|
|
 |
| (GMT+08:00)
2004-10-14 10:48:31
|
 |
|
ລັດເຊຍຄັດຄ້ານເອົາບັນຫານິວເຄຼຍແຫລມເກົາຫລີໄປອະພິປາຍຢູ່ສະພາຄວາມຫມັ້ນຄົງ
cri
Author: sayvanny
ຕາມຂ່າວສານຊີນຮວາ: ວັນທີ 13 ຕຸລາຢູ່ມົສກູ ທ່ານເຟໂດໂທຟ ຮອງລັດຖະມົນຕີການຕ່າງປະເທດລັດເຊຍເວົ້າວ່າ, ລັດເຊຍຄັດຄ້ານເອົາບັນຫານິວເຄຼຍແຫລມເກົາຫລີໄປອະພິປາຍຢູ່ສະພາຄວາມຫມັ້ນຄົງສະຫະປະຊາຊາດ.
ທ່ານເຟໂດໂທຟເວົ້າວ່າ, ເອົາບັນຫານິວເຄຼຍຂອງແຫລມເກົາຫລີໄປພິຈາລະນາຢູ່ສະພາຄວາມຫມັ້ນຄົງບໍ່ພຽງແຕ່ຈະບໍ່ມີຜົນຫຍັງ, ຫາກຍັງຈະທຳລາຍຂະບວນວິວັດແກ້ໄຂບັນvຫານີ້.ທ່ານເວົ້າວ່າ, ຫລັກຫມັ້ນຂອງຝ່າຍລັດເຊຍບໍ່ມີການປ່ຽນແປງ, ມີເຈດຈຳນົງສືບຕໍ່ຈັດການເຈລະຈາຫົກຝ່າຍກ່ຽວກັບບັນຫານິວເຄຼຍແຫລມເກົາຫລີ.
ຫວ່າງແລ້ວນີ້ ທ່ານອາມີດິສ ຮອງລັດຖະມົນຕີການຕ່າງປະເທດອາເມລິກາກ່າວວ່າ,ຖ້າວ່າສປປເກົາຫລີປະຕິເສດການເຈລະຈາຫົກຝ່າຍ, ກໍ່ຈະເອົາບັນຫານິວເຄຼຍແຫລມເກົາຫລີໄປໃຫ້ສະພາຄວາມຫມັ້ນຄົງສະຫະປະຊາຊາດເພື່ອພິຈາລະນາແລະລົງໂທດ.ຂ່າວສານສູນກາງສປປເກົາຫລີໄດ້ປະກາດບົດວິຈານ,ຄັດຄ້ານອາເມລິກາຂົ່ມຂູ່ເອົາບັນຫານິວເຄຼຍແລະບັນຫາລົງໂທດໄປພິຈາລະນາຢູ່ສະພາຄວາມຫມັ້ນຄົງສະຫະປະຊາຊາດ,ແລະທວງໃຫ້ອາເມລິກາປະລະມາດຖານສອງຢ່າງແລະນະໂຍບາຍເປັນປໍລະປັກກັບສປປເກົາຫລີ,ເຮັດໃຫ້ຄວາມພະຍາຍາມແກ້ໄຂບັນຫານິວເຄຼຍຫັນກັບຄືນສູ່ໂຄຈອນການເຈລະຈາຫົກຝ່າຍ.
|
|
|
