|
|
 |
| (GMT+08:00)
2004-10-08 18:16:00
|
 |
|
ເພດຍິງກິນປາຫຼາຍສາມາດຫຼຸດຜ່ອນຄວາມອັນຕະລາຍທີ່ຈະເປັນມະເຮັງຕ່ອມນົມໃຫ້ໜ້ອຍລົງ
cri
ໜ່ວຍຄົ້ນຄວ້າຂອງກະຊວງວັດທະນະທຳວິທະຍາສາດຍີ່ປຸ່ນໄດ້ສຳຫຼວດເຫັນວ່າ,ເພດຍິງກິນປາຫຼາຍສາມາດຫຼຸດຜ່ອນຄວາມອັນຕະລາຍທີ່ຈະເປັນມະເຮັງຕ່ອມນົມໃຫ້ໜ້ອຍລົງ.
ໜັງສືພິມອາຊາຮີຊິນບູນລາຍງານວ່າ,ແຕ່ປີ 1988 ຮອດປີ 1990 ໜ່ວຍຄົ້ນຄວ້າດັ່ງກ່າວໄດ້ສຳຫຼວດເພດຍິງທີ່ອາຍຸແຕ່ 40 ຮອດ 70 ປີ 2 ໝື່ນ 5 ພັນ 4 ຮ້ອຍຄົນໃນທົ່ວປະເທດ,ຕົ້ນຕໍແມ່ນສຳຫຼວດພວກນາງກິນປາຫຼາຍປານໃດແລະກິນເທົ່າໃດເທື່ອໃນຊີວິດປະຈຳວັນ,ຈາກນັ້ນ ໃນ 7 ປີເຄິ່ງຕໍ່ມາ,ໄດ້ຕິດຕາມສຸຂະພາບຂອງພວກນາງໂດຍຕະຫຼອດ,ໃນນັ້ນ ມີ 127 ຄົນເປັນມະເຮັງຕ່ອມນົມ. ພະນັກງານຄົ້ນຄວ້າປະກົດເຫັນວ່າ,ເອົາຈຸໜຶ່ງທີ່ກິນປາສູ່ມື້ທຽບກັບອີກຈຸໜຶ່ງທີ່ກິນປາອາທິດລະເທື່ອ 2 ເທື່ອແລະຈຸບໍ່ກິນປາປານໃດ,ຈຸກິນປາເລື້ອຍໆ ອັດຕາເປັນມະເຮັງຕ່ອມນົມຕ່ຳກວ່າ 43%. ຈາກການສຳຫຼວດຍັງປະກົດເຫັນວ່າ,ອັດຕາເປັນມະເຮັງຕ່ອມນົມບໍ່ມີການພົວພັນກັບປະລິມານໄຂມັນພືດທີ່ກິນ.
ການທົດລອງຢູ່ຕາມສັດຢັ້ງຢືນໃຫ້ເຫັນວ່າ,ໃນໄຂມັນຂອງປາ,ມີສານສອງຊະນິດທີ່ມີບົດບາດລະງັບຈຸລັງມະເຮັງ. ພະນັກງານຄົ້ນຄວ້າເຫັນວ່າ,ອາດຈະແມ່ນສານລະງັບຈຸລັງມະເຮັງສອງຊະນິດດັ່ງກ່າວໄດ້ເສີມຂະຫຍາຍບົດບາດ,ເຮັດໃຫ້ຜູ່ກິນປາເລື້ອຍໆມີອັດຕາເປັນມະເຮັງຕ່ອມນົມຕ່ຳລົງຫຼາຍ.
|
|
|
