|
ຕາມຂ່າວສານຊິນຮວາ: ຜູ່ຊ່ຽວຊານດ້ານການຮັກສາສຸຂະພາບເດັກນ້ອຍຊີ້ອອກວ່າ,ນອກຈາກການເຜີຍແຜ່ຄອມພິວເຕີ,ໃຫ້ການສຶກສາວັດທະນະທຳໄວເກີນໄປແລະປັດໄຈອື່ນໆຈະພາໃຫ້ເດັກນ້ອຍເປັນສາຍຕາສັ້ນຍ້ອນສາຍຕາອ່ອນແລ້ວ,ເດັກນ້ອຍກິນທາດບຳລຸງຫຼາຍເກີນໄປກໍອາດຈະພາໃຫ້ສາຍຕາສັ້ນ.
ຫວ່າງມໍ່ໆນີ້ ພະນັກງານພະແນກຕາຂອງສູນຮັກສາສຸຂະພາບແມ່ແລະເດັກນະຄອນທຽນສິນໄດ້ກວດກາສາຍຕາຂອງເດັກນ້ອຍອາຍຸ 5,6 ຂວບ 10362 ຄົນຂອງໂຮງຮຽນອານຸບານ 57 ແຫ່ງໃນເມືອງແລະເຂດຊານເມືອງທຽນສິນ,ຜົນການສຳຫຼວດສະແດງໃຫ້ເຫັນວ່າ,ເດັກນ້ອຍອາຍຸ 5 ຂວບ 6,82% ເປັນສາຍຕາສັ້ນ,ເດັກນ້ອຍອາຍຸ 6 ຂວບ 14,38% ເປັນສາຍຕາສັ້ນ,ແລະມີເດັກນ້ອຍອາຍຸ 6 ຂວບ 10,61% ສາຍຕາສັ້ນກວ່າເວລາອາຍຸ 5 ຂວບ.
ກ່ຽວກັບສາຍເຫດທີ່ພາໃຫ້ເດັກນ້ອຍເປັນສາຍຕາສັ້ນ ທ່ານໂຮ້ລີ້ອານ ຫົວໜ້ານາຍໝໍພະແນກຕາຂອງສູນຮັກສາສຸຂະພາບແມ່ແລະເດັກນະຄອນທຽນສິນເວົ້າວ່າ, ການສຳຫຼວດເທື່ອນີ້ສະແດງໃຫ້ເຫັນວ່າ,ເດັກນ້ອຍທີ່ສາຍຕາສັ້ນນັ້ນ ຢູ່ກາງເມືອງຫຼາຍກວ່າຢູ່ເຂດຊານເມືອງ. ນີ້ບໍ່ພຽງແຕ່ຍ້ອນວ່າພໍ່ແມ່ຂອງເດັກນ້ອຍໃນເທດສະບານເມືອງທີ່ໃສ່ແວ່ນຕານັ້ນກໍຫຼາຍແດ່,ມັກຈະສືບເຊື້ອໃຫ້ລູກ(ຖ້າພໍ່ແມ່ມີຝ່າຍໜຶ່ງເປັນສາຍຕາສັ້ນ,ລູກກໍມີຄວາມອາດເປັນໄປໄດ້ 50% ຈະເປັນສາຍຕາສັ້ນ),ຍັງຍ້ອນວ່າໂຮງຮຽນອະນຸບານ,ໂຮງຮຽນບາງແຫ່ງແລະພໍ່ແມ່ເດັກນ້ອຍໃຫ້ເດັກນ້ອຍເພີ່ມທະວີການຮ່ຳຮຽນວັດທະນະທຳເຊັ່ນຮຽນໜັງສືເປັນຕົ້ນໄວເກີນໄປ,ບວກກັບອັດຕາເຜີຍແຜ່ຄອມພີວເຕີໃນຕົວເມືອງກໍສູງ,ຈຶ່ງເຮັດໃຫ້ການຫາບແບກດ້ານຈັກຂຸວິນຍານຂອງເດັກນ້ອຍເພີ່ມຂຶ້ນ,ເຮັດໃຫ້ຕາເມື່ອຍຫຼາຍ,ມັກຈະພາໃຫ້ເປັນສາຍຕາສັ້ນ.
ນອກນີ້,ທ່ານໂຮ້ລີ້ອ່ານຊີ້ເນັ້ນວ່າ,ລະດັບຊີວິດການເປັນຢູ່ຂອງຄອບຄົວໃນຕົວເມືອງສູງກວ່າຄອບຄົວຢູ່ເຂດຊານເມືອງໂດຍທົ່ວໄປ,ພໍ່ແມ່ໃຫ້ເດັກນ້ອຍກິນອາຫານທີ່ມີໄຂມັນແລະກາໂລລີສູງຢ່າງຫຼວງຫຼາຍ,ສ່ວນວິຕາມິນແລະທາດແຮ່ຈານພັດຂາດເຂີນໂດຍທົ່ວໄປ,ຍ້ອນວ່າວິຕາມິນອາແລະແຄນຊຽມແມ່ນສານທີ່ຕ້ອງການໃນການເຕີບໃຫຍ່ຂອງແກ່ນຕາ,ຖ້າຂາດເຂີນທາດບຳລຸງເຫຼົ່ານີ້ຈະພາໃຫ້ກຳລັງໜີບໃນເບົ້າຕາເພີ່ມຂຶ້ນ,ແລ້ວພາໃຫ້ແກ່ນຕາສວດອອກ,ພາໃຫ້ສາຍຕາສັ້ນ,ນີ້ກໍແມ່ນມູນເຫດສຳຄັນອັນໜຶ່ງທີ່ເດັກນ້ອຍຫຼາຍຄົນ ເຖິງວ່າຕາບໍ່ເປັນພະຍາດຫຍັງ,ແຕ່ຍັງຄົງມີສະພາບສາຍຕາສັ້ນເຊັ່ນສາຍຕາອ່ອນເປັນຕົ້ນໃນປະຈຸບັນ.
ຕໍ່ເລື່ອງນີ້ ທ່ານໂຮ້ລີ້ອານເຕືອນໃຫ້ພໍ່ແມ່ອັນໄພສານວ່າ,ການປິ່ນປົວເດັກນ້ອຍທີ່ສາຍຕາອ່ອນໃນອາຍຸຍິ່ງນ້ອຍແລະຍິ່ງໄວຈະໄດ້ຜົນຍິ່ງດີ,ບາສອງສາມເດືອນ ພໍ່ແມ່ຄວນພາລູກໄປກວດຕາເທື່ອໜຶ່ງ,ດົນທີ່ສຸດຄວນປີໜຶ່ງໄປກວດກາເທື່ອໜຶ່ງ,ເພື່ອຈະໄດ້ເຫັນສາຍຕາອ່ອນແລະພະຍາດຕາອື່ນໆໂດຍໄວ. ໃນຍາມທຳມະດາ,ພໍ່ແມ່ຄວນສອນໃຫ້ລູກໃຊ້ຕາຢ່າງຖືກຕ້ອງ,ເອົາໃຈໃສ່ນຳເວລາ,ໄລຍະຫ່າງກັນແລະແສງໃນເວລາອ່ານໜັງສື,ຫັດກາຍຍະກຳຮັກສາຕາ,ເບິ່ງທາງໄກແລະຫັດກາຍຢູ່ນອກເຮືອນເລື້ອຍໆເປັນຕົ້ນ. ໂດຍສະເພາະແມ່ນເດັກນ້ອຍທີ່ເປັນສາຍຕາສັ້ນແລ້ວຫຼືຄອບຄົວມີປະຫວັດເປັນສາຍຕາສັ້ນ,ໃນຍາມປົກກະຕິ,ບໍ່ຄວນຕິອາຫານ,ຄວນກິນຂອງຫວານໜ້ອຍ, ໃນອາຫານການກິນທຳມະດາ,ຄວນເອົາໃຈໃສ່ນຳການກິນທາດບຳລຸງທີ່ພົວພັນເຖິງຕາເຊັ່ນວິຕາມິນອາ,ວິຕາມັນເບໜຶ່ງ,ເບສອງ,ວິຕາມິນເດ,ວິຕາມິນເອີເປັນຕົ້ນ,ພ້ອມກັນນັ້ນ ກໍເອົາໃຈໃສ່ສັງເກດເບິ່ງປະກົດການຂອງເດັກນ້ອຍ,ຖ້າເຫັນວ່າເດັກນ້ອຍມັກເບິ່ງໂທລະພາບຢູ່ໃກ້,ແກ່ນຕາສັ່ນສະເທືອນ,ບ່ອນຫົວຜິດປົກກະຕິແລະມັກຫິບຕາເບິ່ງສິ່ງຂອງເປັນຕົ້ນ,ຕ້ອງເອົາໃຈໃສ່ນຳ.
ການກິນເຫຼົ້າຢ່າງຫຼວງຫຼາຍມັກຈະເປັນມະເຮັງຕ່ອມນົມ
ການສຳຫຼວດຢ່າງຂະໜາດໃຫຍ່ທີ່ໜ່ວຍຄົ້ນຄວ້າເຊິ່ງນຳໂດຍສາສະດາຈານມະຫາວິທະຍາໄລແພດສາດໄອຈີຍີ່ປຸ່ນດຳເນີນນັ້ນສະແດງໃຫ້ເຫັນວ່າ,ເພດຍິງດື່ມເຫຼົ້າຂາວ 15 ກຼາມຂຶ້ນໄປຕໍ່ມື້ ຄວາມອັນຕະລາຍທີ່ຈະເປັນມະເຮັງຕ່ອມນົມຈະສູງກວ່າຜູ່ທີ່ບໍ່ດື່ມເຫຼົ້າ 3 ເທົ່າ.
ຕາມສື່ມວນຊົນຍີ່ປຸ່ນລາຍງານວ່າ,ໜ່ວຍຄົ້ນຄວ້າໄດ້ຕິດຕາມສຳຫຼວດເພດຍິງອາຍຸແຕ່ 40 ຮອດ 79 ປີລວມ 3 ໝື່ນ 6 ພັນຄົນຢູ່ 24 ເຂດຍີ່ປຸ່ນເປັນເວລາ 7 ປີເຄິ່ງ,ໃນໄລຍະສຳຫຼວດ,ໃນຈຳນວນເພດຍິງເຫຼົ່ານີ້ ມີ 151 ຄົນເປັນມະເຮັງຕ່ອມນົມ. ຜົນການສຳຫຼວດສະແດງໃຫ້ເຫັນວ່າ,ຜູ່ທີ່ດື່ມເຫຼົ້າຂາວ 15 ກຼາມຂຶ້ນໄປຕໍ່ມື້ຈາກເຫຼົ້ານັ້ນ ມີຄວາມອັນຕະລາຍເປັນມະເຮັງຕ່ອມນົມສູງກວ່າຜູ່ບໍ່ດື່ມເຫຼົ້າ 2,9 ຮອດ 3 ເທົ່າ. ນອກນີ້ ຜົນການສຳຫຼວດຍັງສະແດງໃຫ້ເຫັນວ່າ,ເພດຍິງທີ່ດື່ມເຫຼົ້າຂາວຕ່ຳກວ່າ 15 ກຼາມຕໍ່ມື້ຈາກເຫຼົ້ານັ້ນ ບໍ່ຕ່າງຫຍັງກັບຜູ່ທີ່ບໍ່ດື່ມເຫຼົ້າໃນດ້ານຄວາມອາດເປັນໄປໄດ້ທີ່ຈະເປັນມະເຮັງຕ່ອມນົມ.
ອາຈານຂອງມະຫາວິທະຍາໄລແພດສາດໄອຈີຍີ່ປຸ່ນທີ່ເຂົ້າຮ່ວມການສຳຫຼວດເວົ້າວ່າ,ການດື່ມເຫຼົ້າຢ່າງຫຼວງຫຼາຍຈະພາໃຫ້ຮອກໂມນແມ່ຊຶມອອກເພີ່ມຂຶ້ນ,ຮອກໂມນແມ່ສາມາດຊຸກຍູ້ໃຫ້ຈຸລັງມະເຮັງຕ່ອມນົມເຕີບໂຕເພີ່ມຂຶ້ນ.
|
