|
|
 |
| (GMT+08:00)
2004-10-18 22:06:30
|
 |
|
ທ່ານລິວເຕີຮວາກັບເພງທີ່ທ່ານຮ້ອງ(ສຽງ)
cri
Author: mo
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທີ່ເຄົາລົບ, ລາຍການຢ່ອນອາລົມໃນວັນເສົາໄດ້ວຽນມາພົບກັບທ່ານອີກຕາມເຄີຍ. ຂ້າພະເຈົ້າແມ່ນແສງແກ້ວ. ເມື່ອເວົ້າເຖິງທ່ານລິວເຕີຮວາ ນັກຮ້ອງຮົງກົງຈີນ, ຂ້າພະເຈົ້າຄິດວ່າ, ເພື່ອນລາວຄົງຈະຮູ້ດີ, ບາງທີ, ຍັງອາດຈະຮ້ອງເພງຂອງທ່ານລິວເຕີຮວາໄດ້ອີກ, ໃນລາຍການມື້ນີ້, ຂ້າພະເຈົ້າຈະແນະນຳທ່ານລິວເຕີຮວາກັບເພງຂອງທ່ານສູ່ຟັງ.
ທ່ານລິວເຕີຮວາແມ່ນນັກຮ້ອງທີ່ມີຖານະບົນເວທີເພງຈີນ, ແຕ່ອັດCDແຜ່ນທຳອິດທີ່ຊື່ວ່າ:  Zhizhidaocikeaini ຮູ້ແຕ່ວ່າຍາມນີ້ຂ້ອຍຮັກເຈົ້າ ເປັນພາສາກວາງຕຸ້ງໃນປີ 1985 ມານີ້, ທ່ານລິວເຕີຮວາໄດ້ຮັບລາງວັນສຳຄັນເລື້ອຍໆບົນເວທີເພງຂອງຈີນ, ໃນ 19 ປີມານີ້, ທ່ານໄດ້ຄອງຖານະລາຊາເພງຈີນໂດຍຕະຫລອດ. ຕໍ່ໄປເຊີນຟັງເພງ Yiqizouguoderizi ວັນເວລາທີ່ເດີນຜ່ານມານຳກັນ.
ທີ່ທ່ານຟັງມານັ້ນແມ່ນເພງYiqizouguoderizi ວັນເວລາທີ່ເດີນຜ່ານມານຳກັນ, ຂັບຮ້ອງໂດຍທ່ານລິວເຕີຮວາ.
ໃນເວລາຫາກໍ່ເຂົ້າສູ່ວົງການລື້ນເລີງ, ທ່ານລິວເຕີຮວາບໍ່ແມ່ນປະກົດຕົວດ້ວຍຖານະນັກຮ້ອງ. ປີ 1980, ທ່ານໄດ້ເສັງເຂົ້າຊຸດ ອົບຮົມສິນລະປີນຊຸດທີ 10 ຂອງໂທລະພາບອູຊ້ຽນຮົງກົງ, ຕໍ່ມາໄດ້ເປັນຕົວສະແດງໃນຮູບເງົາແລະເລື່ອງໂທລະພາບຫລາຍເລື່ອງ. ປີ 1982, ຄຽງຄູ່ກັບເລື່ອງໂທລະພາບLieying ແຮ້ງພານນຳອອກສາຍ, ທ່ານລິວເຕີຮວາກໍໄດ້ຂຶ້ນຊື່ລືນາມໃນບາດດຽວ, ກາຍເປັນບາດລ້ຽວຂອງທ່ານໃນວົງການລື້ນເລີງ. ແຕ່ນັ້ນມາ, ທ່ານລິວເຕີຮວາໄດ້ຮັບຜົນສຳເລັດຮອບດ້ານໃນວົງການຮູບເງົາແລະໂທລະພາບ, ແຕ່ທ່ານບໍ່ໄດ້ຢຸດຢ່ອນບາດກ້າວຂອງທ່ານ, ປີ 1985, ທ່ານເລີ່ມກ້າວຂຶ້ນສູ່ເວທີເພງ, ໄດ້ອັດຈຳໜ່າຍCDແຜ່ນທຳອິດທີ່ຊື່ວ່າ: Zhizhidaocikeaini ຮູ້ແຕ່ວ່າຍາມນີ້ຂ້ອຍຮັກເຈົ້າ, ໄດ້ສະເທືອນຮົງກົງໃນຄາວນັ້ນ. ຈາກນັ້ນມາ, ທ່ານລິວເຕີຮວາເລີ່ມມີແຟນເພງຂອງຕົນເອງ. CDແຜ່ນທຳອິດໄດ້ນຳອອກຈຳໜ່າຍຢ່າງສະດວກ, ຍິ່ງເຮັດໃຫ້ທ່ານມີຄວາມໝັ້ນໃຈເຄື່ອນທັບເຂົ້າສູ່ເວທີເພງ. ເພງທີ່ທ່ານຈະໄດ້ຟັງຕໍ່ໄປກໍແມ່ນເພງ Zhizhidaocikeaini ຮູ້ແຕ່ວ່າຍາມນີ້ຂ້ອຍຮັກເຈົ້າ,
ທີ່ຟັງມານັ້ນແມ່ນເພງ Zhizhidaocikeaini ຂັບຮ້ອງໂດຍທ່ານລິວເຕີຮວາ.
1 2 3
|
|
|
