ຕາມ​ຂ່າວCRI,ວັນ​ທີ2​ຕຸລາ,ຢູ່​ເມືອງ​ກາຊາ,ກອງ​ທະຫານ​ອິດ​ສະລະ​ແອນ​ໄດ້​ກຳຈັດ​ສະ​ມາ​ຊິກ​ອົງການ​ຮາ​ມາສ​2ຄົນ​ຢູ່​ຈຸດ​ກຳນົດ.

ສະມາຊິກ​ອົງການ​ຮາ​ມາສ2ຄົນ​ນີ້​ແມ່ນ​ຖືກ​ຍົນ​ເຮ​ລິ​ກົບ​ປະ​ກອບ​ອາວຸດ​ຂອງ​ກອງ​ທະ​ຫານ​ອິດ​ສະລະ​ແອນ​ຍິງ​ລູກ​ສອນ​ໄຟ​ນຳ​ວິຖີ​ໃສ່ໃນ​ເວລາ​ຂັບ​ລົດ​ແລ່ນ​ຢູ່​ໃນ​ເມືອງ​ກາຊາ.ກ່ອນ​ໜ້າ​ນີ້,ກອງ​ທະຫານ​ອິດ​ສະ​ລະ​ແອນ​ຍັງ​ໄດ້​ຫຼອນ​ໂຈມ​ຕີ​ສູນ​ອົບ​ພະ​ຍົບ​ເຈ​ບາ​ລີ​ຢາ​ພາກ​ເໜືອ​ກາ​ຊາ​ທາງ​ອາ​ກາດ,​ລະ​ເບີດ​ຊາວ​ປາ​ເລ​ັສ​ຕິນ​ຕາຍ​3​ຄົນ.

ມື​້ດຽວ​ກັນ,ທ່ານຮາ​ລີ​ເຢຜູ່​ນ​ຳອົງການ​ຮາ​ມາສ​ກ່າວ​ວ່າ,ຖ້າວ່າ​ກອງ​ທະ​ຫານ​ອິດ​ສະ​ລະ​ແອນ​ຢຸດຕິ​ການ​ເຄື່ອນ​ໄຫວ​ທາງ​ການ​ທະ​ຫານ​ຢູ່​ແຖບ​ກາຊາ,ອົງການ​ຮາ​ມາສກໍ​ຈະ​ຢຸດຕິ​ການ​ໃຊ້​ຈະ​ຫຼວດ​ທີ່​ຜະລິດ​​​ເອົາ​ເອງ​ຫຼອນ​ໂຈມ​ຕີ​ເປົ້າ​ໝາຍ​ອິດ​ສະລະ​ແອນ.ວັນ​ທີ2​ກັນຍາ,​ທ່ານຊາ​ລົງ​ນາຍົກ​ລັດຖະ​ມົນ ຕີອິດ​ສະລະ​ແອນ​​ໄດ້ປະ​ຕິ​ເສດ​ຂໍ້​ສະ​ເໜີ​ດ່ັງກ່າວ.