|
|
 |
| (GMT+08:00)
2004-10-08 18:08:41
|
 |
|
ນັກວິທະຍາສາດຊອກພົບຫຼັກຖານໃໝ່ທີ່ພິສຸດວ່າຄວາມຄຽດເປັນໂທດຕໍ່ສຸຂະພາບ
cri
Author: li
ບາງທີທ່ານອາດຈະເຫັນຜູ່ໃດຜູ່ໜຶ່ງພວມໂມໂຫໂທໂສຢ່າງໃຫຍ່,ໃນເວລານັ້ນທ່ານອາດຈະເວົ້າປອບໃຈ,ຢ່າຄຽດຢ່າຄຽດ ຈັກໜ້ອຍຈະພາໃຫ້ບໍ່ສະບາຍ. ການຄົ້ນຄວ້າໃໝ່ລາຍໜຶ່ງຂອງນັກວິທະຍາສາດໄດ້ປະກົດເຫັນວ່າ,ຄວາມຄຽດແຄ້ນເປັນໂທດຕໍ່ສຸຂະພາບແທ້,ເພາະວ່າມັນຈະເຮັດໃຫ້ປະລິມານໂປຼຕິນຊະນິດໜຶ່ງທີ່ຈະພາໃຫ້ອັກເສບນັ້ນເພີ່ມຫຼາຍຂຶ້ນ,ແລ້ວເພີ່ມຄວາມອັນຕະລາຍທີ່ຈະເປັນໂຣກຫົວໃຈແລະສາຍເລືອດ.
ເວບໄຊ້ຂອງວາລະສານ Science ອາເມລິກາລາຍງານວ່າ,ໂປຼຕິນຊະນິດນີ້ເອີ້ນວ່າໂປຼຕິນກະທົບC(ຄືCRP),ການຄົ້ນຄວ້າກ່ອນໜ້ານີ້ໄດ້ສະແດງໃຫ້ເຫັນວ່າ,ມັນຈະພາໃຫ້ອັກເສບ,ແລ້ວພາໃຫ້ເປັນພະຍາດຫົວໃຈແລະສາຍເລືອດ. ການອັກເສບຈະພາໃຫ້ຊັ້ນໃນຂອງສາຍເລືອດແດງແຂງດ້ານ,ແລະຕັນງ່າຍ. ປະລິມານໂປຼຕິນກະທົບ C ໃນຮ່າງກາຍຄົນແມ່ນຕົວເລກຄາດໝາຍທີ່ເດັ່ນກວ່າໂກເລສະເຕລອນທີ່ບອກໃຫ້ຮູ້ຄວາມອັນຕະລາຍຂອງໂຣກຫົວໃຈແລະສາຍເລືອດ.
ນັກວິທະຍາສາດຂອງມະຫາວິທະຍາໄລແຫ່ງໜຶ່ງຂອງອາເມລິກາໄດ້ປະກົດເຫັນວ່າ,ຈິດອາລົມດ້ານລົບຈະເຮັດໃຫ້ປະລິມານໂປຼຕິນກະທົບ C ເພີ່ມຂຶ້ນ. ນັກວິທະຍາສາດໄດ້ລາຍງານໃນວາລະສານແພດສາດຈິດຕະສາດສະບັບຫຼ້າສຸດວ່າ,ພວກທ່ານໄດ້ສັງເກດຜູ່ເຕັມກະສຽນ 127 ຄົນທີ່ມີອາຍຸແຕ່ 18 ປີຮອດ 65 ປີ,ປະກົດເຫັນວ່າ,ເມື່ອທຽບກັບຜູ່ທີ່ມີຈິດໃຈສະຫງົບແລະເບິ່ງໄປໃນແງ່ດີແລ້ວ,ຜູ່ທີ່ມັກຄຽດມັກອຸກໃຈແລະຊັງຄົນ,ປະລິມານໂປຼຕິນກະທົບ C ໃນຮ່າງກາຍຂອງເຂົາຈະສູງກວ່າ 1 ເທົ່າຮອດ 2 ເທົ່າ. ນີ້ສະແດງໃຫ້ເຫັນຕື່ມອີກວ່າ,ກຳລັງໜີບດ້ານຈິດອາລົມຈະກະທົບກະເທືອນເຖິງລະບົບເສັ້ນປະສາດແລະລະບົບພູມຕ້ານທານ.
ນີ້ແມ່ນຄົນທັງຫຼາຍປະກົດເຫັນການພົວພັນລະຫວ່າງອາລົມບໍ່ດີເຊັ່ນຄວາມຄຽດແຄ້ນເປັນຕົ້ນກັບປະລິມານໂປຼຕິນກະທົບ C ເປັນຄັ້ງທຳອິດ,ແຕ່ວ່າກ່ຽວກັບກົນໄກລະອຽດນັ້ນ ຍ້ງຕ້ອງຄົ້ນຄວ້າຕື່ມອີກ.
|
|
|
