|
ຮອດວັນທີ 1 ຕຸລາປີນີ້, ສາທາລະນະລັດປະຊາຊົນຈີນໄດ້ສ້າງຕັ້ງຂຶ້ນຄົບຮອບ 55 ປີແລ້ວ. ໃນ 50 ກວ່າປີມານີ້, ການພັດທະນາຢ່າງວ່ອງໄວຂອງເສດຖະກິດຈີນໄດ້ປະຈັກຕາຄົນທ່ີສຸດ, ພ້ອມກັນນັ້ນ ການເຕີບໂຕຂະຫຍາຍຕົວຂອງເສດຖະກິດກໍໄດ້ສ້າງພື້ນຖານໃຫ້ແກ່ຂົງເຂດອື່ນໆຮັບການພັດທະນາ. ໃນລາຍການເສັງຄວາມຮູ້ຢ່າງເປັນລະບົບກ່ຽວກັບ "ຈີນໃໝ່ 55 ປີ" ທ່ີເລ່ີມອອກອາກາດໃນມື້ນີ້, ກ່ອນອື່ນ ພວກເຮົາຂໍສະເໜີເສດຖະກິດຈີນທ່ີພັດທະນາແບບຍືນຍົງສູ່ທ່ານຟັງ.
ໃນ 55 ປີກ່ອນ, ການສ້າງສາຂອງປະເທດຈີນໃໝ່ແມ່ນເລ່ີມບາດກ້າວໃຕ້ສະພາບຫຍຸ້ງຍາກທ່ີສຸດ. ໃນ 30 ປີຕົ້ນຂອງ 55 ປີ, ສາທາລະນະລັດປະຊາຊົນຈີນແມ່ນພັດທະນາຕາມເບົ້າແບບສະຫະພາບໂຊວຽດໂດຍພື້ນຖານ, ໄດ້ປະຕິບັດໂຄງປະກອບເສດຖະກິດແຜນການແຫ່ງລັດໃນລະດັບສູງ. ໃນໄລຍະນັ້ນ, ຈີນໄດ້ພັດທະນາອ່າວໄວ, ລະດັບຊີວິດການເປັນຢູ່ຂອງປະຊາຊົນກໍໄດ້ສູງຂຶ້ນໃນລະດັບໃດໜ່ຶງ, ແຕ່ຂ້ໍຂາດຕົກບົກພ່ອງຂອງເບົ້າແບບເສດຖະກິດແຜນການກໍກີດຂວາງການພັດທະນາເສດຖະກິດຈີນເປັນກ້າວໆ, ຮອດທ້າຍຊຸມປີ 70 ສະຕະວັດແລ້ວນີ້, ການພັດທະນາເສດຖະກິດຂອງຈີນໄດ້ປະສົບພົບພ້ໍການສະກັດກັ້ນອັນໃຫຍ່ຫຼວງ, ສະນັ້ນ ຜູ່ນຳຈີນໄດ້ເລ່ີມປະຕິຮູບໂຄງປະກອບເສດຖະກິດຈາກກົກຮາກ, ນັ້ນກໍຄືເຮັດໃຫ້ໂຄງປະກອບເສດຖະກິດຫັນຈາກເສດຖະກິດແຜນການໃນລະດັບສູງມາເປັນເສດຖະກິດຕະຫຼາດສັງຄົມນິຍົມ. ພ້ອມກັນນັ້ນ ຄຽງຄູ່ກັບສະຖານະການສາກົນໄດ້ຜ່ອນຄາຍລົງ, ຈີນກໍເລ່ີມເປີດກວ້າງການໄຂປະຕູສູ່ພາຍນອກຢ່າງຮອບດ້ານໂດຍຖືການເປີດເສດຖະກິດສູ່ພາຍນອກເປັນແກນກາງຢ່າງວ່ອງໄວ.
ການປະຕິຮູບເສດຖະກິດແລະໄຂປະຕູສູ່ພາຍນອກທ່ີເລ່ີມແຕ່ທ້າຍຊຸມປີ 70 ສະຕະ ວັດທ່ີແລ້ວ ເຮັດໃຫ້ເສດຖະກິດຈີນໄດ້ມີຄວາມມີຊີວິດຊີວາທ່ີບໍ່ເຄີຍມີມາກ່ອນ, ທັງໄດ້ມີການພັດທະນາແບບກ້າວກະໂດດ. ຕາມຕົວເລກທ່ີກົມສະຖິຕິແຫ່ງຊາດຈີນປະກາດ, ໃນໄລຍະ 25 ປີຄືແຕ່ປີ 1978 ຫາປີ 2003, ສະເລ່ຍແລ້ວ ເສດຖະກິດຈີນໄດ້ເພ່ີມຂຶ້ນລື່ນກາຍ 9% ຕໍ່ປີ.
ເສດຖະກິດຈີນໄດ້ເພ່ີມຂຶ້ນຢ່າງສືບເນ່ືອງເປັນເວລາຫຼາຍປີ, ໄດ້ສ້າງພື້ນຖານໃຫ້ແກ່ລັດຖະບານຈີນປົວແປງຊີວິດການເປັນຢູ່ຂອງປະຊາຊົນ. ໃນ 20 ກວ່າປີມານີ້, ລັດຖະບານຈີນໄດ້ເຮັດໃຫ້ປະຊາຊົນຈຳນວນ 200 ລ້ານຄົນທ່ີກິນບໍ່ອ່ິມນຸ່ງບໍ່ອຸ່ນຫຼຸດພົ້ນອອກຈາກຄວາມທຸກຍາກ. ປະຈຸບັນ ຈີນມີພົນລະເມືອງ 1 ຕື້ 300 ລ້ານຄົນ, ໃນປີ 2003 GDP ສະເລ່ຍຕໍ່ຫົວຄົນໄດ້ລ່ືຍກາຍ 1000 ໂດລາສະຫະລັດເປັນຄັ້ງທຳອິດ.
ການພັດທະນາເສດຖະກິດຂອງຈີນໄດ້ຮັບຄວາມຍ້ອງຍໍສໍລະເສີນຈາກບຸກຄົນທ່ີຊ່ືດັງຈຳນວນໜ່ຶງໃນວົງການເສດຖະກິດສາກົນ. ໃນເວລາກ່າວເຖິງການພັດທະນາເສດຖະກິດຂອງຈີນ, ທ່ານລໍເລນສ໌ ເຄຼອິນ ຜູ່ໄດ້ລາງວັນໂນແບນສາຂາເສດຖະກິດ ສາສະດາຈານມະຫາວິທະຍາໄລເພັນຊິນເວເນຍອາເມລິກາກ່າວວ່າ: ທະແນມແຕ່ທ່ານໄປທ່ຽວຢູ່ຈີນ, ເບ່ິງການປ່ຽນແປງອັນໃຫຍ່ຫຼວງຂອງຄົນທັງຫຼາຍໃນຊີວິດການເປັນຢູ່ຢູ່ຕາມຖະໜົນຫົນທາງແລ້ວ, ທ່ານກໍບໍ່ສົງໄສເລ່ືອງຈິງທ່ີເສດຖະກິດຈີນພັດທະນາຢ່າງວ່ອງໄວນັ້ນເລີຍ.
ໃນຂະບວນການພັດທະນາ, ເສດຖະກິດຈີນໃນເມ່ືອກ່ອນທ່ີຂ້ອນຂ້າງອັດຕັນໄດ້ເຊ່ືອມໂຍງກັບເສດຖະກິດໂລກນັບມື້ນັບແໜ້ນແຟ້ນ, ລະດັບການໄຂປະຕູສູ່ພາຍນອກຂອງເສດຖະກິດຈີນນັບມື້ນັບເປີດກວ້າງອອກ. ເມ່ືອປີ 2001, ຈີນໄດ້ເຂົ້າເປັນສະມາຊິກອົງການການຄ້າໂລກ, ປະຈຸບັນ ຈີນໄດ້ເຈລະຈາກັບອາຊຽນກ່ຽວກັບເຂດການຄ້າເສລີອີກ, ພ້ອມກັນນັ້ນ ກໍເພ່ີມທະວີການຮ່ວມມືເສດຖະກິດລະຫວ່າງສອງຝ່າຍແລະຫຼາຍຝ່າຍກັບອົງກອນເສດຖະກິດຄືອາເມລິກາແລະສະຫະພາບເອີລົບເປັນຕົ້ນຢ່າງຂະຫຍັນ. ໃນຫຼາຍປີມານີ້ ລະດັບພາສີລວມຂອງຈີນໄດ້ຫຼຸດລົງຢ່າງບໍ່ຢຸດຢັ້ງ, ສະເລ່ຍແລ້ວ ອັດຕາພາສີໄດ້ຫຼຸດລົງຈາກ 15,3% ກ່ອນເຂົ້າຮ່ວມອົງການການຄ້າໂລກເມ່ືອປີ 2001 ຮອດ 10,4% ໃນປະຈຸບັນ.
ໃນດ້ານການຄ້າກັບຕ່າງປະເທດ, ປີ 2003, ມູນຄ່າການຄ້າກັບຕ່າງປະເທດຂອງຈີນໄດ້ລ່ືນກາຍ 800 ຕື້ໂດລາສະຫະລັດ, ເປັນທີ 4, ພຽງຖັດຈາກອາເມລິກາ ເຢຍລະມັນ ແລະຍ່ີປຸ່ນ. ປີ 2003, ຈີນໄດ້ກາຍເປັນປະເທດທ່ີດຶງດູດທຶນຕ່າງປະເທດຫຼາຍກວ່າໝູ່. ໃນຂະນະດຽວກັນ, ການສ່ົງອອກແລະການລົງທຶນຂອງຈີນຢູ່ຕ່າງປະເທດກໍນັບມື້ນັບຫຼາຍ. ໃນສະເພາະໜ້ານີ້ ຈີນແມ່ນປະເທດນຳເຂົ້າລາຍໃຫຍ່ທີ 3 ແລະປະເທດລົງທຶນຢູ່ຕ່າງປະເທດລາຍໃຫຍ່ທີ 5 ໃນໂລກ.
ໃຕ້ສະຖານະການດ່ັງກ່າວ, ຜູ່ນຳຈີນຍັງໄດ້ກ່າວຫຼາຍເທ່ືອວ່າ, ຈີນຈະສືບຕໍ່ເປີດຕະຫຼາດຕໍ່ທ່ົວໂລກ. ຫວ່າງກ່ອນນີ້ບໍ່ດົນ, ໃນກອງປະຊຸມເສດຖະກິດສາກົນເທ່ືອໜ່ຶງ, ທ່ານນາງອູຢີ ຮອງນາຍົກລັດຖະມົນຕີຈີນໄດ້ໃຫ້ຄຳໝັ້ນສັນຍາວ່າ: ການເປີດກວ້າງການໄຂປະຕູສູ່ພາຍນອກແມ່ນນະໂຍບາຍພື້ນຖານທ່ີລັດຖະບານຈີນຍຶດໝັ້ນເປັນເວລາຍາວນານ, ຈີນຈະຍົກລະດັບການໄຂປະຕູສູ່ພາຍນອກໃຫ້ສູງຂຶ້ນຢ່າງຮອບດ້ານ, ຍົກເລີກມາດຕະການບໍ່ແມ່ນພາສີເປັນກ້າວໆ, ເປີດກວ້າງຂົງເຂດການລົງທຶນຕໍ່ນັກທຸລະກິດຕ່າງປະເທດ.
ໃນຫຼາຍປີມານີ້, ໃນຂະນະທ່ີຂະໜາດເສດຖະກິດໄດ້ຮັບການເປີດກວ້າງຢ່າງບໍ່ຢຸດຢັ້ງ, ຮູບແບບເຕີບໂຕຂອງເສດຖະກິດຈີນກໍມີການປ່ຽນແປງ, ຍຸດທະສາດການພັດທະນາແບບຍືນຍົງພວມໄດ້ຮັບຜັນຂະຫຍາຍແລະຈັດຕັ້ງປະຕິບັດເປັນກ້າວໆ. ທ່ານຊິງສຽວຮວາ ຮອງຫົວໜ້າກົມສະຖິຕິແຫ່ງຊາດຈີນສະເໜີວ່າ: ອຸດສາຫະກຳຄ້ຳຊູການເຕີບໂຕຂອງເສດຖະກິດຈີນບໍ່ແມ່ນອຸດສາຫະກຳແຮງງານສຸມແບບດັ້ງເດີມອີກແລ້ວ, ອຸດສາຫະກຳທຶນສຸມແລະເຕັກໂນໂລຢີສຸມໄດ້ກາຍເປັນຕົວການນັບມື້ນັບສຳຄັນໃນການເຕີບໂຕຂອງເສດຖະກິດຈີນ, ອຸດສາຫະກຳຂ້ໍມູນຂ່າວສານເອເລັກໂຕຼນິກ ອຸດສາຫະກຳອະສັງຫາລີມະຊັບແລະອຸດສາຫະກຳລົດຍົນເປັນຕົ້ນໄດ້ກາຍເປັນກຳລັງຕົ້ນຕໍທ່ີຊຸກຍູ້ເສດຖະກິດຈີນໃຫ້ເຕີບໂຕຂຶ້ນ.
ກ່ຽວກັບການພົວພັນລະຫວ່າງເສດຖະກິດຈີນກັບເສດຖະກິດໂລກ, ບຸກຄົນວົງການເສດຖະກິດໄດ້ກ່າວໃນກໍລະນີຕ່າງກັນວ່າ, ການເຕີບໂຕຂອງເສດຖະກິດຈີນມີຜົນດີຕໍ່ຄວາມຈະເລີນແລະການພັດທະນາຂອງເສດຖະກິດໂລກ. ທ່ານດອກເຕີເຫີຟານຂອງສະຖາບັນຄົ້ນຄວ້າເສດຖະກິດແລະການເມືອງໂລກສະພາບັນດິດວິທະຍາສາດສັງຄົມຈີນກໍຖືທັດສະນະດ່ັງກ່າວ. ທ່ານເວົ້າວ່າ: ເມ່ືອສັງເກດໂດຍທ່ົວໄປແລ້ວເຫັນວ່າ, ການພັດທະນາຂອງຈີນໄດ້ເສີມຂະຫຍາຍບົດບາດຊັກນຳເສດຖະກິດທ່ົວໂລກ. ດ້ານໜ່ຶງ, ຈີນໂປໂລຂຶ້ນມີຜົນດີຕໍ່ປະເທດພັດທະນາເລ່ັງລັດປັບປຸງອົງປະກອບອຸດສາຫະກຳໃຫ້ໄວເຂົ້າ, ໄດ້ສະໜອງບ່ອນລົງທຶນທ່ີດີງາມໃຫ້ພວກເຂົາເຈົ້າ; ອີກດ້ານໜ່ຶງ, ທ່ີຈິງແລ້ວ ຈີນໂປໂລຂຶ້ນກໍໄດ້ສ້າງໂອກາດຍ່ິງຫຼາຍໃຫ້ແກ່ປະເທດພວມພັດທະນາຢູ່ອ້ອມຂ້າງ.
ເອົາລະ ທ່ານຜູ່ຟັງທ່ີໂຄລົບ, ລາຍການສະເໜີສະພາບການພັດທະນາເສດຖະກິດຂອງຈີນໃນ 55 ປີແຕ່ປະເທດຈີນໃໝ່ສ້າງຕັ້ງຂຶ້ນເປັນຕົ້ນມາກໍຂໍສິ້ນສຸດລົງພຽງທໍ່ນີ້. ໃນຕອນມ້ວນທ້າຍຂອງລາຍການພາກນີ້, ເຊີນທ່ານຕອບສອງບັນຫາດ່ັງລຸ່ມນີ້: ໜ່ຶງ ໃນ 25 ປີຄືແຕ່ປີ 1978 ຫາປີ 2003, ຈັງຫວະເຕີບໂຕຂອງເສດຖະກິດຈີນສະເລ່ຍຕໍ່ປີໄດ້ລ່ືນກາຍຈັກເປີເຊນ? ສອງ ໃນ 20 ກວ່າປີມານີ້, ລັດຖະບານຈີນເຮັດໃຫ້ປະຊາຊົນເທ່ົາໃດຄົນຫຼຸດພົ້ນອອກຈາກຄວາມທຸກຍາກ? ໃນລາຍການພາກໜ້າ, ພວກເຮົາຈະສະເໜີສະພາບການພັດທະນາຂອງພາລະກິດການສຶກສາຂອງຈີນສູ່ທ່ານຟັງ. ພົບກັນໃໝ່ໃນລາຍການໜ້າ, ສະບາຍດີ.
|
