|
|
 |
| (GMT+08:00)
2004-10-08 20:43:41
|
 |
|
ເພດຊາຍທີ່ຊ່ວງເຫຼົ້າຊ້າມັກເປັນໂຣກສາຍເລືອດສະໝອງຕັນ
cri
ການສຳຫຼວດທີ່ມະຫາວິທະຍາໄລແພດສາດຍີ່ປຸ່ນແລະສູນອາຍຸຍືນແລະປິ່ນປົວແຫ່ງຊາດຮ່ວມກັນຈັດຂຶ້ນນັ້ນສະແດງໃຫ້ເຫັນວ່າ,ເພດຊາຍທີ່ຊ່ວງເຫຼົ້າຊ້າ ມີຄວາມອັນຕະລາຍທີ່ຈະເປັນໂຣກສາຍເລືອດສະໝອງຕັນຈະສູງກວ່າເພດຊາຍທີ່ຊ່ວງເຫຼົ້າໄວ 2 ເທົ່າ.
ໜັງສືພິມເຄຊາຍອີຊິມບູນຍີ່ປຸ່ນລາຍງານວ່າ,ຊ່ວງເຫຼົ້າໄວຫຼືຊ້າແມ່ນຊີ້ຂາດຢູ່ນຳເຊື້ອໝັກແຍກທາດອານໂກນໃນເລືອດໄວຫຼືຊ້າ,ສ່ວນເຊື້ອໝັກແຍກທາດອານໂກນໄວຫຼືຊ້າແມ່ນຄວບຄຸມໂດຍແຊນຂອງແຕ່ລະຄົນ. ຢູ່ຍີ່ປຸ່ນ,ຜູ່ທີ່ເຊື້ອໝັກແຍກທາດອານໂກນຊ້າດ້ວຍການຄວບຄຸມຂອງແຊນພາຍໃນຮ່າງກາຍນັ້ນກວມປະມານ 40%,ຄົນເຫຼົ່ານີ້ດື່ມເບຍແກ້ວໜຶ່ງກໍເມົາໂລດ.
ແຕ່ປີ 1997 ເປັນຕົ້ນມາ,ຜູ່ຮັບຜິດຊອບຂອງໜ່ວຍຄົ້ນຄວ້າໄດ້ເກັບໂຮມເອົາຕົວຢ່າງເລືອດຂອງຍິງຊາຍ 2400 ຄົນອາຍຸແຕ່ 40 ປີຮອດ 70 ປີໃນແຂວງໄອຈີ ເພື່ອສຳຫຼວດການພົວພັນລະຫວ່າງແຊນທີ່ພາໃຫ້ເຊື້ອໝັກຊະນິດນີ້ບໍ່ຟົດຟື້ນກັບພະຍາດສາຍເລືອດສະໝອງຕັນ. ຜົນການສຳຫຼວດສະແດງໃຫ້ເຫັນວ່າ,ໃນຜູ່ທີ່ມີແຊນຊະນິດນີ້ມີ 16% ເປັນພະຍາດສາຍເລືອດສະໝອງຕັນ,ອັດຕາເປັນພະຍາດສູງກວ່າຜູ່ທີ່ຊ່ວງເຫຼົ້າໄວນັ້ນ 2,1 ເທົ່າ. ສ່ວນເພດຍິງພັດບໍ່ມີຄວາມແຕກຕ່າງກັນປານໃດ.
ກ່ອນໜ້ານີ້,ຄົນທັງຫຼາຍຖືໂດຍຕະຫຼອດວ່າ,ມູນເຫດຕົ້ນຕໍທີ່ພາໃຫ້ເປັນພະຍາດສາຍເລືອດສະໝອງຕັນແມ່ນຍ້ອນຄວາມດັນເລືອດສູງ,ເທື່ອນີ້ແມ່ນເທື່ອທຳອິດທີ່ປະກົດເຫັນວ່າ,ສາຍເລືອດສະໝອງຕັນແມ່ນມີສ່ວນກ່ຽວພັນກັບແຊນດັ່ງກ່າວ. ຜູ່ຮັບຜິດຊອບຂອງໜ່ວຍຄົ້ນຄວ້າເວົ້າວ່າ,ຍ້ອນບົດບາດແຍກທາດຂອງເຊື້ອໝັກອ່ອນ,ພາໃຫ້ໂກເລສະເຕລອນໃນເລືອດຂອງຄົນເພີ່ມຂຶ້ນຫຼາຍ,ແລ້ວເຮັດໃຫ້ມີຄວາມອັນຕະລາຍທີ່ສາຍເລືອດສະໝອງຕັນ.
|
|
|
