|
ເລື່ອງແຕ້ມງູເພີ່ມຕີນ(ສຽງ)
cri
Author: mo
ໃນລັດສູສະໄໝບູຮານຈີນ, ມີຂຸນນາງຜູ້ໜຶ່ງ, ພາຍຫລັງບູຊາບັນພະບູລຸດແລ້ວ, ໄດ້ເອົາເຫຼົ້າກາໜຶ່ງໃຫ້ແກ່ຄົນໃຊ້ທີ່ມາຊ່ອຍວຽກ. ພວກຄົນໃຊ້ຫາລືກັນວ່າ, ເຫຼົ້າການີ້ຖ້າກິນນຳກັນແມ່ນບໍ່ພໍ, ຖ້າໃຫ້ຜູ້ໜຶ່ງກິນຈະບໍ່ໝົດ. ຄັນຊັ້ນ, ກໍໃຫ້ພວກເຮົາແຂ່ງຂັນກັນແຕ້ມງູໃສ່ໜ້າດິນ, ຖ້າຜູ້ໃດແຕ້ມແລ້ວກ່ອນ, ກໍໃຫ້ຜູ້ນັ້ນກິນເຫຼົ້າການີ້. ມີຜູ້ໜຶ່ງແຕ້ມງູສຳເລັດກ່ອນໝູ່. ລາວໄດ້ຍົກກາເຫຼົ້າຢາກດຶ່ມ, ລາວເອົາມືຊ້າຍຈັບກາເຫຼົ້າຢ່າງປຶ້ມປິຕິ, ມືຂວາສືບຕໍ່ແຕ້ມງູ, ທັງເວົ້າວ່າ, "ເບິ່ງແມ໋, ຂ້ອຍຍັງມີເວລາແຕ້ມຕີນໃຫ້ງູ"
ແຕ່ລາວບໍ່ທັນແຕ້ມຕີນໝົດ, ມີອີກຜູ້ໜຶ່ງໄດ້ແຕ້ມງູແລ້ວແລ້ວ. ຄົນນັ້ນເລີຍຍາດເອົາກາເຫຼົ້າໄປ, ທັງເວົ້າວ່າ," ງູບໍ່ມີຕີນ, ເຈົ້າຊິແຕ້ມຕີນໃຫ້ງູຊິໄດ້ຫວະ?" ເມື່ອເວົ້າແລ້ວ, ກໍ່ດຶ່ມເຫຼົ້າໝົດກາ, ຄົນທີ່ແຕ້ມຕີນໃຫ້ງູນັ້ນກໍເສຍເຫຼົ້າການັ້ນ.
ນິທານສຸພາສິດນີ້ບອກໃຫ້ພວກເຮົາຮູ້ວ່າ, ບໍ່ວ່າເຮັດເລື້ອງໃດ, ກໍຕ້ອງມີຄວາມຮຽກຮ້ອງອັນລະອຽດແລະຈຸດໝາຍອັນແຈ່ມແຈ້ງ, ຕ້ອງເຮັດສຳເລັດດ້ວຍນ້ຳໃຈອັນເດັດດ່ຽວໜຽວແໜ້ນ, ຢ່າຊູ່ຫຼົງດີໃຈນຳແຕ່ໄຊຊະນະ, ແລ້ວພາໃຫ້ເສຍໄຊ.
|
|
