|
ທ່ານຜູ່ຟັງທ່ີໂຄລົບ, ສາທາລະນະລັດປະຊາຊົນຈີນໄດ້ສ້າງຕັ້ງຂຶ້ນໃນ 55 ປີກ່ອນ, ນີ້ເຮັດໃຫ້ປະຫວັດທ່ີຊາດຈີນຖືກຕ່າງປະເທດຮຸກຮານແລະຂູດຮີດເປັນເວລາດົນນານນັ້ສິ້ນສຸດລົງ, ແຕ່ນັ້ນມາ, ຈີນໄດ້ເລ່ີມກ້າວເດີນຕາມເສັ້ນທາງທ່ີພັດທະນາຢ່າງເປັນເອກະລາດເປັນເຈົ້າຕົນເອງ, ແລະຕັ້ງໜ້າສ້າງການພົວພັນສັນຕິພາບແລະໄມຕີຈິດກັບປະເທດຕ່າງໆໃນໂລກ. ໃນລາຍການເສັງຄວາມຮູ້ກ່ຽວກັບວັນສ້າງຕັ້ງສ.ປ.ຈີນຄົບຮອບ 55 ປີພາກນີ້, ພວກເຮົາຈະສະເໜີນະໂຍບາຍການຕ່າງປະເທດອັນພື້ນຖານແລະສະພາບສັງເຂບຂອງການໄປມາຫາສູ່ກັນລະຫວ່າງຈີນກັບປະເທດຕ່າງໆໃນໂລກ.
ຖ້າໃຊ້ປະໂຫຍກໜ່ຶງມາສະຫຼຸບນະໂຍບາຍການຕ່າງປະເທດຂອງຈີນແລ້ວ ນັ້ນກໍຄື: ຈີນຍຶດໝັ້ນນະໂຍບາຍການຕ່າງປະເທດສັນຕິພາບທ່ີຕັ້ງຕົວເປັນເອກະລາດເປັນເຈົ້າຕົນເອງຢ່າງສະເໝີຕົ້ນສະເໝີປາຍ. ແຕ່ສ.ປ.ຈີນສ້າງຕັ້ງຂຶ້ນເປັນຕົ້ນມາ, ຈີນກໍເລ່ີມຂະຫຍາຍການພົວພັນກັບບັນດາປະເທດໂດຍອີງຕາມນະໂຍບາຍດ່ັງກ່າວ. ໃນ 50 ກວ່າປີຜ່ານມາ, ບໍ່ວ່າສະຖານະການສາກົນມີການປ່ຽນແປງແນວໃດ, ນະໂຍບາຍການຕ່າງປະເທດຂອງຈີນກໍບໍ່ໄດ້ປ່ຽນແປງຈັກເທ່ືອ.
ປີ 1954 ກໍ່ຄືກ່ອນນີ້ 50 ປີເຕັມໆ,ຈີນກັບອິນເດຍ ມຽນມາໄດ້ພ້ອມກັນລິເລ່ີມຫຼັກ 5 ປະການຢູ່ຮ່ວມກັນໂດຍສັນຕິ, ເນື້ອໃນຫຼັກ 5 ປະການຢູ່ຮ່ວມກັນໂດຍສັນຕິແມ່ນ: ໂຄລົບອະທິປະໄຕແລະຜືນແຜ່ນດິນອັນຄົບຖ້ວນເຊ່ິງກັນແລະກັນ; ຕ່າງບໍ່ລ່ວງລ້ຳກັນ; ຕ່າງບໍ່ແຊກແຊງວຽກງານພາຍໃນຂອງກັນ; ສະເໝີພາບແລະຕ່າງຝ່າຍຕ່າງມີຜົນປະໂຫຍດ; ຢູ່ຮ່ວມກັນໂດຍສັນຕິ. ຫຼັກ 5 ປະການຢູ່ຮ່ວມກັນໂດຍສັນຕິແມ່ນການບັນຍາຍຍ່ິງຄົບຖ້ວນສົມບູນຕໍ່ນະໂຍບາຍການຕ່າງປະເທດສັນຕິພາບທ່ີເປັນເອກະລາດເປັນເຈົ້າຕົນເອງຂອງປະເທດຈີນໃໝ່, ພາຍຫຼັງມາໄດ້ກາຍເປັນຫຼັກມາດຖານພື້ນຖານໃນການຊຳລະການພົວພັນລະຫວ່າງຊາດທ່ີທ່ົວໂລກຮັບຮອງໂດຍທ່ົວໄປ. ບົນຫຼັກ 5 ປະການຢູ່ຮ່ວມກັນໂດຍສັນຕິ, ຈີນໄດ້ສ້າງສາຍສຳພັນທາງການທູດກັບ 165 ປະເທດ, ໄດ້ດຳເນີນການແລກປ່ຽນແລະຮ່ວມມືກັບເກືອບທຸກປະເທດແລະເຂດແຄວ້ນໃນດ້ານເສດຖະກິດການຄ້າ ວິທະຍາສາດເຕັກນິກແລະວັດທະນະທຳ.
"ສັນຕິພາບແລະການພັດທະນາແມ່ນສອງຫົວຂ້ໍໃຫຍ່ຂອງຍຸກສະໄໝ", ນີ້ແມ່ນຄຳວິນິດໄສອັນພື້ນຖານທ່ີສຸດຂອງຈີນທ່ີມີຕໍ່ສະຖານະການໂລກໃນສະເພາະໜ້ານີ້. ຫຼັງຈາກໄດ້ກ້າວເຂົ້າສູ່ສະຕະວັດທີ 21, ເຖິງວ່າສະຖານະການໂລກໄດ້ມີການປ່ຽນແປງຢ່າງສັບສົນແລະເລິກເຊ່ິງກໍ່ຕາມ, ແຕ່ຄຳວິນິດໄສອັນພື້ນຖານທ່ີສຸດດ່ັງກ່າວຂອງຈີນບໍ່ໄດ້ປ່ຽນແປງຈັກເທ່ືອ.
ກ່ຽວກັບເຈດຈຳນົງການຕ່າງປະເທດຂອງຈີນ, ຖ້າຢາກບັນຍາຍໃຫ້ລະອຽດ, ມີເນື້ອໃນຕົ້ນຕໍດ່ັງລຸ່ມນີ້: ຈີນມີເຈດຈຳນົງໃຫ້ການພົວພັນລະຫວ່າງຊາດມີປະຊາທິປະໄຕ, ຄັດຄ້ານລັດທິເຈົ້າອຳນາດແລະການເມືອງມະຫາອຳນາດ, ມີເຈດຈຳນົງໃຫ້ທຸກປະເທດເຂົ້າຮ່ວມວຽກງານສາກົນຢ່າງສະເໝີພາບ, ບໍ່ວ່າຈະແມ່ນປະເທດນ້ອຍຫຼືໃຫຍ່, ປະເທດອ່ອນແອຫຼືເຂັ້ມແຂງ. ໃນການແກ້ໄຂການວິວາດກັນລະຫວ່າງຊາດ, ຈີນມີເຈດຈຳນົງໂດຍຕະຫຼອດໃຫ້ເອົາການສົນທະນາເຂົ້າແທນການເປັນປໍລະປັກກັນ, ຄັດຄ້ານການໃຊ້ກຳລັງອາວຸດແລະຂ່ົມຂູ່ດ້ວຍກຳລັງອາວຸດ; ໃນທ່າທີປະຕິບັດຕໍ່ອາລະຍະທຳຂອງມະນຸດທ່ີຕ່າງກັນ, ຈີນມີເຈດຈຳນົງຮັກສາຄວາມຫຼາກຫຼາຍຂອງອາລະຍະທຳມະນຸດ, ມີເຈດຈຳນົງໃຫ້ໂຄລົບອາລະຍະທຳຕ່າງໆ ລະບອບສັງຄົມທ່ີຕ່າງກັນແລະເສັ້ນທາງພັດທະນາທ່ີຕ່າງກັນໃນໂລກ, ສະແຫວງຫາສ່ິງທ່ີຄືກັນ, ສະຫງວນສ່ິງທ່ີຕ່າງກັນ ແລ້ວພັດທະນາໄປພ້ອມກັນ.
ໃນບໍ່ທໍ່ໃດປີມານີ້, ລັດທິກໍ່ການຮ້າຍນັບມື້ນັບປ່ວງບ້າ, ບັນຫາຄວາມປອດໄພໄດ້ຮັບຄວາມໃສ່ໃຈຈາກປະເທດນັບມື້ນັບຫຼາຍໃນຂົງເຂດຄວາມປອດໄພ, ຈີນເດັດດ່ຽວຄັດຄ້ານລັດທິກໍ່ການຮ້າຍໂດຍຕະຫຼອດ, ແລະຕັ້ງໜ້າເຂົ້າຮ່ວມການເຄ່ືອນໄຫວໂຈມຕີລັດທິກໍ່ການຮ້າຍສາກົນ; ພ້ອມກັນນັ້ນ, ຈີນມີເຈດຈຳນົງໃຫ້ສ້າງທັດສະນະຄວາມປອດໄພໃໝ່, ເຫັນວ່າ ພາຫະນະທາງການທະຫານບໍ່ຫ່ອນຊິພາໃຫ້ມີຄວາມປອດໄພຖາວອນ, ຄັດຄ້ານການລ່ວງລ້ຳອະທິປະໄຕຂອງປະເທດອື່ນໂດຍຖືການໂຈມຕີລັດທິກໍ່ການຮ້າຍສາກົນ ເປັນຂ້ໍອ້າງ, ຄັດຄ້ານການກະທຳທ່ີເອົາການຕ້ານລັດທິກໍ່ການຮ້າຍພົວພັນກັບຊົນເຜ່ົາໃດໜ່ຶງແລະສາສະໜາໃດໜ່ຶງ.
ໃນບໍ່ທໍ່ໃດປີມໍ່ໆມານີ້, ບົດບາດຂອງສະຫະປະຊາຊາດກໍແມ່ນຈຸດເດືອດໜ່ຶງທ່ີປະຊາຄົມໂລກເອົາໃຈໃສ່ນຳ. ໃນບັນຫານີ້, ຈີນມີເຈດຈຳນົງໃຫ້ຮັກສາອິດທິພົນແລະຖານະນຳທາງຂອງສະຫະປະຊາຊາດໃນການຊຳລະບັນຫາສຳຄັນສາກົນ. ມີເຈດຈຳນົງໃຫ້ໂຄລົບກົດໝາຍລະຫວ່າງຊາດແລະຫຼັກມາດຖານພື້ນຖານຂອງການພົວພັນລະຫວ່າງຊາດໂດຍທ່ົວໄປ. ຕົວຢ່າງຄື ໃນບັນຫາອີຣັກ, ຈີນຍຶດໝັ້ນຢ່າງສະເໝີຕົ້ນສະເໝີປາຍໃຫ້ຊອກວິທີແກ້ໄຂໂດຍທາງການເມືອງພາຍໃນຂອບສະຫະປະຊາຊາດ, ຄັດຄ້ານການໃຊ້ກຳລັງອາວຸດຕໍ່ອີຣັກໂດຍຫຼົບຫຼີກສະຫະປະຊາຊາດ.
ທ່ີຟັງມານັ້ນ ພວກເຮົາໄດ້ສະເໜີນະໂຍບາຍການຕ່າງປະເທດແລະເຈດຈຳນົງຕົ້ນຕໍຂອງຈີນ. ຕໍ່ໄປຂໍສະເໜີສະພາບການໄປມາຫາສູ່ກັນລະຫວ່າງຈີນກັບປະເທດຕ່າງໆໃນໂລກໂດຍຫຍ້ໍ.
ຈີນແມ່ນປະເທດພວມພັດທະນາທ່ີໃຫຍ່ກວ່າໝູ່, ການເພ່ີມທະວີຄວາມສາມັກຄີແລະຮ່ວມມືກັບບັນດາປະເທດພວມພັດທະນາອັນໄພສານແມ່ນຈຸດຢືນອັນພື້ນຖານຂອງນະໂຍບາຍການຕ່າງປະເທດຂອງຈີນ. ຈີນກັບປະເທດພວມພັດທະນາເປັນຈຳນວນຫຼວງຫຼາຍໃນທະວີບອາຊີ ທະວີບອາຟຼິກກາແລະທະວີບອາເມລິກາລາຕິນມີການປະສົບພົບພໍ້ຄ້າຍຄືກັນ, ຈ່ຶງມີຈຸດໝາຍຮ່ວມທ່ີປົກປັກຮັກສາຄວາມເປັນເອກະລາດແຫ່ງຊາດແລະບັນລຸເສດຖະກິດພັດທະນາ. ຈີນເປັນປະເທດພວມພັດທະນາປະເທດໜ່ຶງປະເທດດຽວໃນ 5 ປະເທດມົນຕີຖາວອນຂອງສະພາຄວາມໝັ້ນຄົງສະຫະປະຊາຊາດ, ໃນຫຼາຍປີມານີ້, ຈີນໄດ້ພະຍາຍາມເສີມຂະຫຍາຍບົດບາດພິເສດເປັນຕົວແທນຂອງປະເທດພວມພັດທະນາໃນວຽກງານສະຫະປະຊາຊາດ, ໄດ້ພະຍາຍາມປົກປ້ອງສິດປະໂຫຍດອັນຊອບທຳຂອງປະເທດພວມພັດທະນາ.
ຈີນແມ່ນໜ່ຶງໃນບັນດາປະເທດທ່ີມີປະເທດໃກ້ຄຽງຫຼາຍກວ່າໝູ່ໃນໂລກ, ຂະຫຍາຍການຮ່ວມມືຢ່າງມີໄມຕີຈິດຖານບ້ານໃກ້ເຮືອນຄຽງກັບປະເທດອ້ອມຂ້າງແມ່ນພາກສ່ວນປະກອບອັນສຳຄັນຂອງນະໂຍບາຍການຕ່າງປະເທດຂອງຈີນ. ຈີນຍຶດໝັ້ນທິດທາງ "ຖືປະເທດໃກ້ຄຽງເປັນເພ່ືອນ ມີໄມຕີຈິດຕໍ່ປະເທດໃກ້ຄຽງ", ໄດ້ສະເໜີນະໂຍບາຍການຕ່າງປະເທດກັບປະເທດອ້ອມຂ້າງຄື "ເປັນບ້ານໃກ້ເຮືອນຄຽງທ່ີດີຕໍ່ກັນ ຢູ່ຮ່ວມກັນກັບປະເທດໃກ້ຄຽງຢ່າງສະຫງົບ ຮ່ັງມີນຳກັນກັບປະເທດໃກ້ຄຽງ". ທ່ານນາງຟູຢິງ ຫົວໜ້າກົມອາຊີກະຊວງການຕ່າງປະເທດຈີນໃນເມ່ືອກ່ອນ ເອກອັກຄະລັດຖະທູດຈີນປະຈຳອົສຕຼາລີໃນປະຈຸບັນເວົ້າວ່າ: "ເປັນບ້ານໃກ້ເຮືອນຄຽງທ່ີດີຕໍ່ກັນ" ກໍແມ່ນຕ້ອງພ້ອມກັບປະເທດໃກ້ຄຽງສ້າງສະພາບແວດລ້ອມທ່ີມີໄມຕີຈິດແລະປອງດອງກັນ; "ຢູ່ຮ່ວມກັນກັບປເທດໃກ້ຄຽງຢ່າງສະຫງົບ" ກໍແມ່ນພ້ອມກັນກັບປະເທດໃກ້ຄຽງສ້າງສະພາບແວດລ້ອມອ້ອມຂ້າງຢ່າງມີສັນຕິພາບແລະສະຖຽນລະພາບ; "ຮ່ັງມີນຳກັນກັບປະເທດໃກ້ຄຽງ" ກໍແມ່ນຕ້ອງພ້ອມກັນກັບປະເທດໃກ້ຄຽງບັນລຸການພັດທະນາ ແລະຄວາມຈະເລີນຮຸ່ງເຮືອງ.
ແນ່ນອນແລ້ວ ຈີນກໍສຸດທ່ີເອົາໃຈໃສ່ນຳການພັດທະນາການພົວພັນກັບປະເທດພັດທະນາ, ມີເຈດຈຳນົງໃຫ້ບັນດາປະເທດໂຄລົບເຊ່ິງກັນແລະກັນ ສະແຫວງຫາສ່ິງທີ່ຄືກັນ ສະຫງວນສ່ິງທ່ີຕ່າງກັນ ຂະຫຍາຍການຮ່ວມມືທ່ີຕ່າງຝ່າຍຕ່າງມີຜົນປະໂຫຍດ, ໂດຍເບ່ິງຂ້າມລະບອບສັງຄົມຕ່າງກັນແລະຮູບຖານຈິດສຳນຶກທ່ີຕ່າງກັນ.
ກໍເໝືອນດ່ັງທ່ານລີຈ້າວຊິງ ລັດຖະມົນຕີການຕ່າງປະເທດຈີນເວົ້ານັ້ນວ່າ, ຈີນຈະເດີນໄປຕາມເສັ້ນທາງການພັດທະນາໂດຍສັນຕິຈົນເທ່ົາໃດໆ. ທ່ານເວົ້າວ່າ: ຈຸດພິເສດໃຫຍ່ກວ່າໝູ່ແຫ່ງການພັດທະນາຂອງຈີນກໍແມ່ນພັດທະນາໂດຍສັນຕິ. ເສັ້ນທາງທ່ີພວກຂ້າພະເຈົ້າກ້າວເດີນນັ້ນກໍແມ່ນປົກປັກຮັກສາສັນຕິພາບຂອງໂລກ ຕັ້ງໜ້າເຂົ້າຮ່ວມການຮ້ວມມືທ່ີສະເໝີພາບແລະຕ່າງຝ່າຍຕ່າງມີຜົນປະໂຫຍດ ຊຸກຍູ້ໃຫ້ພັດທະນາໄປພ້ອມກັນ. ການພັດທະນາໂດຍສັນຕິຂອງຈີນໄດ້ນຳເອົາກາລະໂອກາດມາໃຫ້ທ່ົວໂລກ, ຫາກບໍ່ແມ່ນສ່ິງກີດຂວາງ ແລະບໍ່ແມ່ນການຂ່ົມຂູ່.
ເອົາລະທ່ານຜູ່ຟັງທ່ີໂຄລົບ, ຕໍ່ໄປຂ້າພະເຈົ້າຂໍຍົກຄຳຖາມສອງຂ້ໍໂດຍອີງຕາມເນື້ອໃນລາຍການທ່ີທ່ານໄດ້ຮັບຟັງມາ. ຄຳຖາມທີໜ່ຶງ: ນັບມາຮອດປະຈຸບັນ ຈີນໄດ້ສ້າງສາຍສຳພັນທາງການທູດກັບຈັກປະເທດ? ຄຳຖາມທີສອງ: ເນື້ອໃນຕົ້ນຕໍຂອງນະໂຍບາຍການຕ່າງປະເທດຂອງຈີນມີຫຍັງແດ? ຕໍ່ໄປຂ້າພະເຈົ້າຂໍອ່ານຄຳຖາມດ່ັງກ່າວອີກເທ່ືອໜ່ຶງ. ຄຳຖາມທີໜ່ຶງ: ນັບມາຮອດປະຈຸບັນ ຈີນໄດ້ສ້າງສາຍສຳພັນທາງການທູດກັບຈັກປະເທດ? ຄຳຖາມທີສອງ: ເນື້ອໃນຕົ້ນຕໍຂອງນະໂຍບາຍການຕ່າງປະເທດຂອງຈີນມີຫຍັງແດ? ທ່ານຕອບໂດຍຫຍ້ໍກໍໄດ້, ຕອບໃຫ້ລະອຽດກໍໄດ້.
ທ່ານຜູ່ຟັງທ່ີໂຄລົບ, ມາເຖິງມື້ນີ້ ລາຍການເສັງຄວາມຮູ້ກ່ຽວກັບວັນສ້າງຕັ້ງສ.ປ.ຈີນຄົບຮອບ 55 ປີຂອງພວກເຮົາໄດ້ອອກອາດກາດໝົດແລ້ວ, ຂອບໃຈທ່ີທ່ານຮັບຟັງ, ພົບກັນໃໝ່ໃນລາຍການໜ້າ, ສະບາຍດີ.
|
