|
ຕາມຂ່າວCRI,ວັນທີ3ຕຸລາ,ສັນນິບາດປະເທດອາລັບໄດ້ມອບໜ້າທີ່ໃຫ້ຄະນະທູດການຕ່າງປະເທດຂອງປະເທດອາລັບປະຈຳສະຫະປະຊາຊາດສະເໜີບັນຫາກ່ຽວກັບສະຖານະການປາເລັສຕິນອິດສະລະແອນຊຸດຮ້າຍລົງຢ່າງໜັກໜ່ວງໃນຫວ່າງມໍ່ໆນີ້ໃຫ້ສະມັດຊາໃຫຍ່ແລະສະພາຄວາມໝັ້ນຄົງສະຫະປະຊາຊາດປຶກສາຫາລືໂດຍດ່ວນ.
ສັນນິບາດປະເທດອາລັບແມ່ນທຳການຕົກລົງດ່ັງກ່າວໃນກອງປະຊຸມດ່ວນຂັ້ນຜູ່ແທນຖາວອນປະຈຳສະຫະປະຊາຊາດທີ່ຈັດຂຶ້ນຢູ່ເລີແກ.ປະກາດແຈ້ງການທີ່ປະກາດພາຍຫຼັງກອງປະຊຸມໄດ້ຮຽກຮ້ອງປະຊາຄົມໂລກຈົ່ງສະໜອງການປົກປັກຮັກສາທາງສາກົນແກ່ຊາວປາເລັສຕິນ,ແລະເຕືອນໃຫ້4ຝ່າຍບັນຫາຕາເວັນອອກກາງຫາບແບກໜ້າທີ່ຮັບຜິດຊອບຕໍ່ການປະທະກັນລະຫວ່າງປາເລັສຕິນອິດສະລະແອນເລ່ື່ອນຂັ້ນ,ໃຊ້ການເຄື່ອນໄຫວໃນທັນທີເກືອດຫ້າມການຮຸກຮານປາເລັສຕິນຂອງກອງທະຫານອິດສະລະແອນ.ປະກາດແຈ້ງການຍັງຮຽກຮ້ອງທ່ານອານນານ ເລຂາທິການໃຫຍ່ສະຫະປະຊາຊາດຍ່ື່ນບົດລາຍງານສະບັບໜຶ່ງກ່ຽວກັບບັນຫາກອງທະຫານອິດສະລະແອນລ່ວງລຳ້ສິດທິມະນຸດຂອງຊາວປາເລັສຕິນໃຫ້ສະພາຄວາມໝັ້ນຄົງ.
ວັນທີ29ກັນຍາ,ອົງການຮາມາສໄດ້ຍິງຈະຫຼວດໃສ່ພາກໃຕ້ອິດສະລະແອນ,ເຮັດໃຫ້ເດັກນ້ອຍອິດສະລະແອນຕາຍສອງຄົນ.ວັນທີ30ກັນຍາ,ອິດສະລະແອນໄດ້ເລີ່ມກໍ່ການ
ເຄື່ອນໄຫວທາງການທະຫານທີ່ໃຫ້ຊື່ວ່າວັນໄຖ່ໂທດຢູ່ກາຊາ.ນັບມາຮອດປະຈຸບັນ,ການເຄື່ອນໄຫວດ່ັງກ່າວໄດ້ເຮັດໃຫ້ຊາວປາເລັສຕິນຕາຍປະມານ60ຄົນ.
|
