາເອົາໃຈໃສ່ນຳການແຕ່ງລະຄອນໃໝ່, ມີລະຄອນໃໝ່ທ່ີດີຢ່າງຫຼວງຫຼາຍ, ແລະມີກ່ິນອາຍຍຸກສະໄໝແລະກ່ິນອາຍທັນສະໄໝ. ອີກດ້ານໜ່ຶງ ພວກເຮົາກໍເອົາໃຈໃສ່ນຳການດັດແປງແລະຮຽບຮຽງໃໝ່ຕໍ່ສິລະປະດັ້ງເດີມທ່ີເປັນຂອງຊາດຕົນ. ຂ້າພະເຈົ້າເຫັນວ່າ ເວົ້າໃນຈຸດນີ້ແລ້ວ, ກໍໄດ້ເຮັດໃຫ້ການແຕ່ງບົດງິ້ວແລະບົດລະຄອນຂອງພວກເຮົາໃນສະເພາະໜ້ານີ້ຈະເລີນຮຸ່ງເຮືອງຂຶ້ນ.
ງານສິລະປະເທ່ືອນີ້ຍັງໄດ້ເຊື້ອເຊີນຄະນະສິລະປະ 8 ຄະນະຈາກເຢຍລະມັນ ອາເມລິກາ ຮົງກາລີແລະປະເທດແລະເຂດແຄວ້ນອື່ນມາເຂົ້າຮ່ວມການສະແດງ, ໃນນັ້ນມີ "ສຽງຂອງດົນຕີ" ລະຄອນດົນຕີແຫ່ງໂບຼເວອາເມລິກາ "ສະປາຕາກຸສ" ລະຄອນຟ້ອນຂອງຄະນະຟ້ອນບາເລແຫ່ງຊາດຮົງກາລີເປັນຕົ້ນ. ງານສິລະປະຄັ້ງທີ 7 ຈະອັດລົງໃນວັນທີ 26 ກັນຍາ.
|
