|
ນາງຈູ່ມິງອິງກັບເພງຕ່າງປະເທດທີ່ຂັບຮ້ອງໂດຍນາງ(ພາບ) (ສຽງ)
cri
Author: mo
 ທີ່ທ່ານຈະໄດ້ຟັງຕໍ່ໄປແມ່ນເພງເປັສປູຊາ, ເຊິ່ງແມ່ນເພງເອຢິບທີ່ຂັບຮ້ອງໂດຍນາງຈູ່ມິງອິງ. ເປັສປູຊາແມ່ນເຂົ້າໜົມຊະນິດໜຶ່ງຂອງເອຢິບ. ເພງນີ້ໄດ້ວາດພາບເດັກຍິງທີ່ຂາຍເຂົ້າໝົມຜູ່ໜຶ່ງເປັນຄົນຊື່ສັດ, ໃຈບຸນ. ໃນຊຸມປີ 80 ສະຕະວັດທີ່ແລ້ວ, ນາງຈູ່ມິງອິງໄປຢ້ຽມຢາມເອຢິບ, ໃນເວລາຮ້ອງເພງເປັສປູສານັ້ນ, ຍ້ອນນາງຮ້ອງຄືແທ້ຄືວ່າ, ຈິ່ງໄດ້ຮັບຄວາມນິຍົມຊົມເຊີຍຢ່າງຟົດຟື້ນຈາກຜູ່ຊົມໃນທ້ອງຖິ່ນນັ້ນ, ສຽງຕົບມືໃນໂຮງລະຄອນໄດ້ດັງຟົດຂຶ້ນຕັ້ງ 30 ກວ່າເທື່ອ.
ທີ່ທ່ານພວມຟັງຢູ່ນີ້ແມ່ນເພງຟີລິບປິນທີ່ຊື່ວ່າ"ທ່ົງນາ", ເພງນີ້ໄດ້ສະແດງໃຫ້ເຫັນສະພາບອອກແຮງງານຂອງຄົນທັງຫລາຍທີ່ພາກັນສະຫລອງຜົນເກັບກ່ຽວໃບຢາໄດ້ຫລາຍ. ເນື້ອເພງມີຢູ່ວ່າ:" ນາສວນສວຍງາມ, ນາສວນມັ່ງມູນ, ເກັບໃບຢາໄດ້ຫລາຍ, ທຸກໆຄົນດີໃຈ, ພວກເຮົາພາກັນເດັດໃບຢາ, ບໍ່ຢ້ານອິດຢ້ານເມື່ອຍ".
ທີ່ຟັງມານັ້ນແມ່ນເພງ"ທ່ົງນາ"ຂອງຟິລິບປີນ, ຂັບຮ້ອງໂດຍນາງຈູ່ມິງອິງ.
 ຕໍ່ໄປ, ເຊີນຟັງເພງ"ຮັກເຈົ້າເທ່ົາມື້ຕາຍກໍບໍ່ປ່ຽນໃຈ", ນີ້ແມ່ນເພງສະຫລັບສາກໃນຮູບເງົາເລື່ອງຄວາມຮັກອະມະຕະຂອງປາກີສະຖານ. ການຂັບຮ້ອງຂອງນາງຈູ່ມິງອິງແມ່ນສະແດງອອກເຖິງຄວາມບໍລິສຸດຜຸດຜ່ອງ, ແລະຄວາມຊື່ສັດຕໍ່ຄວາມຮັກຢ່າງສຸດຂີດ, ກະຕຸ້ນໃຈຄົນທີ່ສຸດ. ເນື້ອເພງຮ້ອງວ່າ:ເຖິງນ້ຳທະເລຈະເຫືອດແຫ້ງ, ເຖິງຫິນຈະເປື່ອຍ, ນ້ອງຮັກອ້າຍເທ່ົາມື້ຕາຍບໍ່ປ່ຽນໃຈ, ຄວາມສຸກທີ່ໃຝ່ຝັນຫາໄດ້ຜາກົດປັນຈິງແລ້ວ, ດອກໄມນາໆສີບານເຮືອງຊົ່ວນິລັນດອນ.
ນາງຈູ່ມິງອິງສາມາດຮ້ອງເພງຈີນແລະຕ່າງປະເທດເກືອບຮ້ອຍເພງເປັນ 20 ກວ່າ
ພາສາ, ນາງເຄີຍຮ້ອງເພງສະຫລັບໃນຮູບເງົາແລະເລື່ອງໂທລະພາບຫລາຍສິບ
ເລື່ອງ, ແລະໄດ້ອັດຈຳໜ່າຍປະມວນເພງດ້ວຍຫລາຍຮູບການ. ນາງຍັງໄດ້ສະແດງ
ໃຫ້ແຂກແລະປະມຸກລັດຕ່າງປະເທດຟັງເລື້ອຍໆ, ເຄີຍໄປຢ້ຽມຢາມເກືອບ 30 ປະ
ເທດແລະເຂດແຄ້ວນ, ຕໍ່ໄປ, ເຊີນຟັງເພງລີບັງທີ່ຊື່ວ່າ"ດວງຕາທີ່ໃສແຈ້ງ".
ເພງທີ່ທ່ານຈະໄດ້ຟັງຕໍ່ໄປແມ່ນເພງ"ປ້ອງງົວກິນຫຍ້າໃນຍາມແລງ", ຂັບຮ້ອງໂດຍນາງຈູ່ມິງອິງ. ນີ້ແມ່ນເພງພື້ນເມືອງແມັກຊິກທີ່ຈັບໃຈຄົນ, ເນື້ອເພງມີຊີວິດຊີວາຫລາຍ, ທຳນອງເພງກໍມ່ວນ, ຟັງແລ້ວເຮັດໃຫ້ຄົນມ່ວນໃຈ, ເຕັມໄປແຕ່ຄວາມມ່ວນຊື່ນໄຮ້ດຽງສາຂອງເດັກນ້ອຍ. ເນື້ອເພງມີຢູ່ວ່າ: "ນີ້ແມ່ນຍາມແລງທີ່ໜ້າອອນຊອນແລະໜ້າຮັກ, ທິວທັດຢູ່ເທິງພູຈ່ັງແມ່ນງາມແທ້ໆ, ປ່ອງງົວຂຶ້ນເມືອກິນຫຍ້າຢູ່ເທິງພູຈ່ັງແມ່ນມ່ວນທີ່ສຸດ, ນ້ອງນ້ອຍທັງຫລາຍຮີບພາກັນມາ, ເບິ່ງວ່າພວກນ້ອງກັບງົວໃຜຈະໜ້າຮັກວ່າກັນ?"
1 2
|
|
