|
ຈະກິນໄຂ່ໄກ່ແນວໃດຈ່ິງຈະມີສຸຂະພາບແຂງແຮງ?
cri
ວິທີກິນໄຂ່ໄກ່ມີຫລາຍຢ່າງຫລາຍແນວ,ເວົ້າສຳລັບການດູດຮັບທາດບຳລຸງແລະອັດຕາລະລາຍແລ້ວ,ໄຂ່ຕົ້ມແມ່ນ 100%,ໄຂ່ຈືນແມ່ນ 97%,ຈືນອ່ອນແມ່ນ 98%,ຈືນແກ່ແມ່ນ81,1%,ເອົານຳ້ຮ້ອນແລະນົມງົວມາຊົງແມ່ນ 92,5%,ກິນດິບແມ່ນ 30 ຫາ 50%.ເວົ້າໃນດ້ານນີ້ແລ້ວ,ໄຂ່ຕົ້ມແມ່ນວິທີກິນທ່ີດີກວ່າໝູ່,ແຕ່ຕ້ອງກິນໃຫ້ຊ້າ ຫຍ້ຳໃຫ້ລະອຽດ,ບໍ່ຊັ້ນຈະກະທົບກະເທືອນເຖິງການດູດຮັບແລະລະລາຍ.ແຕ່ວ່າ,ເວົ້າສຳ ລັບເດັກນ້ອຍແລ້ວ,ຍັງແມ່ນເຮັດໄຂ່ໜ້ຶງແລະແກງໄຂ່ໄກ່ດີກວ່າ,ເພາະວ່າ,ສອງວິທີນີ້ສາມາດເຮັດໃຫ້ທາດໂປຼຕິນລະລາຍອອກ,ເດັກນ້ອຍກິນແລ້ວດູດຮັບໄດ້ງ່າຍ.
ລະວັງເດີ້,ໄຂ່ໄກ່ຕົ້ມກັບໃບຊາຢ່າກິນຫລາຍ,ເພາະວ່າໃນໃບຊາມີທາດກົດ,ມັນປະສົມກັບທາດເຫັຼກໃນໄຂ່ໄກ່,ຈະກະຕຸກກະເພາະອາຫານ,ກະທົບກະເທືອນເຖິງບົດບາດລະລາຍຂອງກະເພາະອາຫານແລະໄສ້.
ມື້ໜ່ຶງຈະກິນໄຂ່ໄກ່ຫລາຍເທ່ົາໃດ:ໄຂ່ໄກ່ແມ່ນອາຫານມີທາດບຳລຸງສູງ,ຖ້າກິນຫລາຍໂພດ,ຈະພາໃຫ້ສ່ິງຂັບຖ່າຍເພ່ີມຫລາຍຂຶ້ນ,ພ້ອມກັນນັ້ນກໍ່ເພ່ີມພາລະໃຫ້ໝາກໄຂ່ຫລັງ,ທຳມະດາແລ້ວ,ເດັກນ້ອຍແລະຜູ້ເຖົ້າຜູ້ແ່ກມື້ໜ່ຶງກິນໄຂ່ໄກ່ໜ່ວຍໜ່ຶງ,ຊາວໜຸ່ມເຍົາວະຊົນແລະຜູ້ໃຫຍ່ມື້ໜ່ຶງກິນສອງໜ່ວຍຈະດີກວ່າ.
ຈະກິນໄຂ່ຂາວດີຫລືໄຂ່ເຫລືອງດີ:ວິທີກິນທີ່ຖືກຕ້ອງທ່ີສຸດແມ່ນຕ້ອງກິນທັງໜ່ວຍເລີຍ,ໃນໄຂ່ຂາວມີປະລິມານໂປຼຕິນຫລາຍ,ສ່ວນທາດບຳລຸງອ່ືນໆແມ່ນໃນໄຂ່ເຫືຼອງມີຫລາຍກວ່າ.
ຕໍ່ໄປພວກເຮົາຈະສະເໜີວິທີກິນໄຂ່ໄກ່ສອງສາມວິທີໃຫ້ເພ່ືອນຜູ້ຟັງທັງຫລາຍ:
ຈືນໄຂ່ໄກ່:ຢ່າໃຊ້ໄຟແຮງ,ບໍ່ຊັ້ນຈະເສຍທາດບຳລຸງຢ່າງຫລວງຫລາຍ.ເພາະວ່າຖ້າອຸນຫະພູມສູງໂພດ,ໂປຼຕິນໃນໄຂ່ໄກ່ຈະຖືກແຍກທາດ.ໂດຍສະເພາະແມ່ນໄຂ່ໄກ່ທ່ີຈືນຈົນສີແກ່ແລະຜ່ອຍ,ກໍ່ຍ່ິງເສຍທາດບຳລຸງຫລາຍ.ແຕ່ໄຟອ່ອນໂພດກໍ່ບໍ່ໄດ້,ເວລາຈືນຈະດົນຂຶ້ນ,ທາດນ້ຳຈະ
ເສຍຫລາຍ,ໄຂ່ໄກ່ທ່ີຈືນນັ້ນຈະແຫ້ງ,ສະນັ້ນ,ຈືນໄຂ່ໄກ່ດີທ່ີສຸດແມ່ນໃຊ້ໄຟປານກາງ.
ຫນຶ້ງໄຂ່ໄກ່:ໄຂ່ໄກ່ຈະຫນຶ້ງໄດ້ດີຫລືບໍ່,ນອກຈາກໃສ່ນ້ຳໃຫ້ພໍເໝາະແລ້ວ,ຕົ້ນຕໍແມ່ນຊີ້ຂາດຢູ່ນຳໄຂ່ໄກ່ຈະຄົນໄດ້ດີຫລືບໍ່.ໃນເວລາຄົນ,ຄວນໃຫ້ອາກາດສັບປົນເຂົ້າໄປຢ່າງສະໝ່ຳສະເໝີ,ເວລາຄົນບໍ່ໃຫ້ດົນໂພດ.ອຸນຫະພູມກໍ່ມີສ່ວນກ່ຽວຂ້ອງໂດຍ ກົງກັບການຄົນໄຂ່,ຕົວຢ່າງຖ້າອຸນຫະພູມຕ່ຳກວ່າ 20 ອົງສາ,ເວລາຄົນຄວນດົນແດ່(ປະມານ 5 ນາທີ),ເຮັດແນວນີ້,ເມ່ືອໜື້ງແລ້ວ,ໄຂ່ໄກ່ຈະມີຮູນ້ອຍໃຫຍ່ບໍ່ທໍ່ກັນທ່ີຕາເບ່ິງບໍ່ເຫັນ;ຖ້າອຸນຫະພູມສູງກວ່າ 20 ອົງສາ,ເວລາຄົນກໍ່ຄວນສັ້ນແດ່.ໃນຕອນຫົວທີ,ຢ່າໃສ່ນ້ຳມັນແລະເກືອ,ເຮັດແນວນີ້ຈະເຮັດໃຫ້ຄວາມໜຽວຂອງໄຂ່ຖືກທຳ ລາຍ,ເວລາໜ້ຶງແລ້ວ,ໄຂ່ໄກ່ຈະຫຍາບແລະແຂງ;ຖ້າຄົນໃຫ້ສະໝ່ຳສະເໝີແລ້ວຈ່ິງໃສ່ນ້ຳມັນແລະເກືອ,ແລ້ວຄົນສອງສາມຄັ້ງກໍ່ເອົາໄປໜ້ຶງເລີຍ,ເຮັດແນວນີ້,ໄຂ່ໜ້ຶງຈະອ່ອນແຊບ.
ເຮັດແກງໄຂ່ໄກ່:ໃນເວລານ້ຳຟົດແລ້ວໃຫ້ໃສ່ນ້ຳສົ້ມສອງສາມຢອດ,ແລ້ວໃສ່ໄຂ່ໄກ່ທ່ີຄົນແລ້ວນັ້ນລົງໃສ່,ກໍ່ຈະປະກົດມີດອກໄຂ່ໄກ່ທ່ີສວຍງາມ.
ຕົ້ມໄຂ່ໄກ່:ຕ້ອງກຳເວລາໃຫ້ດີ,ທຳມະດາແມ່ນຕົ້ມ 8 ຫາ 10 ນາທີຈະດີກວ່າ.ຖ້າຕົ້ມບໍ່ສຸກ,ທາດໂປຼຕິນບໍ່ລະລາຍອອກ,ຈະດູດຮັບຍາກ.ຖ້າຕົ້ມດົນໂພດ,ອົງປະກອບທາດໂປຼຕິນຈະແຂ້ນເຂົ້າ,ກໍ່ດູດຮັບຍາກຄືນກັນ.
ຂ້ໍເຕືອນພິເສດ:ຈືນໄຂ່ຢ່າໃສ່ແປ້ງນົວ.ເພາະວ່າໃນໄຂ່ໄກ່ມີກົດກຼູຕາມິກອາຊິດແລະມີທາດກຼໍລົວນາຕີຼຈຳນວນ,ຖ້າໃສ້ແປ້ງນົວ,ເມ່ືອອຸນຫະພູມອຸ່ນຂຶ້ນ,ທາດສອງຢ່າງນີ້ຈະກາຍເປັນທາດໃຫມ່ຊະນິດໜ່ຶງຄືໂຊດຽມກຼູຕາມິກອາຊິດ,ເຊ່ິງກໍ່ຄືສ່ວນປະກອບຕົ້ນຕໍຂອງແປ້ງນົວ,ຄວາມນົວຂອງໄຂ່ໄກ່ເອງພັດຖືກປິດບັງໄວ້.
|
|
