|
ສະພາບການສຶກສາຂອງປະເທດໜ່ຶງເວົ້າໃນສ່ວນໃຫຍ່ສົມຄວນແລ້ວ ມັນສ່ອງແສງລະດັບການພັດທະນາຂອງປະເທດນັ້ນ, ແລະກໍຈະຕົກລົງອະນາຄົດຂອງປະເທດນັ້ນ.ຈີນແມ່ນປະເທດພວມພັດທະນາທ່ີມີປະຊາກອນ 1300 ລ້ານຄົນ, ການເຮັດໃຫ້ພົນລະເມືອງໝົດທຸກຄົນໄດ້ມີໂອກາດຮັບການສຶກສາ, ຍົກຄຸນທາດວັດທະນະທຳຂອງທ່ົວປວງຊົນໃຫ້ສູງຂຶ້ນຢ່າງບໍ່ຢຸດຢັ້ງ, ແມ່ນຈຸດໝາຍທ່ີລັດຖະບານຈີນສະແຫວງຫາໂດຍຕະຫຼອດ. ໃນລາຍການເສັງຄວາມຮູ້ກ່ຽວກັບການສ້າງຕັ້ງປະເທດຈີນໃໝ່ຄົບຮອບ 55 ປີພາກນີ້, ພວກເຮົາຈະແນະນຳສະພາບສັງເຂບຂອງການພັດທະນາພາລະກິດການສຶກສາຂອງຈີນໃນ 55 ປີແຕ່ສ້າງຕັ້ງປະເທດຈີນໃໝ່ເປັນຕົ້ນມາ.
ກ່ອນນີ້ 55 ປີ, ສາທາລະນະລັດປະຊາຊົນຈີນໄດ້ເລ່ີມສ້າງສາປະເທດໃຕ້ສະພາບທ່ີພື້ນຖານດ້ານຕ່າງໆລ້ວນແຕ່ຂີ້ຮ້າຍທ່ີສຸດ. ເວົ້າສະເພາະສະພາບພັດທະນາການສຶກສາ, ໃນຄາວນັ້ນ, ໃນພົນລະເມືອງ 450 ລ້ານຄົນທ່ົວປະເທດ, ມີ 80% ແມ່ນຜູ່ກືກໜັງສື. ດຽວນີ້, ປະຊາກອນຈີນໄດ້ເພ່ີມຂຶ້ນຮອດ 1300 ລ້ານຄົນ, ອັດຕາຜູ່ກືກໜັງສືພັດໄດ້ຫຼຸດລົງຮອດ 6%. ແຕ່ວ່າ 6% ນີ້ກໍໝາຍຄວາມວ່າຈີນຍັງມີ 70 ກວ່າລ້ານຄົນກືກໜັງສື, ສະແດງໃຫ້ເຫັນວ່າ ການພັດທະນາພາລະກິດການສຶກສາຂອງຈີນຍັງມີໜ້າທ່ີໜັກໜາແລະເສັ້ນທາງກໍຍາວໄກ.
ຈີນມີດິນແດນກວ້າງໃຫຍ່ໄພສານ, ເວົ້າກວມລວມແລ້ວ, ສັງເກດຈາກສະພາບການພັດທະນາຂອງເຂດທ່ີຕ່າງກັນ, ປະກົດມີຈຸດພິເສດທ່ີລະດັບການພັດທະນາຈາກພາກຕາເວັນອອກຫາພາກຕາເວັນຕົກໄດ້ຕ່ຳລົງເປັນຄ້ອຍ. ໃນຂົງເຂດການສຶກສາ, ຈຸດພິເສດດ່ັງກ່າວກໍປະກົດວ່າເດ່ັນຊັດທ່ີສຸດ. ນັບມາຮອດປີກາຍນີ້, ເຂດທ່ີເຜີຍແຜ່ການສຶກສາພາກບັງຄັບ 9 ປີຂອງຈີນໄດ້ກວມເຖິງ 91%, ເຂດສ່ວນເຫຼືອ 9% ທ່ີຍັງບໍ່ທັນປະຕິບັດການສຶກສາພາກບັງຄັບ 9 ປີນັ້ນ ຕົ້ນຕໍແມ່ນຢູ່ພາກຕາເວັນຕົກ. ທ້ອງຖ່ິນເຫຼ່ົານີ້ຄົມມະນາຄົມບໍ່ສະດວກ, ສະພາບແວດລ້ອມທຳມະຊາດຂີ້ຮ້າຍ, ການພັດທະນາເສດຖະກິດມີຄວາມຫຍຸ້ງຍາກຫຼາຍ, ຊີວິດການເປັນຢູ່ຂອງຄົນທັງຫຼາຍຍັງບໍ່ສາມາດບັນລຸການກິນອີ່ມນຸ່ງອຸ່ນໝົດເທ່ືອ, ຄອບຄົວຈຳນວນຫຼວງຫຼາຍບໍ່ມີເງ່ືອນໄຂໃຫ້ລູກຫຼານເຂົ້າໂຮງຮຽນ, ຢູ່ບາງບ້ານໃນຊົນນະບົດຈົນບໍ່ມີເງິນປຸກໂຮງຮຽນແບບແຜນ.
ໂດຍແນໃສ່ສະພາບການດ່ັງກ່າວ, ໃນຫຼາຍປີມານີ້ ລັດຖະບານຈີນໄດ້ລົງທຶນໃນດ້ານການສຶກສາເພ່ີມຂຶ້ນຢ່າງບໍ່ຢຸດຢັ້ງ, ໃນກອງປະຊຸມເທ່ືອໜ່ຶງ, ທ່ານໂຈ່ວຈີ້ ລັດຖະມົນຕີກະຊວງສຶກສາທິການຈີນແນະນຳວ່າ: ໃນຫຼາຍປີທ່ີຜ່ານມາ, ການລົງທຶນໃນດ້ານການສຶກສາຂອງຈີນໄດ້ເພ່ີມຂຶ້ນຂ້ອນຂ້າງໄວ, ໄດ້ກວມອັດຕາ GDP ເພ່ີມຂຶ້ນຈາກ 2,5% ຮອດ 3,41%.
ແຕ່ປີກາຍເປັນຕົ້ນມາ, ຈີນໄດ້ເພ່ີມການລົງທຶນສະໜັບສະໜູນການສຶກສາພາກບັງຄັບຢູ່ຊົນນະບົດຫຼາຍຍ່ິງຂຶ້ນ, ສ້ອມແປງອາຄານໂຮງຮຽນພັດທະນາການສຶກສາດ້ານຂ້ໍມູນຂ່າວສານເປັນຕົ້ນ, ລູກເຕົ້າຂອງຄອບຄົວທ່ີທຸກຈົນຍ່ິງຫຼາຍໄດ້ຮັບປື້ມຮຽນຟີແລະການຊ່ອຍເຫຼືອອື່ນໆ. ທ່ານໂຈ່ວຈີ້ ລັດຖະມົນຕີກະຊວງສຶກສາທິການຈີນຍັງກ່າວວ່າ, ການພັດທະນາການສຶກສາຢູ່ຊົນນະບົດພາກຕາເວັນຕົກ, ແມ່ນວຽກງານສຳຄັນກວ່າໝູ່ໃນວຽກງານການສຶກສາຂອງຈີນໃນຫຼາຍປີຂ້າງໜ້າ, ລັດຖະບານຈີນຈະເພ່ີມການລົງທຶນຕ່ືມອີກໃນດ້ານນີ້. ທ່ານເວົ້າວ່າ: ໃນຫຼາຍປີຂ້າງໜ້ານີ້, ການລົງທຶນດ້ານການສຶກສາທ່ີຈະເພ່ີມຂຶ້ນຕົ້ນຕໍຈະໃຊ້ໃນຊົນນະບົດ, ເພ່ືອເພ່ີມທະວີການສຶກສາຢູ່ຊົນນະບົດ, ໂດຍສະເພາະແມ່ນການສຶກສາພາກບັງຄັບຢູ່ຊົນນະບົດ. ໃນຫຼາຍປີຂ້າງໜ້ານີ້, ທຶນທ່ີລັດຖະບານກາງໃຊ້ໃນຊົນນະບົດພາກຕາເວັນຕົກ ແຕ່ລະປີຈະມີເຖິງ 10 ຕື້ຢວນຂຶ້ນໄປ. ຂະໜາດການລົງທຶນທ່ີບໍ່ເຄີຍມີມາກ່ອນດ່ັງກ່າວ ໄດ້ສະແດງເຖິງຄວາມຕັດສິນໃຈຂອງລັດຖະບານກາງທ່ີຈະພັດທະນາການສຶກສາຢູ່ພາກຕາເວັນຕົກໃຫ້ດີ ໂດຍສະເພາະແມ່ນຍົກຄຸນນະພາບການສຶກສາພື້ນຖານຂອງພາກຕາເວັນຕົກໃຫ້ສູງຂຶ້ນ.
ປະຈຸບັນ ຈີນໄດ້ເລ່ີມປະຕິບັດ"ແຜນການດຳເນີນງານສ້າງການສຶກສາໃຫ້ຈະເລີນ" ຮອບໃໝ່ແລ້ວ, ອີງຕາມແຜນການນີ້, ເມ່ືອຮອດປີ 2007, ຄ່າໃຊ້ຈ່າຍດ້ານການສຶກສາຂອງຈີນທ່ີກວມ GDP3,41% ໃນປະຈຸບັນຈະເພ່ີມຂຶ້ນຮອດ 4%, ພາກສ່ວນທ່ີເພ່ີມຂຶ້ນຕົ້ນຕໍໃຊ້ໃນການສຶກສາຢູ່ຊົນນະບົດ.
ພົນລະເມືອງຢູ່ເຂດຊົນນະບົດທ່ີທຸກຈົນທາງພາກຕາເວັນຕົກຂອງຈີນຕ່າງຢູ່ກະແຈກກະຈາຍກັນ, ນີ້ກໍແມ່ນຄວາມຫຍຸ້ງຍາກສົມຄວນທ່ີເຂດເຫຼ່ົານີ້ປະເຊີນໃນການປົວແປງສະພາບການສຶກສາ. ໂດຍແນໃສ່ສະພາບດ່ັງກ່າວ, ພາກສ່ວນການສຶກສາຂອງຈີນຈະແກ້ໄຂດ້ວຍວິທີສ້າງເປັນໂຮງຮຽນກິນນອນ, ກໍຄືໃຫ້ນັກຮຽນທ່ີຢູ່ແຈກຢາຍກັນໄປຮຽນຢູ່ໂຮງຮຽນທ່ີສ່ິງກໍ່ສ້າງແລະອຸປະກອນການສຶກສາອ່າວດີ ລະດັບຂອງຄູອ່າວສູງ, ໃນຍາມປົກກະຕິ, ນັກຮຽນກິນນອນຢູ່ໂຮງຮຽນ, ທ້າຍສັບປະດາຄ່ອຍກັບເມືອບ້ານ. ລັດຖະບານຍັງໃຫ້ຄ່າເກື້ອກູນແກ່ນັກຮຽນຜູ່ທຸກຈົນ, ຮັບປະກັນໃຫ້ພວກເຂົາເຈົ້າໄດ້ຮ່ຳຮຽນຢ່າງອຸ່ນໃຈ.
ລັດຖະບານຈີນບໍ່ພຽງແຕ່ພວມພະຍາຍາມຍົກສູງອັດຕາການເຜີຍແຜ່ການສຶກສາ, ເພ່ືອໃຫ້ສອດຄ່ອງກັບສະຖານະການທ່ີປະເທດໄຂປະຕູສູ່ພາຍນອກກວ້າງອອກຢ່າງບໍ່ຢຸດຢັ້ງ, ໃນຫຼາຍປີມານີ້, ຍັງໄດ້ເຜີຍແຜ່ການສິດສອນພາສາຕ່າງປະເທດໃນໂຮງຮຽນປະຖົມທ່ົວປະເທດອີກດ້ວຍ. ໃນເວລານັກຂ່າວໄປເອົາຂ່າວຢູ່ເມືອງອູລູມູສີແຫ່ງເຂດຊິນຈຽງເຜ່ົາເວີຍອູເອີປົກຄອງຕົນເອງ ເຊ່ິງເປັນເຂດຊົນເຜ່ົາສ່ວນໜ້ອຍປົກຄອງຕົນເອງ ທາງພາກຕາເວັນຕົກສຽງເໜືອຂອງຈີນ, ນັກຂ່າວໄດ້ເຫັນວ່າ, ນັກຮຽນປະຖົມເຜ່ົາເວີຍອູເອີຢູ່ແຫ່ງນີ້ກໍຮຽນພາສາອັງກິດ.
ນາງຊືເວີຍຕາ ຄູສອນຢູ່ໂຮງຮຽນປະຖົມເລກໜ່ຶງເມືອງອູລູມູສີບອກນັກຂ່າວວ່າ, ໂມງຮຽນພາສາອັງກິດໃນໂຮງຮຽນປະຖົມ, ຕົ້ນຕໍແມ່ນສອນໃຫ້ນັກຮຽນຟັງແລະເວົ້າພາສາອັງກິດ, ພວກເດັກນ້ອຍມັກຫຼາຍ.
ໃນຂະນະທ່ີພະຍາຍາມເຮັດວຽກການສຶກສາພື້ນຖານໃຫ້ດີນັ້ນ, ລັດຖະບານຈີນກໍສຸດທ່ີເອົາໃຈໃສ່ນຳການສຶກສາຊັ້ນສູງ, ໂດຍສະເພາະແມ່ນໃນຫຼາຍປີມານີ້, ພາຍໃຕ້ການນຳພາຂອງລັດຖະບານ, ໂຮງຮຽນຊັ້ນສູງຂອງຈີນໄດ້ຮັບນັກສຶກສາໂຮງຮຽນມະຫາວິທະຍາໄລວິຊາສະເພາະ ວິຊາຫຼັກ ນັກສຶກສາຊັ້ນປະລິນຍາໂທເພ່ີມຂຶ້ນຢ່າງຫຼວງຫຼາຍ. ປີນີ້ ຈຳນວນນັກສຶກສາທ່ີໂຮງຮຽນຊັ້ນສູງຂອງຈີນຮັບເອົາໃໝ່ມີຫຼາຍກວ່າ 4 ລ້ານ 2 ແສນຄົນ, ຫຼາຍກວ່າທຸກປີຜ່ານມາ. ແຕ່ວ່າ, ເຖິງວ່າຮັບເອົານັກສຶກສາບໍ່ໜ້ອຍ, ແຕ່ຍ້ອນນັກຮຽນຈີນມີຈຳນວນຫຼວງຫຼາຍທ່ີສຸດ, ສະນັ້ນ ໃນສະເພາະໜ້ານີ້, ອັດຕາເຂົ້າໂຮງຮຽນຊັ້ນສູງຂອງຈີນມີພຽງແຕ່ 17% ທໍ່ນັ້ນ. ຈີນວາງແຜນຮອດປີ 2020 ໃຫ້ອັດຕາດ່ັງກ່າວສູງຂຶ້ນຮອດ 32%.
ທ່ານຜູ່ຟັງທ່ີໂຄລົບ, ກ່ຽວກັບການສຶກສາຂອງຈີນມື້ນີ້ ພວກເຮົາຂໍລົມແຕ່ທໍ່ນີ້ກ່ອນ. ຕໍ່ໄປພວກເຮົາຈະຕັ້ງຄຳຖາມສອງຂ້ໍຕາມເນື້ອໃນຂອງລາຍການມື້ນີ້, ຖ້າທ່ານໄດ້ຮັບຟັງລາຍການມື້ກີ້ນີ້ແລ້ວ, ທ່ານກໍຄົງຈະຕອບໄດ້. ຄຳຖາມທີໜ່ຶງ: ຈີນປະຕິບັດລະບອບການສຶກສາພາກບັງຄັບຈັກປີ? ຄຳຖາມທີສອງ: ໃນຫຼາຍປີຂ້າງໜ້າ, ໃນທຶນການສຶກສາຂອງຈີນ, ສ່ວນທ່ີເພ່ີມຂຶ້ນຈະໃຊ້ໃນຊົນນະບົດຫຼືຕົວເມືອງ? ຕໍ່ໄປ ຂ້າພະເຈົ້າຈະອ່ານຄຳຖາມ 2 ຂ້ໍນີ້ຄືນອີກເທ່ືອໜ່ຶງ, ຄຳຖາມທີໜ່ຶງ: ຈີນປະຕິບັດລະບອບການສຶກສາພາກບັງຄັບຈັກປີ? ຄຳຖາມທີສອງ: ໃນຫຼາຍປີຂ້າງໜ້າ, ໃນທຶນການສຶກສາຂອງຈີນ, ສ່ວນທ່ີເພ່ີມຂຶ້ນຈະໃຊ້ໃນຊົນນະບົດຫຼືຕົວເມືອງ? ໃນລາຍການພາກໜ້າ, ພວກເຮົາຈະສະເໜີສະພາບກວມລວມໃນດ້ານການດຳລົງຊີວິດແລະການພັດທະນາໃນຫຼາຍສິບປີຜ່ານມາຂອງ 50 ກວ່າຊົນເຜ່ົາສ່ວນໜ້ອຍຂອງຈີນ, ເຊີນທ່ານຈ່ົງຕິດຕາມ. ຂໍຂອບໃຈທ່ານທ່ີຮັບຟັງ, ພົບກັນໃໝ່ໃນລາຍການໜ້າ, ສະບາຍດີ.
|
