ຕາມຂ່າວສານຊິນຮວາ,ວັນທີ3ຕຸລາ,ທ່ານຊາລົງ ນາຍົກລັດຖະມົນຕີອິດສະລະແອນກ່າວວ່າ,ກອງທະຫານອິດສະລະແອນຈະສືບຕໍ່ໃຊ້ການເຄື່ອນໄຫວທາງການທະຫານຢ່າງຂະໜາດໃຫຍ່ຢູ່ແຖບກາຊາ.
ໃນເວລາໃຫ້ສຳພາດຕໍ່ນັກຂ່າວ,ທ່ານຊາລົງກ່າວວ່າ,ທ່ານຮູ້ສຶກເພ່ິງພໍໃຈຕໍ່ການເຄື່ອນໄຫວທາງການທະຫານຂອງກອງທະຫານອິດສະລະແອນຢູ່ແຖບກາຊາໃນຫວ່າງມໍ່ໆນີ້,ທ່ານກ່າວວ່າ,ການເຄື່ອນໄຫວທາງການທະຫານຈະດຳເນີນຕໍ່ໄປຈົນກວ່າເຖິງແຫ່ງນັ້ນບໍ່ມີຄວາມອັດຕະລາຍ.
ຕາມຂ່າວແຈ້ງວ່າ,ຕອນຮຸ່ງເຊົ້າວັນທີ3ຕຸລາ,ມີຊາວປາເລັສຕິນອີກຜູ່ໜຶ່ງຖືກກອງທະຫານອິດສະລະແອນຍິງຕາຍຢູ່ກາຊາ.ຕອນຄຳ່ວັນທີ2ຕຸລາ,ກອງທະຫານອາກາດອິດສະລະແອນຍັງຍິງລູກສອນໄຟນຳວິຖີໃສ່ພາກຕາເວັນອອກແຖບກາຊາ,ລະເບີດສະມາຊິກອົງການຮາມາສຕາຍ2ຄົນ.
ວັນທີ2ຕຸລາ,ທ່ານຮານີຢາຜູ່ນຳການທະຫານຂອງອົງການຮາມາສປະຈຳແຖບກາຊາໄດ້ກ່າວວ່າ,ຖ້າວ່າອິດສະລະແອນເຊົາຮຸກຮານກາຊາ,ອົງການຮາມາສກໍຈະບໍ່ຍິງຈະຫຼວດໃສ່ຕົວເມືອງຂອງອິດສະລະແອນອີກ.ແຕ່ທ່ານຊາລົງໄດ້ປະຕິເສດຂໍ້ສະເໜີຢຸດຍິງດ່ັງກ່າວໃນຕອນຄຳ່ວັນທີ2ຕຸລາ.
|