|
ເຂດຊີເມືອງເສີນຢາງ ແຂວງລຽວນິງຢູ່ພາກຕາເວັນອອກສຽງເຫນືອຂອງຈີນໄດ້ມີລັດວິສາຫະກິດຂະຫນາດໃຫຍ່ແລະກາງເກືອບ 100 ວິສາຫະກິດຂອງຈີນຕັ້ງຈຸ້ມກັນຢູ່,ແຫ່ງນັ້ນແມ່ນແຫຼ່ງຜະລິດອຸປະກອນສຳຄັນຂອງຈີນ,ຍ່າງຕາມຖະຫນົນຫົນທາງຂອງເຂດຖີຊີ,ສາມາດເຫັນຢູ່ສອງຟາກທາງໄດ້ປູກຕົ້ນໄມ້ສີຂຽວແລະດອກໄມ້ສົດ,ທ້ອງຟ້າເປັນສີຄາມ,ທໍ່ຄວັນທ່ີຕັ້ງຊ້ອງໆກັນໃນເມ່ືອກ່ອນບໍ່ເຫັນແລ້ວ,ສ່ິງທ່ີເຂົ້າແທນນັ້ນແມ່ນໂຮງຈັກໂຮງງານທັນສະໄຫມທ່ີສະອາດ,ທັງຫມົດເຫຼົ່ານີ້ລ້ວນແຕ່ແມ່ນຫມາກຜົນທ່ີໄດ້ຮັບໃນການປະຕິຮູບລັດວິສາຫະກິດຂອງຈີນ,ໂດຍສະເພາະແມ່ນພາຍຫຼັງລັດຖະບານຈີນວາງນະໂຍບາຍສ້າງພາກຕາເວັນອອກສຽງເຫນືອໃຫ້ຈະເລີນແລ້ວ,ລັດວິສາຫະກິດຂອງແຂວງລຽວນິງຍ່ິງປະກົດມີພະລັງຊີວິດກວ່າເກົ່າ..
ກຸ່ມບໍລິສັດຜະລິດຢາພາກຕເວັນອອກສຽງເຫນືອແມ່ນລັດວິສາຫະກິດຂະຫນາດໃຫຍ່ທ່ີຕັ້ງຢູ່ເຂດຖີຊີ.ໃນຫຼາຍປີມານີ້,ວິສາຫະກິດ່ັງກ່າວທ່ີໄດ້ຜ່ານການປະຕິຮູບໂຄງປະກອບແລ້ວ,ກໍມີປະສິດທິຜົນທຸລະກິດດີຂຶ້ນເລື້ອຍໆ,ຄວາມສາມາດແກ່ງແຍ່ງຂອງຜະລິດຕະພັນກໍ່ເພ່ີມຂຶ້ນເລື້ອຍໆ,ປະຈຸບັນ,ກຸ່ມບໍລິສັດດ່ັງກ່າວໄດ້ກາຍເປັນແມ່ນບໍລິສັດສະຫນອງວິຕາມິນເຊຕົ້ນຕໍໃຫ້ຕະຫຼາດສາກົນແລ້ວ,ທ່ານນາງຟົງອຽນ ພະນັກງານຄຸ້ມຄອງຂອງວິສາຫະກິດດ່ັງກ່າວສະເຫນີວ່າ:ຜ່ານການດັດແປງເຕັກນິກໃນຫຼາຍປີມານີ້,ໃນດ້ານກົນໄກແລະລະບອບໃຊ້ແຮງງານກໍ່ລ້ວນແຕ່ມີການປ່ຽນແປງ,ປະສິດທິຜົນໄດ້ຍົກສູງຂຶ້ນຢ່າງຫຼວງຫຼາຍ,ເຮັດໃຫ້ຄວາມສາມາດແກ່ງແຍ່ງຂອງຜະລິດຕະພັນພວກເຮົາໃນຕະຫຼາດສາກົນເພ່ີມຂຶ້ນຢ່າງຫຼວງຫຼາຍ.
ລັດວິສາຫະກິດຂະຫນາດໃຫຍ່ຄືກຸ່ມບໍລິສັດຜະລິດຢາພາກຕາເວັນອອກສຽງເຫນືອແນວນີ້,ຢູ່ແຂວງລຽວນິງຍັງມີຫຼາຍສິບແຫ່ງ.ປີ 2004,ລັດຖະບານຈີນໄດ້ວາງແລະກຳນົດນະໂຍບາຍສ້າງແຫຼ່ງອຸດສາຫະກຳເກົ່າຢູ່ພາກຕາເວັນອອກສຽງເຫນືອໃຫ້ຈະເລີນ,ເຈາະຈົງແກ້ໄຂບັນຫາພາຍຫຼັງດຳເນີນການປະຕິຮູບໄຂປະຕູສູ່ພາຍນອກແລ້ວ,ລັດວິສາຫະກິດຢູ່ເຂດພາກຕາເວັນອອກສຽງເຫນືອມີພະລັງຊີວິດບໍ່ພຽງພໍ,ມີຄວາມສາມາດແກ່ງແຍ່ງບໍ່ເຂັ້ມແຂງເປັນຕົ້ນ,ຈຸດປະສົງແມ່ນເຮັດໃຫ້ເສດຖະກິດໃນແຫ່ງຕ່າງໆຂອງຈີນພັດທະນາຢ່າງດຸນດຽງແລະກົມກຽວກັນ.
ໃນນະໂຍບາຍສ້າງພາກຕາເວັນອອກສຽງເຫນືອໃຫ້ຫຈະເລີນທ່ີລັດຖະບານຈີນວາງອອກມານັ້ນ,ໄດ້ກຳນົດໂຄງການກໍ່ສ້າງອຸດສາຫະກຳຂະຫນາດໃຫຍ່ 100 ໂຄງການ,ສ່ວນແຂວງລຽວນິງກໍ່ກວມເອົາ 50 ກວ່າໂຄງການ,ນີ້ສະແດງໃຫ້ເຫັນວ່າ,ອຸດສາຫະກຳແຫ່ງລັດຢູ່ແຂວງລຽວນິງມີພື້ນຖານແລະກຳລັງຫນາແຫນ້ນ,ການພັດທະນາມີອະນາຄົດກວ້າງຂວາງທ່ີສຸດ.ອົງການປົກຄອງແຂວງລຽວນິງໄດ້ເຮັດວຽກຢ່າງຫຼວງຫຼາຍໃນການປະຕິຮູບລັດວິສາຫະກິດຂອງຈີນດໃນຫຼາຍປີມານີ້,ແຂວງດ່ັງກ່າວໄດ້ຜ່ານພາຫະນະປັບປຸງ ປະຕິຮູບໂຄງປະກອບເພ່ີມທະວີການປະກັນສັງຄົມເປັນຕົ້ນ,ເຮັດໃຫ້ພາລະຂອງວິສາຫະກິດຫຼຸດຫນ້ອຍລົງ,ເຮັດໃຫ້ວິສາຫະກິດຫຼຸດພົ້ນອອກຈາກສະພາຍອັດຕະຄັດແລ້ວ,ພັດທະນາຂຶ້ນຢ່າງວ່ອງໄວ.ສ່ວນລັດຖະບານຈີນວາງນະໂຍບາຍສ້າງແຫຼ່ງອຸດສາຫະກຳພາກຕາເວັນອອກສຽງເຫນືອໃຫ້ຈະເລີນໃນເວລານີ້,ທ່ານວາງວານປ່ິນ ຮອງເລຂາຄະນະພັກແຂວງລຽວນິງເຫັນວ່າ,ນີ້ຈະສ້າງເງ່ືອນໄຂອັນດີງາມໃຫ້ແກ່ການພັດທະນາລັດວິສາຫະກິດຂອງແຂວງລຽວນິງ.
ຕັ້ງແຕ່ປະຕິບັດນະໂຍບາຍສ້າງພາກຕາເວັນອອກສຽງເຫນືອໃຫ້ຈະເລີນເປັນເວລາຫນ່ຶງປີມານີ້,ໄດ້ນຳເອົາການປ່ຽນແປງທ່ີອ່າວພົ້ນເດ່ັນມາໃຫ້ລັດວິສາຫະກິດຂອງແຂວງລຽວນິງແລ້ວ,ບໍ່ວ່າຈະເວົ້າເຖິງປະສິດທິຜົນເສດຖະກິດຂອງວິສາຫະກິດຫຼືຈະແມ່ນສ່ິງແວດລ້ອມວິສາຫະກິດ ໂສມຫນ້າຈິດໃຈຂອງກຳມະກອນກໍ່ລ້ວນແຕ່ເກີດມີການປ່ຽນແປງອັນມະຫາສານ,ຕໍ່ໄປພາຍຫນ້າ,ວິສາຫະກິດເຫົ່ຼ່ານີ້ຍັງຈະເພ່ີມຄວາມແຮງນຳເຂົ້າແລະຄົ້ນຄວ້າຜະລິດເຕັກນິກໃຫມ່,ຍົກຄວາມສາມາດແກ່ງແຍ່ງຂອງຕົນໃຫ້ສູງຂຶ້ນເລື້ອຍໆ.ທ່ານສີຢູ້ມິນ ຜູ່ອຳນວຍການໃຫຍ່ຂອງກຸ່ມບໍລິສັດເຄ່ືອງຈັກຍົກເມືອງຕ້າລຽນເຊ່ິງເປັນວິສາຫະກິດອຸດສາຫະກຳຫນັກທ່ີໃຫຍ່ກວ່າຫມູ່ຂອງຈີນທີຢູ່ເມືອງທ່າພາກໃຕ້ລຽວນິງເຫັນວ່າ,ວິສາຫະກິດຢາກພັດທະນາກໍ່ຕ້ອງເລ່ັງລັດ ບາດກ້າວໄຂປະຕູສູ່ພາຍນອກໃຫ້ໄວເຂົ້າ,ເລ່ັງລັດການຍົກລະດັບເຕັກນິກໃຫ້ສູງຂຶ້ນ.ພວກເຮົາຈະຜ່ານຊ່ອງທາງເປີດປະຕູສູ່ພາຍນອກມາປັບປຸງອົງປະກອບ,ແລະບັນລຸການຍົກລະດັບເຕັກນິກໃຫ້ສູງຂຶ້ນ.ພວກເຮົາຕ້ອງນຳເຂົ້າເຕັກນິກຍອດຢ້ຽມໃນໂລກເພ່ືອມາຍົກລະດັບເຕັກນິກຂອງພວກເຮົາໃຫ້ສູງຂຶ້ນ,ເມ່ືອຮອດປີ 2010 ພວກເຮົາມີແຜນການເຮັດໃຫ້ຄວາມຫຼຸດລ່ືນກັນກັບລະດັບເຕັກນິກກ້າວຫນ້າຂອງໂລກຫຍັບບໍ່ເຂົ້າກັນປະມານ 10 ປີ.ເພ່ືອເລ່ັງລັດການດັດແປງເຕັກນິກຂອງວິສາຫະກິດໃຫ້ໄວເຂົ້າ,ກຸ່ມເຄ່ືອງຈັກຍົກເມືອງຕ້າລຽນໄດ້ຮັບສະຫມັກຜູ່ມີຄວາມຮູ້ຄວາມສາມາດພາຍໃນຂອບເຂດທ່ົວໂລກ,ແລະເບີກເງິນກ້ອນໃຫຍ່ເພ່ືອຮັບສະຫມັກຜູ່ມີຄວາມຮູ້ຄວາມສາມາດດ້ານເຕັກນິກແລະດ້ານການຄຸ້ມຄອງຊັ້ນສູງ.ຄືກັນກັບທ່ານສີຢູ້ມິນ,ປະຈຸບັນ,ຜູ່ອຳນວຍການໃຫຍ່ທັງຫຼາຍຂອງບັນດາລັດວິສາຫະກິດຂະຫນາດໃຫຍ່ແຂວງລຽວນິງລ້ວນແຕ່ເອົາໃຈໃສ່ນຳຜູ່ມີຄວາມຮູ້ຄວາມສາມາດ,ພວກເຂົາເຈົ້າໄດ້ອຳນວຍສ່ິງແວດລ້ອມຍ່ິງດີກວ່າເກົ່າ,ຊ່ອງຫວ່າງ ພັດທະນາຍ່ິງກວ້າງກວ່າເກົ່າແລະເງິນເດືອນຍ່ິງຫຼາຍກວ່າເກົ່າໃຫ້ແກ່ຜູ່ມີຄວາມຮູ້ຄວາມສາມາດ,ທັງຫມົດເຫຼົ່ານີ້ເຮັດໃຫ້ລັດວິສາຫະກິດຂອງພາກຕາເວັນອອກສຽງເຫນືອກາຍເປັນບ່ອນດູດດຶງຜູ່ມີຄວາມຮູ້ຄວາມສາມາດທ່ີໄດ້ຮັບຄວາມນິຍົມຫຼາຍໃນປີນີ້.ນອກຈາກຜູ່ມີຄວາມຮູ້ຄວາມສາມາດດ້ານການຄົ້ນຄວ້າວິທະຍາສາດທ່ີມີລະດັບຍການສຶກສາອ່າວສູງແລ້ວ,ກຳມະກອນເຕັກນິກກໍ່ແມ່ນຊັບພະຍາກອນມະນຸດທ່ີມີຄວາມຮູ້ຄວາມສາມາດທ່ີຂາດບໍ່ໄດ້ຂອງການພັດທະນາອຸດສາຫະກຳ,ແຕ່ກ່ອນ,ລັດວິສາຫະກິດພາກຕາເວັນອອກສຽງເຫນືອໄດ້ບຳລຸງສ້າງກຳມະກອນເຕັກນິກຈຳນວນຫຼວງຫຼາຍ,ປະຈຸບັນ,ພວກເຂົາເຈົ້າແມ່ນຊັບພະຍາກອນອັນລຳ້ຄ່າຂອງວິສາຫະກິດເຫຼົ່ານີ້,ແລະຈະເສີມຂະຫຍາຍບົດບາດສຳຄັນໃນການພັດທະນາຂອງວິສາຫະກິດ,ສ່ວນນະໂຍບາຍສ້າງພາກຕາເວັນອອກສຽງເຫນືອໃຫ້ຈະເລີນກໍເຮັດໃຫ້ກຳມະກນອທັງຫຼາຍເຫຼົ່ານີ້ຍ່ິງມີຄວາມຫມັ້ນໃຈຕໍ່ການພັດທະນາຂອງວິສາຫະກິດທ່ານເຈິ້ງຈ້ຽນສຽວແມ່ນຜູ່ຮັບຜິດຊອບຫ້ອງຈັກຜະລິດຂອງບໍລິສັດໃຍເຄມີນ້ຳມັນເຊື້ອໄຟຝູເຊີ້ນ,ທ່ານເວົ້າຕໍ່ນັກຂ່າວວ່າ,ປະຈຸບັນ,ທ່ານຮູ້ສຶກສາ,ຝ່າຍໂຮງງານມີປະສິດທິຜົນດີ,ວິສາຫະກິດກໍ່ມີຄວາມສາມາດແກ່ງແຍ່ງຫຼາຍ,ທ່ານເວົ້າວ່າ,ພະນັກງານກຳມະກອນໃນລັດວິສາຫະກິດອ່າວທຸ່ນທ່ຽງ,ຍິນດີເຮັດວຽກຢູ່ລັດວິສາຫະກິດ,ກຳລັງຫນ່ຽງປັ້ນຂອງວິສາຫະກິດອ່າວສູງ,ທຳມະດາແລ້ວ,ພະນັກງານກຳມະກອນຖືໂຮງງານເປັນຄອບຄົວ,ທະແນມແຕ່ກົນໄກປະກັນສັງຄົມປະກອບເປັນຊຸດຢ່າງທັນການ,ພະນັກງານກຳມະກອນແມ່ນມີອະນາຄົດພັດທະນາຫຼາຍທ່ີ່ີສຸດ,ເມ່ືອທຽບກັບວິສາຫະກິດເອກະຊົນແລະວິສາຫະກິດທຶນຕ່າງປະເທດແລ້ວ,ລັດວິສາຫະກິດແມ່ນມີຄວາມສາມາດແກ່ງແຍ່ງຫຼາຍ.
ປະຈຸບັນ,ໂດຍມີນະໂຍບາຍສ້າງພາກຕາເວັນອອກສຽງເຫນືອໃຫ້ຈະເລີນຂອງລັດຖະບານຈີນເຊີດຊູກຳລັງໃຈ,ມາດຕະການລະອຽດລາຍຕ່າງໆເພ່ືອຊ່ອຍລັດວິສາຫະກິດໃຫ້ມີການພັດທະນາພວມໄດ້ຮັບການປະຕິບັດ,ເພ່ືອສ້າງສະພາບແວດລ້ອມພັດທະນາອັນດີງາມໃຫ້ແກ່ລັດວິສາຫະກິດ,ລັດວິສາຫະກິດແຂວງລຽວນິງໄດ້ສະແດງໃຫ້ພະລັງຊີວິດອີກເທ່ືອຫນ່ຶງ
|
