|
ທະຫານອາເມລິກາປະຈຳອີຣັກສືບຕໍ່ຖິ້ມລະເບີດໃສ່ຟາລູຈາແລະຊາມາລາ
cri
Author: MO
ຕາມຂ່າວCRI: ຕອນຄ່ຳວັນທີ 1 ແລະວັນທີ 2 ຕຸລາ, ທະຫານອາມເລິກາປະຈຳອີຣັກໄດ້ຖີ້ມລະເບີດໃສ່ເມືອງຟາລູຈາແລະເມືອງຊາມາລາແຫ່ງອີຣັກຢ່າງລຽນຕິດ, ເຮັດໃຫ້ມີຄົນຕາຍແລະບາດເຈັບຢ່າງຫລວງຫລາຍ.
ຕາມຂ່າວແຈ້ງວ່າ, ຕອນຄ່ຳວັນທີ 1 ຕຸລາ, ຍົນລົບຂອງທະຫານອາເມລິກາໄດ້ຖິ້ມລະເບີດໃສ່ເມືອງຟາລູຈາ ຢູ່ທິດຕາເວັນຕົກເມືອງແບກແດດ, ຢ່າງໜ້ອຍເຮັດໃຫ້ສາມັນຊົນອີຣັກ 7 ຄົນເສຍຊີວິດ. ໃນນັ້ນມີແມ່ຍິງແລະເດັກນ້ອຍ, ແລະບາດເຈັບ 13 ຄົນ.
ພາຍຫລັງໃດ້ໃຊ້ການເຄື່ອນໄຫວທາງການທະຫານຂະໜາດໃຫຍ່ຕໍ່ເມືອງຊາມາລາ ຢູ່ທິດເໜືອຂອງແບກແດດໃນວັນທີ 1 ຕຸລາແລ້ວ, ວັນທີ 2 ຕຸລາ, ທະຫານອາເມລິກາໄດ້ຖິ້ມລະເບີດໃສ່ຊາມາລາອີກ, ຢ່າງໜ້ອຍເຮັດໃຫ້ 15 ຄົນເສຍຊີວິດ, 20 ຄົນບາດເຈັບ. ຫລັງຈາກຖິ້ມລະເບີດແລ້ວ, ເມືອງຊາມາລາເຊົາສະໜອງນ້ຳປະປາແລະໄຟຟ້າ, ໄທເມືອງຫລາຍພັນຄົນໜີຈາກເມືອງ.
|
|
