|
ວັນທີ 16 ກັນຍາແມ່ນວັນໂອໂຊນສາກົນເທ່ືອທີ 10,ມື້ດຽວກັນ,ກົມ ໃຫຍ່ອະນຸລັກສ່ິງແວດລ້ອມແຫ່ງຊາດຈີນແລະສຳນັກງານສະຫະປະຊາຊາດກ່ຽວກັບການວາງແຜນສ່ິງແວດລ້ອມໄດ້ຮ່ວມຈັດກອງປະຊຸມລະລຶກຢູ່ຊ່ີອ່ານ ເມືອງພາກຕາເວັນຕົກຂອງຈີນ.ທ່ານນາງວາງຈີ້ຢົງ ຮອງຫົວຫນ້າກົມໃຫຍ່ອະນຸລັກສ່ິງແວດລ້ອມແຫ່ງຊາດຈີນໄດ້ກ່າວໃນກອງປະຊຸມວ່າ,ໃນ10 ກວ່າປີມານີ້,ໂດຍອີງຕາມຄຳຫມັ້ນສັນຍາຂອງຕົນໃນສັນຍາລະຫວ່າງຊາດທ່ີກ່ຽວຂ້ອງ,ຈີນໄດ້ຫຼຸດຜ່ອນການຜະລິດແລະການນຳໃຊ້ວັດຖຸທ່ີສິ້ນເປືອງຊັ້ນໂອໂຊນໃນຫນ້າພຽງກວ້າງ,ຮອດປີ 2010,ຈີນຈະພະຍາຍາມສຸດຂີດບັນລຸເປົ້າຫມາຍເຊົາ ຜະລິດແລະນຳໃຊ້ວັດຖຸທ່ີສິ້ນເປືອງຊັ້ນໂອໂຊນ
ເພ່ືອປົກປັກຮັກສາຊັ້ນໂອໂຊນ,ປີ 1987,ປະຊາຄົມໂລກສ້າງອະນຸສັນຍາເມີນເທີລີຣ໌ກ່ຽວກັບວັດຖຸທ່ີສິ້ນເປືອງຊັ້ນໂອໂຊນ,ໄດ້ວາງເວລາຈຳກັດແລະຄວາມຮຽກຮ້ອງທ່ີຫ້າມໃຊ້ວັດຖຸທ່ີສິ້ນເປືອງແລະທຳລາຍຊັ້ນໂອໂຊນ.ປະຈຸບັນເກືອບທຸກປະເທດໃນໂລກໄດ້ເຊັນອະນຸສັນຍາສະບັບນີ້,ຈີນໄດ້ເຂົ້າຮ່ວມອະນຸສັນຍາສະບັບນີ້ເມ່ືອປີ 1991,ປີລຸນມາໄດ້ວາງແຜນການແລະເປົ້າຫມາຍທ່ີຂະແຫນງການທ່ີກ່ຽວຂ້ອງຄັດຖິ້ມວັດຖຸທ່ີສິ້ນເປືອງຊັ້ນໂອໂຊນນັ້ນເທ່ືອລະກ້າວ
ໃນກອງປະຊຸມລະລຶກວັນໂອໂຊນສາກົນທ່ີຈັດຂຶ້ນໃນວັນທີ 16 ກັນ ຍາ,ທ່ານນາງວາງຈີ້ຢົງ ຮອງຫົວຫນ້າກົມໃຫຍ່ອະນຸລັກສ່ິງແວດລ້ອມແຫ່ງຊາດຈີນກ່າວວ່າ,ປະຈຸບັນ,ການເຄ່ືອນໄຫວປົກປັກຮັກສາຊັ້ນໂອໂຊນຂອງຈີນນັ້ນໄດ້ຮັບຜົນອັດນຕັ້ງຫນ້າ
ຕາມສະເຫນີວ່າ,ແຕ່ເຂົ້າຮ່ວມອະນຸສັນຍາເມີນເທີລີຣ໌ກ່ຽວກັບວັດຖຸທ່ີສິ້ນເປືອງຊັ້ນໂອໂຊນເປັນຕົ້ນມາ,ຈີນໄດ້ສ້າງຕັ້ງແລະບູລະນະລະລົບນະໂຍບາຍແລະກົດບັນຍັດທ່ີຄັດຖິ້ມວັດຖຸທ່ີສິ້ນເປືອງຊັ້ນໂອໂຊນ,ປະກາດກົດຂໍ້ກຳນົດຄຸ້ມຄອງຂອງຂອດຕ່າງໆທ່ີແນໃສ່ການຜະລິດ ນຳໃຊ້ແລະຂາເຂົ້າຂາອອກວັດຖຸຊັ້ນໂອໂຊນເປັນຕົ້ນ,ນັບມາຮອດປະຈຸບັນ,ຈີນໄດ້ຫຼຸດການຜະລິດແລະການນຳໃຊ້ວັດຖທ່ີສິ້ນເປືອງຸຊັ້ນໂອໂຊນລົງ 60% ຂຶ້ນໄປ,ທໍ່ກັບຍອດປະລິມານຄັດຖິ້ມຂອງປະເທດພວມພັດທະນາໃນໄລຍະດຽວກັນ 60%,ຈີນໄດ້ກາຍເປັນປະເທດຫນ່ຶງທ່ີເຊົາໃຊ້ວັດຖຸທ່ີສິ້ນເປືອງຊັ້ນໂອໂຊນຫຼາຍກວ່າຫມູ່ໃນປະເທດພວມພັດທະນາ,ຕາມໄດ້ຊາບ,ເພ່ືອສະຫນັບສະຫນຸນຈີນດຳເນີນການເຄ່ືອນໄຫວປົກປັກຮັກສາຊັ້ນໂອໂຊນ,ມູນນິທິທ່ີກ່ຽວຂ້ອງສະຫະປະຊາຊາດໄດ້ອຳນວຍການອຸປະຖຳ 750 ລ້ານໂດລາສະຫະລັດແກ່ຈີນ.
ທ່ານນາງວາງຈີ້ຢັງ ຮອງຫົວຫນ້າກົມໃຫຍ່ອະນຸລັກສ່ິງແວດລ້ອມແຫ່ງຊາດຈີນໄດ້ເຜີຍໃຫ້ຮູ້ວ່າ,ອີງຕາມແຜນການຄັດຖິ້ມວັດຖຸທ່ີສິ້ນເປືອງຊັ້ນໂອໂຊນຂອງຈີນ,ປະຈຸບັນ,ຈີນເລ່ີມຫ້າມໃຊ້ແລະຜະລິດວັດຖຸທ່ີສິ້ນເປືອງຊັ້ນໂອໂຊນໃນ 10 ກວ່າຂະແຫນງເທ່ືອລະກ້າວ,ເຮັດໃຫ້ການຜະລິດແລະນຳໃຊ້ວັດຖທ່ີສິ້ນເປືອງຸຊັ້ນໂອໂຊນຕ່າງຫຼຸດລົງ 1 ແສນກວ່າໂຕນຂຶ້ນໄປພາຍໃນຫຼາຍປີຂ້າງຫນ້າ,ນອກນີ້,ເພ່ືອປະຕິບັດແຜນການຮັບປະກັນການຄັດຖິ້ມຢ່າງສະດວກ,ຈີນພວມຂ້ຽວເລັ່ງຄົ້ນຄວ້າແລະຜະລິດສ່ິງເຂົ້າແທນວັດຖຸທ່ີສິ້ນເປືອງຊັ້ນໂອໂຊນ.
ທ່ານຊາລາສ໌ ເລຂາທິການຄະນະເລຂາໂອໂຊນຂອງສຳນັກງານສະຫະປະຊາຊາດກ່ຽວກັບການວາງແຜນສ່ິງແວດລ້ອມທ່ີເຂົ້າຮ່ວມກອງປະຊຸມໃຫຍ່ລະລຶກໃນວັນທີ 16 ກັນຍານັ້ນໄດ້ຕີລາຄາສູງຕໍ່ຜົນງານອັນພົ້ນເດ່ັນຂອງຈີນໃນວຽກງານການປົກປັກຮັກສາຊັ້ນໂອໂຊນໃນຫຼາຍປີມານີ້,,ໃນຂະນະດຽວກັນນີ້,ທ່ານຊີ້ອອກວ່າ,ໃນຂະບວນການຄັດຖິ້ມວັດຖຸທ່ີສິ້ນເປືອງຊັ້ນໂອໂຊນ,ຈີນຍັງປະເຊີນສ່ິງທ້າທາຍຫຼວງຫຼາຍ
|
