|
ຕາມຂ່າວCRI: ວັນທີ 8 ຕຸລານີ້ ພາຍຫຼັງໄດ້ຮັບຂ່າວກ່ຽວກັບທ່ານບີກຼີ ຕົວປະກັນອັງກິດຖືກຕັດຄໍແລ້ວ, ທ່ານອາລາວີ ນາຍົກລັດຖະມົນຕີລັດຖະບານຊ່ົວຄາວອີຣັກກ່າວວ່າ, ຈະຊອບຈັບພວກກໍ່ການຮ້າຍທ່ີຂ້າທ່ານບີກຼີຕາຍຈົນເຖິງທ່ີສຸດແລະລົງໂທດຕາມກົດໝາຍໂດຍໄວເທ່ົາທ່ີຈະໄວໄດ້.
ທ່ານອາລາວີກ່າວວ່າ, ທ່ານບີກຼີຖືກຂ້າຕາຍບໍ່ກ່ຽວພັນເຖິງການເຄື່ືອນໄຫວກວດລ້າງພວກປະກອບອາວຸດຕ້ານອາເມລິກາທ່ີກອງທະຫານອາເມລິກາແລະອີຣັກດຳເນີນຢູ່ເບື້ອງຕາເວັນຕົກສຽງໃຕ້ຂອງແບກແດດໃນຫວ່າງມໍ່ໆນີ້.
ຕອນບ່າຍວັນທີ 8 ຕຸລາ, ຍາດພີ່ນ້ອງຂອງທ່ານບີກຼີອອກຖະແຫຼງການທາງໂທລະພາບ ໂດຍຢືນຢັນວ່າທ່ານບີກຼີຖືກຂ້າຕາຍແລ້ວ. ພາຍຫຼັງຂ່າວກ່ຽວກັບທ່ານບີກຼີຖືກຂ້າຕາຍນັ້ນຖືກຮັບຮອງແລ້ວ, ທ່ານແບຼ ນາຍົກລັດຖະມົນຕີແລະທ່ານສະຕຼາວ ລັດຖະມົນຕີການຕ່າງປະເທດອັງກິດໄດ້ອອກຖະແຫຼງການເປັນລຳດັບ, ສະແດງຄວາມຢື້ຢາມຖາມຂ່າວຕໍ່ຄອບຄົວຂອງທ່ານບີກຼີແລະກ່າວປະນາມຢ່າງຮຸນແຮງຕໍ່ຜູ່ລັກພາຕົວ.
ທ່ານບີກຼີປີນີ້ອາຍຸ 62 ປີ, ແມ່ນວິສະວະກອນຜູ່ໜ່ຶງ, ວັນທີ 16 ກັນຍາຖືກລັກພາຕົວຢູ່ແບກແດດພ້ອມກັນກັບຄົນອາເມລິກາອີກສອງຄົນ, ຄົນອາເມລິກາສອງຄົນຖືກຂ້າຕາຍກ່ອນ.
|
