|
ທ່ີນີ້ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທ່ີໂຄລົບ, ຊົມເຊີຍທ່ານເຂົ້າສູ່ລາຍການນັດພົບໃນວັນອາທິດ. ໃນລາຍການພາກນີ້, ເຊີນທ່ານຮັບຟັງເພງທ່ີຂັບຮ້ອງໂດຍນາງຊ້ົງຈູອິງ ນັກຮ້ອງເພງຊົນເຜ່ົາທ່ີມີຊ່ືສຽງຂອງຈີນ.ກ່ອນອື່ນເຊີນຟັງເພງ"ຟ້າງ ໝາຊານເກີ່" "ຂີ່ມ້າຮ້ອງເພງຊາວພູດອຍ".
ນາງຊ້ົງຈູອິງແມ່ນໜ່ຶງໃນນັກຮ້ອງທ່ີມີອິດທິພົນກວ່າໝູ່ບົນເວທີເພງຊົນເຜ່ົາຂອງຈີນ. ສຽງເພງຂອງນາງຈົບງາມ, ເຕັມໄປດ້ວຍຄວາມກະຕືລືລົ້ນ, ສາມາດຂັບຮ້ອງດົນຕີທ່ີມີເອກະລັກຫຼາຍຊະນິດຢ່າງຊຳນິຊຳນານ. ໃນການຊີວິດສິລະປະເປັນເວລາຫຼາຍປີ, ນາງຊ້ົງຈູອິງໄດ້ຝັງຮາກສິລະປະຂອງຕົນຢູ່ໃນດິນແຫ່ງດົນຕີຊົນເຜ່ົາຈີນ, ແລະຍັງດູດດຶງເອົາເຕັກນິກຂັບຮ້ອງສິລະປາກອນຝ່າຍຕາເວັນຕົກອີກດ້ວຍ, ແລ້ວໄດ້ຕໍ່ຕົວເປັນເອກະລັກຂັບຮ້ອງຂອງຕົນໂດຍພິເສດ. ຕໍ່ໄປເຊີນຟັງເພງ "ດອກມະລີ" ນາງຊ້ົງຈູອິງຂັບຮ້ອງ. ທຳນອງເພງນີ້ໄພເລາະເພາະຫູແລະຫຼ່ຽນໄຫຼ, ສະແດງເຖິງຄົນທັງຫຼາຍມັກຮັກແລະຍ້ອງຍໍສໍລະເສີນດອກມະລີ
.
ນາງຊົ້ງຈູອິງແມ່ນນັກຮ້ອງຜູ່ໜ່ຶງທ່ີມີຄວາມຊີວິດຊີວາທ່ີສຸດ, ໃນງານລະຕີຂະໜາດໃຫຍ່ແລະການເຄ່ືອນໄຫວສຳຄັນພາຍໃນປະເທດ, ລ້ວນແຕ່ຈະໄດ້ເຫັນນາງຮ້ອງເພງ. ນອກນີ້, ນາງຊົ້ງຈູອິງຍັງໄດ້ຕາມຄະນະສິລະປະຂອງຈີນໄປຢ້ຽມຢາມເອີລົບ ອາຊີແລະທະວີບອາເມລິກາ, ແລກປ່ຽນສິລະປະກັບປະເທດໃນທະວີບເຫຼ່ົານີ້, ໄດ້ຮັບຄວາມນິຍົມຊົມຊອບຈາກຜູ່ຊົມແລະຊາວຈີນຕ່າງດ້າວຂອງປະເທດເຫຼ່ົານີ້. ເມ່ືອປີ 2002, ນາງໄດ້ຈັດງານຮ້ອງດ່ຽວສ່ວນຕົວທ່ີໃຫ້ຊ່ືວ່າ "ວັນສິລິມຸງຄຸນ" ຢູ່ຫໍສິລະປາກອນທ່ີຊິດນີແຫ່ງອົສຕຼາລີຢ່າງສຳເລັດຜົນ, ກາຍເປັນນັກຮ້ອງເພງຊົນເຜ່ົາຂອງຈີນຜູ່ທຳອິດທ່ີຈັດງານຮ້ອງດ່ຽວຢູ່ພົ້ນທະເລ. ຕໍ່ໄປເຊີນຟັງເພງ "ຫາວຢື້ຈື" ແປວ່າ "ວັນສິລິມຸງຄຸນ" ຂັບຮ້ອງໂດຍນາງຊົ້ງຈູອິງ, ເພງນີ້ມີທຳນອງຊີວິດຊີວາແລະເບີກບານມ່ວນຊ່ືນ, ສະແດງເຖິງຄົນທັງຫຼາຍຍ້ອງຍໍສໍລະເສີນແລະຝາກຄວາມຫວັງຕໍ່ຊີວິດການເປັນຢູ່ອັນດີງາມ.
ເມ່ືອເດືອນພະຈິກປີ 2003, ນາງຊົ້ງຈູອິງໄດ້ຈັດງານດົນຕີຮ້ອງດ່ຽວສ່ວນຕົວອີກເທ່ືອໜ່ຶງຢູ່ຫໍຄຳກຸງວຽນທ່ີມີຊ່ືສຽງ, ສຽງເພງອັນຈົບງາມແລະທ່າທາງອັນສຸພາບໄດ້ຈັບໃຈຜູ່ຊົມເອີລົບ, ງານສະແດງໄດ້ຮັບຜົນສຳເລັດຢ່າງໃຫຍ່ຫຼວງ.
ຕໍ່ໄປເຊີນຟັງເພງ "ຫຼົງສວນຕ້ຽວ" ແປວ່າ "ດົນຕີລອຍເຮືອ" ເຊ່ິງແມ່ນເພງໜ່ຶງທ່ີນາງຊົ້ງຈູອິງຂັບຮ້ອງໃນງານດົນຕີຮ້ອງດ່ຽວທ່ີຈັດຂຶ້ນຢູ່ຫໍຄຳກຸງວຽນ. ໃນງານດົນຕີເທ່ືອນີ້, ໃນເວລາຮ້ອງເພງພື້ນເມືອງແຂວງຫູໄປນີ້, ການຮ້ອງສະຫຼັບທ່ີມີລະດັບສູງຂອງຄະນະຮ້ອງຮວມໝູ່ຂອງໂຮງສິລະປາກອນຊົນເຜ່ົາແຫ່ງຊາດໂອຕຼິສກັບການຮ້ອງຢ່າງຊຳນິຊຳນານຂອງນາງຊົ້ງຈູອິງ, ໄດ້ສ້າງກະແສສູງຂອງບັນຍາກາດອັນມ່ວນຊ່ືນຟົດຟື້ນໃນງານດົນຕີ, ຢູ່ສະໜາມມີສຽງຕົບມືດັງຂຶ້ນຢູ່ບໍ່ເຊົາ.
ເວົ້າສຳລັບນາງຊົ້ງຈູອິງແລ້ວ, ການຈັດງານດົນຕີຊົນເຜ່ົາຂອງຈີນຢູ່ພົ້ນທະເລແມ່ນສ່ິງທ້າທາຍອັນໜ່ຶງ. ສະນັ້ນ ເພ່ືອລື້ງກັບຄວາມນິຍົມຂອງຜູ່ຟັງຝ່າຍຕາເວັນຕົກ, ນາງຊົ້ງຈູອິງໄດ້ປ່ຽນແປງເອກະລັກຂັບຮ້ອງໜ້ອຍໜ່ຶງ, ໃນຂະນະທ່ີຮັກສາສີສັນພິເສດຂອງດົນຕີຊົນເຜ່ົາຂອງຈີນນັ້ນ, ນາງກໍໄດ້ດູດດຶງເອົາວິທີຂັບຮ້ອງດົນຕີຝ່າຍຕາເວັນຕົກ. ຕໍ່ໄປເຊີນຟັງເພງ "ກູຫຼາບປ່າ" ເພງໂອຕຼິສທ່ີນາງຊົ້ງຈູອິງຂັບຮ້ອງດ້ວຍພາສາເຢຍລະມັນໃນງານດົນຕີ, ເພງນີ້ໄດ້ສະແດງໃຫ້ເຫັນລະດັບຂັບຮ້ອງແບບສາກົນຂອງນາງ, ໄດ້ຮັບການຕີລາຄາເປັນຢ່າງດີຈາກຜູ່ຊົມ.
ທ່ານຜູ່ຟັງທ່ີໂຄລົບ, ມ້ວນທ້າຍລາຍການພາກນີ້, ເຊີນຟັງເພງ "ສຽວເປີຍໂລວ" ແປວ່າ "ກວຍນ້ອຍ" ນາງຊົ້ງຈູອິງຂັບຮ້ອງ.
ທ່ານຜູ່ຟັງທ່ີໂຄລົບ, ໃນທ່າມກາງສຽງເພງອັນໄຟເລາະເພາະຫູ, ລາຍການນັດພົບໃນວັນອາທິດຂອງພວກເຮົາພາກນີ້ກໍຈະສ້ຽງສຸດລົງແລ້ວ, ຂອບໃຈທ່ີທ່ານຮັບຟັງ, ພົບກັນໃໝ່ໃນອາທິດໜ້າ, ສະບາຍດີ.
|
