|
|
(GMT+08:00)
2004-10-21 13:49:48
|
|
ໂທລະພາບເຄ່ືອງທຳອິດຂອງຈີນ
cri
Author: huachunmei
ໃນຊູ້ມື້ນີ້, ໂທລະພາບໄດ້ເຂົ້າສູ່ຊີວິດຂອງຄົນທັງຫຼາຍແລ້ວ, ການເບ່ິງໂທລະພາບໄດ້ເປັນວິທີພັກຜ່ອນລື້ນເລີງໃນຊີວິດປະຈຳວັນຂອງຄົນຈີນຫຼາຍໆ. ຄົນທັງຫຼາຍກໍຄາດຄຶດຍາກວ່າ, ຖ້າບໍ່ມີໂທລະພາບຈະຜ່ານວັນຜ່ານມື້ແນວໃດ, ທ່ີຈິງ, ກ່ອນປີ 1958, ຈີນຍັງບໍ່ທັນມີສະຖານີໂທລະພາບອອກອາກາດ, ຢູ່ຈີນກໍ່ຜະລິດເຄ່ືອງໂທລະພາບບໍ່ທັນເປັນ.
ເດືອນເມສາປີ 1957, ໂຮງງານຜະລິດວິທະຍຸທຽນສິນໃນເມື່ອກ່ອນກໍຄືບໍລິສັດໂທລະຄົມວິທະຍຸທຽນສິນໃນປະຈຸບັນ, ໄດ້ຮັບມອບໝາຍໜ້າທ່ີຄົ້ນຄວ້າຜະລິດເຄ່ືອງໂທລະພາບ, ຈາກຂັ້ນເທິງການນຳຂອງໂຮງງານແລ້ວໄດ້ຈັດຕັ້ງໜ່ວຍທົດລອງຜະລິດໃນທັນທີ.
ໃນປີນັ້ນ, ສະມາຊິກສ່ວນຫຼາຍຂອງໜ່ວຍທົດລອງຜະລິດມີອາຍຸໃນລະຫວ່າງ 20 ປີ, ພວກເຂົ້າເຈົ້າບໍ່ຊຳນານເຕັກນິກຜະລິດໂທລະພາບ ເຊ່ິງເຕັກນິກໃໝ່ໄດ້ໂຮມສູນເອເລັກໂຕຼນິກ ແມ່ເຫຼັກ ສຽງແລະພາບ, ແລະກໍບໍ່ເຄີຍເຫັນເຄ່ືອງໂທລະພາບຈັກເທ່ືອ, ເອກະສານເຕັກນິກກໍ່ໜ້ອຍທ່ີສຸດ. ພາຍຫຼັງໄດ້ຄົນຄວ້າເອກສານ ເຄ່ືອງໂທລະພາບຕົວຢ່າງຂອງຕ່າງປະເທດແລ້ວ, ພວກເຂົາເຈົ້າໄດ້ຄົ້ນຄວ້າຜະລິດເຄ່ືອງໂທລະພາບເຄ່ືອງທຳອິດຂອງຈີນຢ່າງສຳເລັດຜົນ ອີງຕາມຄວາມສາມາດຜະລິດຊີກສ່ວນແລະລະດັບກຳມະວິທີຜະລິດຢູ່ພາຍໃນປະເທດຈີນໃນຄາວນັ້ນ.
ວັນທີ 17 ມີນາປີ 1958 ແມ່ນມື້ທ່ີຕ້ອງຈາລຶກໄວ້ໃນປະຫວັດການພັດທະນາໂທລະພາບຂອງຈີນ. ຕອນຄຳ່ມື້ນັ້ນ, ສູນໂທລະພາບຂອງຈີນໄດ້ທົດລອງອອກອາກາດລາຍການໂທລະພາບເປັນເທ່ືອທຳອິດ, ເຄ່ືອງໂທລະພາບເຄ່ືອງທຳອິດທ່ີຈີນຄົ້ນຄວ້າຜະລິດນັ້ນໄດ້ທົດລອງຮັບສັນຍານພາບຢ່າງສຳເລັດຜົນ.
ປະຈຸບັນ, ເຄ່ືອງໂທລະພາບຂາວດຳຫຼອດເອເລັກໂຕຼນິກຂະໜາດ 35 ຊັງຕີແມັດ ກາປັກກ່ິງ 820 ທ່ີຖືກເອິ້ນເປັນຈໍທຳອິດຂອງຈີນເຄ່ືອງນີ້ໄດ້ວາງສະແດງຢູ່ຫ້ອງວາງສະແດງຜະລິດຕະພັນຂອງບໍລິສັດໂທລະຄົມວິທະຍຸທຽນສິນ.
|
|
|