|
ຫວ່າງມໍ່ໆນີ້,ຖານຜະລິດເຄື່ອງຈັກຜະລິດໄຟຟ້າດ້ວຍແຮງລົມທີ່ໃຫຍ່ກວ່າຫມູ່ ຢູ່ເຂດພາກເຫນືອຂອງຈີນໄດ້ເລ່ີມກໍ່ສ້າງຢູ່ປັກກ່ິງ.ເຄື່ອງປະກອບທີ່ຜະລິດໃນຖານດ່ັງກ່າວຕົ້ນຕໍຈະສະຫນອງໃຫ້ຖານຜະລິດໄຟຟ້າດ້ວຍແຮງລົມກວນທິງປັກກ່ິງທີ່ຈະເລ່ີມກໍ່ສ້າງໃນໄວໆນີ້.ສະມັດຖະພາບຜະລິດໄຟຟ້າຂອງຖານຜະລິດດ່ັງກ່າວແມ່ນ 1 ແສນກວ່າກິໂລວັດຕໍ່ປີ,ຈະສ້າງສຳເລັດໃນປີ 2006,ຜູ່ຊ່ຽວຊານທີ່ກ່ຽວຂ້ອງຊີ້ອອກວ່າ,ທັງນີ້ລ້ວນແຕ່ເປັນຂີດຫມາຍສະແດງໃຫ້ເຫັນວ່າການຜະລິດໄຟຟ້າດ້ວຍແຮງລົມຂອງຈີນຈະເຂົ້າສູ່ໄລຍະພັດທະນາຢ່າງວ່ອງໄວ.
ເນື່ອງຈາກຄວາມຕ້ອງການເພ່ີມຂຶ້ນຢ່າງວ່ອງໄວ,ສະພາບການສະຫນອງຖ່ານຫີນ ພະລັງງານໄຟຟ້າແລະພະລັງງານອື່ນໆນັບມື້ນັບເຄ່ັງຕຶງ,ຜູ່ຊ່ຽວຊານພະລັງງານເຫັນໂດຍທ່ົວໄປວ່າ,ຈີນແມ່ນປະເທດທີ່ຂາດເຂີນພະລັງງານ, ຄວນເລ່ັງລັດ ສັບຊ້ອນອົງປະກອບສະຫນອງພະລັງງານໂດຍໄວ,ອອກແຮງພັດທະ ນາພະລັງ
ງານອື່ນໆລວມທັງການຜະລິດໄຟຟ້າດ້ວຍແຮງລົມ,ທ່ານສີຫົງຮວາ ຜູ່ຊ່ຽວຊານດ້ານຜະລິດໄຟຟ້າດ້ວຍແຮງລົມຂອງຈີນເຫັນວ່າ,ການຜະລິດໄຟຟ້າດວ້ຍແຮງລົມຂອງຈີນຈະເຂົ້າສູ່ໄລຍະພັດທະນາຢ່າງວ່ອງໄວ.ທ່ານເວົ້າວ່າ,ຊັບພະຍາກອນ ແຮງລົມຂອງຈີນອຸດົມສົມບູນທີ່ສຸດ,ໄລ່ລວມແລ້ວຊັບພະຍາກອນໄຟຟ້າແຮງລົມ ມີ 1ຕື້ກິໂລວັດ, ພະລັງຕິດຕັ້ງເຄື່ອງຈັກຜະລິດໄຟຟ້າໃນປະຈຸບັນຍັງຫນ້ອຍຫຼາຍ,ແຕ່ວ່າໃນພະລັງງານທີ່ເກີດໃຫມ່ໄດ້ນັ້ນ,ລາຄາໄຟຟ້າທີ່ຜະລິດດ້ວຍແຮງລົມແມ່ນມໍ່ກັບລາຄາໄຟຟ້າພະລັງງານດັ້ງເດີມທີ່ສຸດ,ປະຈຸບັນນີ້,ຈີນພວມວາງນະໂຍບາຍຈຳນວນຫນ່ຶງຊຸກຍູ້ການຜະລິດໄຟຟ້າດ້ວຍແຮງລົມໃຫ້ຂະຫຍາຍຕົວອອກ.
ຕາມສະຖິຕິສະແດງໃຫ້ເຫັນວ່າ,ໃນຫຼາຍປີມານີ້,ພະລັງຕິດຕັ້ງເຄື່ອງຈັກຜະລິດໄຟຟ້າດ້ວຍແຮງລົມຂອງຈີນສະເລ່ຍແລ້ວເພ່ີມຂຶ້ນປະມານ 50%ຕໍ່ປີ,ແຕ່ວ່າການຜະລິດໄຟຟ້າດ້ວຍແຮງລົມຍັງມີອັດຕາສ່ວນຫນ້ອຍໃນບໍລິມາດຜະລິດໄຟຟ້າທັງຫມົດສະມັດຖະພາບຜະລິດໄຟຟ້າດ້ວຍແຮງລົມຂອງຈີນໃນປີກາຍມີ 5 ແສນ 6 ຫມື່ນກິໂລວັດ,ພຽງແຕ່ກວມເອົາຍອດບໍລິມາດຜະລິດໄຟຟ້າ0,14%ທໍ່ນັ້ນ,ຜູ່ຊ່ຽວຊານພະລັງງານເຫັນວ່າ,ສາເຫດທີ່ເຮັດໃຫ້ການຜະລິດໄຟຟ້າດ້ວຍແຮງລົມຂອງຈີນມີຂະຫນາດບໍ່ໃຫຍ່ແມ່ນຍ້ອນວ່າລະດັບເຕັກນິກຜະລິດໄຟຟ້າດ້ວຍແຮງລົມຂອງຈີນບໍ່ສູງ,ກຳລັງແກ່ງແຍ່ງໃນຕະຫຼາດຍັງຕ່ຳແລະມູນເຫດອື່ນໆ.ແຕ່ຜູ່ຊ່ຽວຊານເຫັນວ່າ,ການຜະລິດໄຟຟ້າດ້ວຍແຮງລົມມີອະນາຄົດການພັດທະນາອັນກວ້າງຂວາງຢູ່ຈີນ,ເພາະວ່າເຖິງວ່າຕົ້ນທຶນຂອງພະລັງງານທຳມະດາຕ່ຳແລະປະສິດທິຜົນດີ,ແຕ່ໃນໄລຍະການຜະລິດຈະເຊື່ອມພິດສ່ິງແວດລ້ອມ.ຄຽງຄູ່ກັບຕົ້ນທຶນທີ່ປົວແປງການເຊື່ອມພິດເພ່ີມຂຶ້ນແລະຊັບພະຍາກອນຫນ້ອຍລົງ,ລາຄາພະລັງງານທຳມະດາກໍຈະສູງຂຶ້ນຢ່າງບໍ່ຢຸດຢັ້ງ,ແຕ່ວ່າການຜະລິດໄຟຟ້າດ້ວຍແຮງລົມບໍ່ພຽງແຕ່ມີຊັບພະ ຍາກອນອຸດົມສົມບູນທໍ່ນັ້ນ, ແລະຍັງມີຈຸດດີຫຼາຍດ້ານເຊ່ັນບໍ່ເຊື່ອມພິດສ່ິງແວດລ້ອມແລະເກີດຄືນໃຫມ່ໄດ້ເປັນຕົ້ນ,ມັນຍ່ອມຈະກາຍເປັນຈຸດຫນັກແຫ່ງການພັດທະນາຂອງພະລັງງານໃຫມ່ຢ່າງແນ່ນອນ.
ທ່ານສີຫົງຮວາ ຜູ່ຊ່ຽວຊານດ້ານການຜະລິດໄຟຟ້າດ້ວຍແຮງລົມສະເຫນີໃຫ້ຮູ້ວ່າ,ປະຈຸບັນນີ້,ຈີນພວມວາງກົດຫມາຍຊຸກຍູ້ພະລັງງານທີ່ເກີດຄືນໃຫມ່ໄດ້ເພື່ອຊຸກຍູ້ການພັດທະນາພະລັງງານທີ່ເກີດໃຫມ່ໄດ້ເຊ່ັນ:ຜະລິດໄຟຟ້າດ້ວຍແຮງລົມເປັນຕົ້ນ.ທ່ານເວົ້າວ່າ:ເນື້ອໃນຕົ້ນຕໍຂອງກົດຫມາຍວ່າດ້ວຍການຊຸກຍູ້ພະລັງງານທີ່ເກີດໃຫມ່ໄດ້ກໍ່ແມ່ນໄດ້ລະບຸໄວ້ວ່າ,ໃນບໍລິມາດຜະລິດໄຟຟ້າຂອງບໍລິສັດເຄືອຂ່າຍ ໄຟຟ້າຕ້ອງມີບໍລິມາດໄຟຟ້າທີ່ຜະລິດດ້ວຍພະລັງງານທີ່ເກີດໃຫມ່ໄດ້ໃນອັດຕາອັນແນ່ນອນ,ແລະວາງລາຄາອັນເຫມາະສົມໃນເວລາຊື້ໄຟຟ້າ, ຄືໃນເຂດທີ່ມີຊັບພະຍາກອນແຮງລົມຂ້ອນຂ້າງດີນັ້ນກໍໃຫ້ໄດ້ຮັບຜົນກຳໄລ,ຖ້າກົດຫມາຍດ່ັງກ່າວນີ້ໄດ້ປະກາດ,ຍ່ອມຈະຊຸກຍູ້ການພັດທະນາການຜະລິດໄຟຟ້າດ້ວຍແຮງລົມຢ່າງແຂງແຮງ
ພ້ອມກັນນັ້ນ,ຈີນກໍພວມພະຍາຍາມຍົກລະດັບເຕັກນິກການຜະລິດໄຟຟ້າດ້ວຍແຮງລົມໃຫ້ສູງຂຶ້ນ,ແລະຫຼຸດຕົ້ນທຶນໃຫ້ຕ່ຳລົງດ້ວຍວິທີໃຊ້ເຄື່ອງປະກອບທີ່ຜະລິດຢູ່ປະເທດຕົນ.ໃນຫຼາຍປີມານີ້,ກະຊວງວິທະຍາສາດເຕັກໂນໂລຢີຂອງຈີນໄດ້ຈັດຄ່າໃຊ້ຈ່າຍຄົ້ນຄວ້າໂດຍຈຳເພາະສະຫນັບສະ ຫນູນການພັດທະນາຫນ່ວຍຈັກຜະລິດໄຟຟ້າດ້ວຍແຮງລົມຂະຫນາດເມກາວັດ,ນອກນີ້,ຈີນຍັງສ່ົງເສີມໃຫ້ວິສາຫະກິດຜະລິດເຄື່ອງຈັກຜະລິດໄຟຟ້າດ້ວຍແຮງລົມຂອງຕ່າງປະເທດມາລົງທຶນສ້າງໂຮງງານຢູ່ຈີນ.ໂດຍອີງຕາມແຜນກຳນົດທີ່ກ່ຽວຂ້ອງ,ຮອດປີ 2020,ຄວາມສາມາດຜະລິດໄຟຟ້າດ້ວຍແຮງລົມຂອງຈີນຈະບັນລຸເຖິງ 20 ລ້ານກິໂລວັດ.
|
