|
ຕາມຂ່າວCRI: ວັນທີ 25 ກັນຍານີ້ ທ່ານຄູໄລ ນາຍົກລັດຖະມົນຕີລັດຖະບານປາເລັສຕິນປົກຄອງຕົນເອງກ່າວວ່າ, ທ່ານໄດ້ກຽມພ້ອມແລ້ວທ່ີຈະເຈລະຈາກັບທ່ານຊາລົງ ນາຍົກລັດຖະມົນຕີອິສລາແອນ.
ໃນເວລາຕອບຄຳຖາມຂອງນັກຂ່າວຢູ່ເມືອງລາມາລາທ່ີຢູ່ຝ່ັງຕາເວັນຕົກແມ່ນ້ຳຈໍແດນ, ທ່ານຄູໄລກ່າວວ່າ, ການເຈລະຈາເທ່ືອນີ້ຄວນແມ່ນການເຈລະຈາທີ່ໄດ້ທຳການກະກຽມຢ່າງເຕັມສ່ວນກ່ອນແລະຈະໄດ້ຮັບໝາກຜົນອັນຕັ້ງໜ້າແລະອຸດົມສົມບູນ. ທ່ານເຜີຍໃຫ້ຮູ້ວ່າ, ຫ້ອງການຂອງທ່ານໄດ້ຕິດຕໍ່ພົວພັນກັບຫ້ອງການຂອງທ່ານຊາລົງໂດຍຕະຫຼອດ, ເພ່ືອທຳການກະກຽມໃຫ້ສອງທ່ານຈັດການເຈລະຈາ.
ໃນມື້ດຽວກັນ, ເຈົ້າໜ້າທ່ີຝ່າຍປາເລັສຕິນໄດ້ກ່າວປະນາມທະຫານອິສລາແອນຕັ້ງສ່ິງກີດຂວາງຢູ່ດ່ານລາຟາ ທາງພາກໃຕ້ກາຊາທ່ີຕໍ່ແດນກັບເອຢິບ, ກັ້ນກາງບໍ່ໃຫ້ຜູ່ຮັກສາຄວາມປອດໄພປາເລັສຕິນງວດທຳອິດ 85 ຄົນໄປຮັບການອົບຮົມຢູ່ເອຢິບ.
|
