|
ຕາມຂ່າວCRI,ຕອນຄຳ່ວັນທີ14ຕຸລາ,ກອງທະຫານພິເສດແລະກອງທັບເຮືອສູ້ລົບເທິງບົກຂອງກອງທະຫານອາເມລິກາປະຈຳອີຣັກໄດ້ພ້ອມກັນກໍ່ການບຸກໂຈມຕີຟາລູຈາຢູ່ທິດຕາເວັນຕົກແບກແດດຢ່າງຂະໜາດໃຫຍ່ຈາກທາງອາກາດແລະທາງໜ້າດິນ.
ກອງທະຫານອາເມລິກາປະຈຳອີຣັກປະກາດວ່າ,ຍົນລົບແລະຍົນເຮລີກົບປະກອບອາວຸດຂອງກອງທະຫານອາເມລິກາໄດ້ຖິ້ມລະເບີດຢ່າງຫຼວງຫຼາຍໃສ່ບ່ອນທີ່ຖືວ່າເປັນບ່ອນເຕົ້າໂຮມຂອງພວກປະກອບອາວຸດທ້ອງຖິ່ນ,ເພື່ອສະກັດກັ້ນການໂຈມຕີຂອງພວກປະກອບອາວຸດ.ໃນຂະນະດຽວກັນ,ກອງພັນທະຫານເຮືອສູ້ລົບເທິງບົກສອງກອງຂອງອາເມລິກາໄດ້ພ້ອມກັນກັບກອງທະຫານພິເສດອາເມລິກາກອງໜຶ່ງບຸກໂຈມຕີຟາລູຈາແລະເຂດອ້ອມແອ້ມຟາລູຈາຈາກທາງໜ້າດິນ.
ປະຈຸບັນ,ຍັງບໍ່ມີຂ່າວກ່ຽວກັບຜູ້ຕາຍແລະບາດເຈັບ.ກອງທະຫານອາເມລິກາປະຈຳອີຣັກແມ່ນກໍ່ການບຸກໂຈມຕີດ່ັງກ່າວພາຍຫຼັງການເຈລະຈາລະຫວ່າງຜູ້ແທນຟາລູຈາກັບລັດຖະບານຊົ່ວຄາວຂອງອີຣັກໄດ້ຢຸດສະງັກ.
|
