|
ໃນຕົ້ນໄລຍະລາຊະວົງສິນໂຮມຈີນເຂົ້າເປັນເອກະພາບ, ເຈົ້າຊີວິດສິນເອີ້ນຕົນເອງເປັນສິນຊີຮວງເຕ້, ພະອົງຊົງໄດ້ກ່າວວ່າ: ພະອົງເປັນເຈົ້າຊີວິດອົງທຳອິດ, ຮຸ້ນຫລັງໃຫ້ໄລ່ຕາມຊາດ, ເອີ້ນວ່າລັດຊະການທີສອງ, ລັດຊະການທີສາມ, ຈົນເປັນພັນເປັນໝື່ນ, ສືບທອດກັນໄປບໍ່ມີວັນສິ້ນສຸດ. ສິນຊີຮວງເຕ້ຍັງໃຫ້ຄົນຄວັດກາປະທັບດ້ວຍຍົກອັນໜຶ່ງທີ່ມີຕົວໜັງສືຈີນ 8 ຕົວວ່າຄືShoumingyvtian, Jishouyongchang, ເຊິ່ງໝາຍຄວາມວ່າ: ພະອົງເປັນເຈົ້າຊີວິດແມ່ນຮັບພາລະກຳຈາກເຈົ້າຟ້າເຈົ້າແຖນ, ມີອາຍຸຊ່ົວນິລັນດອນ, ປະເທດຈະເລີນຮຸ່ງເຮືອງຈົນເທົ້າໃດໆ. ສິນຊີຮວງເຕ້ຖືທ່ົວປະເທດເປັນຊັບສິນສ່ວນຕົວ, ທັງມີຄວາມຝັນໃຫ້ລູກຫລານຂອງຕົນສືບທອດລາຊະບັນວັງທຸກເຊ່ັນຊາດ. ແຕ່ວ່າ, ລາຊະວົງສິນບໍ່ພຽງແຕ່ບໍ່ມີອາຍຸໝັ້້ນຍື່ນ, ແລະຈະເລີນຮຸ່ງເຮືອງທຸກເຊັ່ນຊາດ, ຫາກມີອາຍຸພຽງ 15 ປີທໍ່ນັ້ນກໍສີ້ນລົມຫາຍໃຈ, ກາຍເປັນລາຊະວົງສັກດິນາເອກະພາບທີ່ມີອາຍຸສັ້ນກວ່າໝູ່ໃນປະຫວັດສາດຈີນ.
ພາຍຫລັງໄດ້ເກີດການວຸ້ນວາຍເປັນເວລາຍາວນານຢູ່ລາຊະວົງຈ້ານກົກແລ້ວ, ຊາວນາປາຖະໜາຫາຄວາມສະຫງົບຟື້ນຟູການຜະລິດຜົນ, ແຕ່ລາຊະວົງສິນພັດໃຫ້ຊາວນາເສຍສ່ວຍສາອາກອນແລະເກນກຸລີຍັງໜັກກວ່າລາຊະວົງເກ່ົາຕັ້ງຫລາຍສິບເທ່ົາ, ຊາວນາຖືກກົດໜີບຈົນຫາຍໃຈບໍ່ໄດ້. ກົດໝາຍທີ່ເຄັ່ງຄັດເກີນຂອບເຂດ ການລົງໂທດຢ່າງທໍລະມານ, ໄດ້ເຮັດໃຫ້ປະຊົນຊົນຕົກຢູ່ໃນຄວາມທຸກເດືອດຮ້ອນ, ຜູ່ໜຶ່ງຖືກລົງໂທດ, ໝົດຄອບຄົວແລະຍາດພີນ້ອງຖືກລົງໂທດ; ຄອບຄົວໜຶ່ງເກີດເຫດ, ເພື່ອນບ້ານໃຫ້ຄຽງກໍຖືກປັບໄໝ, ຈົນກະທັ້ງໃນຄາວນັ້ນໄດ້ເກີດສະພາບຫວາດຫວ່ັນ: ນັກໂທດຫລາຍຈົນເຕັມທາງ, ໝົດຕົວເມືອງຈົນກາຍເປັນຄຸກ ທ່ົວປະເທດເລີຍກາຍເປັນຄຸກໃຫຍ່. ພາຍຫລັງພະອົງຫູເຮີ ເຈົ້າຊີວິດສິນລັດຊະການທີສອງຂຶ້ນຄອງລາຊະບັນລັງແລ້ວ, ພະອົງໄດ້ທໍລະມານບ່າວໄພລາສະດອນຍິ່ງຮ້າຍແຮງກວ່າ, ຍັງຂ້າຟັນລັນແທນຂຸນນາງຊັ້ນສູງທ່ົວທີບ, ຈົນກະທັ້ງໄດ້ເຂ່ັນຂ້າອ້າຍເອື້ອຍນ້ອງ 22 ຄົນຂອງພະອົງເອງ, ໃນທີ່ສຸດ, ພາຍໃນຊົນຊັ້ນປົກຄອງ, ຜູ້ໃດກໍຮູ້ສຶກມີຄວາມອັນຕະລາຍ, ຜູ້ຢາກທໍລະຍົດນັ້ນນັບບໍ່ຖ້ວນ. ໃນເວລານິ້, ຢູ່ລາຊະວົງສິນ, ກໍເໝືອນດັ່ງມີຫລົວມີຟື້ນກອງໄວ້ຢູ່ທຸກແຫ່ງຫົນ, ຖ້າຈະມີເມັດໄຟເມັດໜຶ່ງ, ກໍໄໝຂຶ້ນຢ່າງກວ້າງຂວາງໂລດ.
ໃນທີ່ສຸດ, ທ່ານເສີນເຊີ້ງແລະທ່ານວູກວາງໄດ້ນຳພາຊາວນາລຸກຮືຂຶ້ນສູ້, ເຖິງວ່າການລຸກຮືຂຶ້ນໄດ້ເສຍໄຊ, ແຕ່ພາຍຸປະຕິວັດຊາວນາທີ່ເຂົາເຈົ້າລິເລີ່ມນັ້ນ, ພັດນັບມື້ນັບແຮງຂຶ້ນ. ທະຫານລຸກຮືຂຶ້ນທີ່ນຳໂດຍທ່ານລີວປ່າງແລະທ່ານຊ້ຽງຢູນັບມື້ນັບເຕີບໃຫຍ່ເຂັ້ມແຂງ. ກ່ອນຄ.ສ.ປີ 207, ທະຫານລຸກຮືຂຶ້ນສູ້ທີ່ນຳໂດຍທ່ານຊ້ຽງຢູໄດ້ດັບສູນກອງກຳລັງຫລວງຂອງລາຊະວົງສິນຢູ່ຈູ້ລູ້ ບ້ານພິງແຂວງເຫີເປໃນປະຈຸບັນ. ເດືອນຕຸລາກ່ອນຄ.ສ.ປີ 206, ທະຫານທີ່ນຳໂດຍທ່ານລີວປ່າງໄດ້ບຸກເຂົ້າກວນຈົງໂດຍບໍ່ໄດ້ຖືກຕ້ານທານຫລາຍ, ແລ້ວເຂົ້າໃກ້ເມືອງສຽນຢາງ ນະຄອນຫລວງຂອງລາຊະວົງສິນ, ເຊິ່ງປະຈຸບັນຢູ່ມໍ່ເມືອງສຽນຢາງແຂວງສ້ານຊີ. ພະອົງຈືຢິ່ງ ທີ່ຫາກໍຂຶ້ນຄອງລາຊະບັນລັງເປັນເຈົ້າຊີວິດສິນພຽງ 40 ກວ່າມື້ນັ້ນ, ເມື່ອເຫັນເສຍກຳລັງແລ້ວ, ກໍໄດ້ຂີ່ມ້າຂາວລົດຂາວ, ມາຮອດບ້ານບ້າຊ້າງ ພາກຕາເວັນອອກຂອງເມືອງສຽນຢາງ, ແລ້ວຢືນຢູ່ແຄມທາງ, ໃຊ້ຜ້າຂາວມັດຄໍ, ກົ້ມຫົວທັງຍົກກາຍົກທີ່ໄດ້ຄວັດຕົວໜັງສື" Shoumingyvtian, Jishouyongchang ນັ້ນ ຍອມຈຳນົງຕໍ່ທ່ານລິວປ່າງ. ບັດນີ້, ລາຊະວົງສິນທີ່ມີຂຶງຂັງມັງມໍຊ່ົວໄລຍະໜຶ່ງນັ້ນກໍໄດ້ພິນາດໄປ ພາຍຫລັງສິນຊີຮວງເຕ້ສະຫວັນລະຄົດ 3 ປີ.
|
