ຕາມ​ຂ່າວສານ​ຊິ​ນຮວາ,ໜັງສືພິມລີ​ພັບ​ບິຼກຄາສະ​ບັບວັນ​ທີ10​ຕຸລາ​ຂອງ​ອີ​ຕາ​ລີລາ​ຍງານ​ວ່າ,​ຫວ່າງ​ມໍ່ໆ​ນີ້,ທ່ານ​ຟັຼງ​ໂກ​ຟຼາຕີ​ນີລັດຖະມົນຕີ​ການ​ຕ່າງປະ​ເທດ​ອີ​ຕາ​ລີ​ໄດ້​ສະ​ເໜີ​ແຜນ​ການ​ສາມບາດກ້າວ​ທີ່​ວາງ​ອອກ​ເພື່ອ​ອະນາ​ຄົດຂອງ​ອີຣັກ,​ໃນ​ນັ້ນ,ມີ​ບາດກ້າວ​ໜຶ່ງ​ກໍ​ແມ່ນ​ໃຫ້​ທະຫານ​ຂອງ​ປະ​ເທດ​ອາ​ລັບ​ເຂົ້າ​ແທນ​ກອງທະຫານ​ປະສົມປະຈຳ​ອີຣັກ​ເທື່ອ​ລະ​ກ້າວ.

ໃນ​ເວລາ​ໃຫ້​ສຳພາດ​ຕໍ່​ນັກ​ຂ່າວ,ທ່ານຟຼາຕີ​ນີກ່າວ​ວ່າ,ບາດກ້າວ​ທຳ​ອິດ​ທີ່​ພື້ນຖານ​ທີ່​ສຸດ​ໃນ3​ບາດກ້າວ​ກໍ​ແມ່ນ​ໃຫ້ລັດຖະບານ​ອີຣັກທີ່ກຳ​ເນີ​ດຈາກ​ການ​ເລືອກ​ຕັ້ງ​ທົ່ວ​ໄປ​ຂອງ​ອີຣັກທີ່​ຈະຈັດ​ຂຶ້ນ​ໃນ​ເດືອນ​ມັງກອນ​ປີໜ້າ​​ສາມາດ​ທຳ​ການ​ຕົກລົງ​ຕ່າງໆ​ຢ່າງ​ເປັນ​ເຈົ້າ​ຕົນ​ເອງ.

ກ່ອນ​ໜ້າ​ນີ້,ອາ​ລາ​ບີ​ຊາ​ອູ​ດິດ​ແລະ​ຊອກ​ດາ​ນີ​ລ້ວນ​​ແຕ່ໄດ້​ສະ​ເໜີ​ຂໍ້​ສ​ະ​ເໜີ​ທີ່​ໃຫ້​ປະ​ເທດ​ອາ​ລັບ​ສ່ົງ​ທະຫານ​ໄປ​ອີຣັກ,​ແຕ່​​ເທື່ອ​ນີ້​ແມ່ນ​ປະ​ເທດ​ກອງ​ທະຫານ​ປະສົມ​ສະ​ເໜີ​ຂໍ້​ສະ​ເໜີ​ດ່ັງ​ກ່າວ​ເປັນ​ຄັ້ງ​ທຳ​ອິດ.