|
ຕາມຂ່າວ CRI: ກອງປະຊຸມທົ່ວໂລກຂອງສະມາຄົມປະກັນສັງຄົມສາກົນຄັ້ງທີ 28 ປະຈຸບັນພວມໄຂຂຶ້ນຢູ່ປັກກ່ິງ. ທ່ານຮວງຈູຮອງນາຍົກລັດຖະມົນຕີຈີນໄດ້ກ່າວຄຳປາໄສໃນກອງປະຊຸມຄັ້ງນີ້, ທ່ານກ່າວວ່າ, ການສ້າງສາລະບົບປະກັນສັງຄົມຂອງຈີນໄດ້ຮັບຜົນສຳເລັດຢ່າງເດ່ັນຊັດ.
ວັນທີ 12 ກັນຍາ ກອງປະຊຸມທ່ົວໂລກຂອງສະມາຄົມປະກັນສັງຄົມສາກົນຄັ້ງທີ 28ໄດ້ຈັດຂຶ້ນຢູ່ທ່ີປັກກ່ິງ, ຜູ່ແທນ 1500 ກວ່າຄົນທ່ີມາຈາກ 130 ກວ່າປະເທດແລະເຂດແຄວ້ນໃນທົ່ວໂລກໄດ້ເຂົ້າຮ່ວມກອງປະຊຸມ. ລັດຖະບານຈີນເອົາໃຈໃສ່ໃນລະດັບສູງຕ່ໍການໄຂກອງປະຊຸມຄັ້ງນີ້, ທ່ານຮວງຈູຮອງນາຍົກລັດຖະມົນຕິຈີນໄດ້ກ່າວຄຳປາໄສໃນກອງປະຊຸມ, ທ່ານຊີ້ອອກວ່າ:
"ກຳລັງສັງລວມຂອງຊາດຈີນເຂັ້ມແຂງຂຶ້ນຢ່າງເດ່ັນຊັດໄດ້ຊຸກຍູ້ການກ່ໍສ້າງແລະພັດ ທະນາລະບົບປະກັນສັງຄົມ. ໃນ 10 ກວ່າປີທ່ີຜ່ານມາ, ຈີນໄດ້ວາງຂອບລະບອບປະກັນສັງຄົມທ່ີມີຫຼາຍລະດັບ. ປະຈຸບັນ, ພວມຈ່ໍຕົວປະກອບເປັນລະບົບປະກັນສັງຄົມທ່ີເປັນອິດສະຫຼະຢູ່ນອກຫົວໜ່ວຍວິສາຫະກິດພາລະກິດ, ມີແຫຼ່ງທຶນຫຼາຍເຄົ້າ ລະບອບປະກັນໄພເປັນແບບສະບັບ ແລະການຄຸມຄອງບໍລິການເປັນແບບສັງຄົມ."
ປະຈຸບັນ, ຂອບເຂດປົກຫຸ້ມຂອງລະບົບປະກັນສັງຄົມຂອງຈີນໄດ້ຈາກພາລະກອນຂອງຫົວໜ່ວຍຂອງລັດຂະຫຍາຍໄປຮອດຜູ່ປະກອບອາຊີບໃນອົງການເສດຖະກິດປະເພດຕ່າງໆໃນຕົວເມືອງນ້ອຍໃຫຍ່ເທ່ືອລະກ້າວ. ຜ່ານຈາກການໃຊ້ມາດຕະການຕ່າງໆທ່ີບັງເກີດຜົນຈີນໄດ້ເຮັດໃຫ້ຊີວິດການເປັນຢູ່ພື້ນຖານຂອງພາລະກອນ 28 ລ້ານກວ່າຄົນທ່ີຕົກການມີການຮັບປະກັນ. ຜູ່ຫວ່າງງານ 8 ລ້ານກວ່າຄົນໄດ້ຮັບການຊ່ອຍເຫຼືອ,ຮັບປະກັນໃຫ້ພະນັກງານບຳນານຂອງວິສາຫະກິດໄດ້ຮັບເບ້ຍບຳນານເຕັມອັດຕາຕາມເວລາກຳນົດແລະປະຊາກອນຜູ່ທຸກຈົນໃນຕົວເມືອງໄດ້ຮັບຄ່າປະກັນຊີວິດຕຳ່ສຸດ. ນອກນີ້ ຈີນຍັງພວມທົດລອງປະຕິບັດ ການປະກັນບຳນານ ການຮ່ວມມືປ່ິນປົວໃນຊົນນະບົດແລະໃຫ້ຄ່າປະກັນຊີວິດຕ່ຳສຸດແກ່ປະຊາກອນໃນຊົນນະບົດຢູ່ບາງເຂດຊົນນະບົດ.
ໃນກອງປະຊຸມທົ່ວໂລກຂອງສະມາຄົມປະກັນສັງຄົມສາກົນຄັ້ງທີ 28ເທ່ືອນີ້,ທ່ານຮວງຈູຮອງນາຍົກລັດຖະມົນຕີຈີນຊີ້ອອກວ່າ,ຕໍ່ໄປພາຍໜ້າ ຈີນຈະໃຊ້ມາດຕະການໃນຫຼາຍດ້ານດັ່ງລຸ່ມນີ້,ພະຍາຍາມສ້າງລະບົບປະກັນສັງຄົມທີ່ສອດຄ່ອງກັບລະດັບພັດທະນາເສດຖະກິດ. ທ່ານເວົ້າວ່າ,
"ພວກເຮົາຕ້ອງຖືການສ້າງໂອກາດປະກອບອາຊີບໃຫ້ຫຼາຍກວ່າເກ່ົາເປັນຈຸດໜັກວຽກງານຂອງລັດຖະບານຢູ່ສະເໝີ,ປະຕິບັດນະໂຍບາຍປະກອບອາຊີບຢ່າງຕັ້ງໜ້າ, ຊັກນຳໃຫ້ຜູ່ອອກແຮງງານປະກອບອາຊີບເພ່ືອຫາລາຍໄດ້, ຮັບປະກັນແລະຍົກຄຸນນະພາບຊີວິດຄອບຄົວໃຫ້ສູງຂຶ້ນ; ໃນການສ້າງສາລະບົບປະກັນສັງຄົມນັ້ນ ລັດຖະບານຕ້ອງເສີມຂະຫຍາຍບົດບາດນຳທາງ, ຊຸກຍູ້ການວາງກົດໝາຍປະກັນສັງຄົມ, ລົງທຶນເພ່ີມຂຶ້ນເຂົ້າໃນການປະກັນສັງຄົມ, ໃຫ້ການບໍລິການສາທາລະນະທ່ີສະດວກຢ່າງຮອບດ້ານ; ພ້ອມກັນນັ້ນ ຕ້ອງນຳເຂົ້າກົນໄກແກ່ງແຍ່ງກັນ, ບັນລຸການແບ່ງງານຢ່າງສົມເຫດສົມຜົນລະຫວ່າງລັດຖະບານກັບຕະຫຼາດ, ຕ້ອງເສີມຂະຫຍາຍບົດບາດຂອງຕະຫຼາດແລະອົງການຈັດຕັ້ງສັງຄົມແລະສະມາຊິກສັງຄົມປະເພດຕ່າງໆ, ປະກອບເປັນກົນໄກພ້ອມກັນຫາບແບກໜ້າທ່ີຮັບຜິດຊອບການປະກັນສັງຄົມ, ສ້າງຕັ້ງລະບົບປະກັນສັງຄົມທ່ີມີຫຼາຍ ລະດັບ."
ຜົນສຳເລັດຂອງຈີນໃນຂົງເຂດປະກັນສັງຄົມໄດ້ຮັບການຍ້ອງຍໍຈາກຜູ່ແທນທ່ີເຂົ້າຮ່ວມກອງປະຊຸມເທ່ືອນີ້ , ໃນເວລາໃຫ້ສຳພາດຕ່ໍນັກຂ່າວຂອງວິທະຍຸພວກເຮົາ ທ່ານໂລແລນ ຊີກທ່ີມາຈາກສະວິສເວົ້າວ່າ,
"ຈີນມີປະຊາກອນຫຼາຍ, ວຽກງານສ້າງແລະບູລະນະການປະກັນສັງຄົມພວມປະເຊີນກັບການທ້າທາຍຫຼາຍຢ່າງ. ແຕ່ຕາມທ່ີຂ້າພະເຈົ້າໄດ້ຮູ້, ຈີນໄດ້ທຳຄວາມພະຍາຍາມປົວແປງສະພາບການປະກັນສັງຄົມຂອງມວນຊົນຕະຫຼອດມາ, ພາລະກອນທ່ີອອກບຳນານແລ້ວໃນຕົວເມືອງພວມໄດ້ຮັບການປະກົນສັງຄົມເປັນຢ່າງດີ. "
|
