|
|
 |
| (GMT+08:00)
2004-10-27 09:48:25
|
 |
|
ເລື່ອງທ້າວປ້ຽນເຫີຖະຫວາຍຍົກໃຫ້ເຈົ້າຊີວິດ(ສຽງ)
cri
Author: mo
ທ້າວປ້ຽນເຫີໃນລັດສູສະໄໝບູຮານຈີນໄດ້ຍົກກ້ອນໜຶ່ງທີ່ບໍ່ທັນເຈຍລະໄນເທື່ອຢູ່ເທິງ, ລາວເລີຍເອົາໄປຖະຫວາຍໃຫ້ເຈົ້າຊີວິດສູລີ້ວາງຂອງລັດສູ, ເຈົ້າຊີວິດລີ້ວາງຊົງຕັດສ່ັງໃຫ້ຊ່າງຍົກມາຈຳແນກ. ຊ່າງຍົກເວົ້າວ່າ," ນີ້ແມ່ນຫີນທຳມະດາກ້ອນໜຶ່ງ". ເຈົ້າຊີວິດລີ້ວາງເຫັນວ່າ, ທ້າວປ້ຽນເຫີແມ່ນຜູ້ຕົວະຍົວະ, ເລີຍຕັດຕີນຊ້າຍຂອງທ້າວປ້ຽນເຫີ.
ພາຍຫລັງເຈົ້າຊີວິດລີ້ວາງສະຫວັນລະຄົດແລ້ວ, ເຈົ້າຊີວິດອູວາງຂຶ້ື້ນຄອງລາຊະບັນລັງເປັນເຈົ້າຊີວິດລັດສູ. ທ້າວປ້ຽນເຫີຖະຫວາຍຍົກກ້ອນນັ້ນໃຫ້ເຈົ້າຊີວິດອູວາງ. ເຈົ້າຊີວິດອູວາງກໍຊົງຕັດສ່ັງໃຫ້ຊ່າງຍົກຈຳແນກ. ຄຳເວົ້າຂອງຊ່າງຍົກຄືກັນກັບເທື່ອກ່ອນ, ຍັງເຫັນວ່າມັນແມ່ນຫີນທຳມະດາກ້ອນໜຶ່ງ. ເຈົ້າຊີວິດອູວາງເລີຍເຫັນວ່າ, ທ້າວປ້ຽນເຫີແມ່ນຄົນຕົວະຍົວະ, ເລີຍຕັດຕີນຂວາຂອງລາວ.
ເມື່ອເຈົ້າຊີວິດອູວາງສະຫວັນລະຄົດ, ເຈົ້າຊີວິດເວີນວາງໄດ້ສືບທອດລາຊະບັນລັງ. ທ້າວປ້ຽນເຫີກອດຢົກນັ້ນຮ້ອງໄຫ້ຢ່າງເຈັບຊ້ຳໜຳໃຈຢູ່ຕີນພູລັດສູ 3 ມື້ 3 ຄືນ, ຈົນບໍ່ມີນ້ຳຕາ, ເລືອດກໍໄຫຼອອກມາ. ເຈົ້າຊີວິດເວີນວາງໄດ້ຍິນຂ່າວນີ້, ເລີຍແຕ່ງຄົນໄປຖາມທ້າວປ້ຽນເຫີ," ໃນໂລກນີ້ ຜູ້ຖືກຕັດສອງຕີນມີຫລາຍ, ເຈົ້າເປັນຫຍັງຮ້ອງໄຫ້ຢ່າງເຈັບອົກເຈັບໃຈປານນີ້?"
ທ້າວປ້ຽນເຫີຕອບວ່າ:" ຜູ້ຂ້າບໍ່ແມ່ນເຈັບໃຈຍ້ອນຕີນຂອງຜູ້ຂ້າຖືກຕັດຖິ້ມດອກ, ແຕ່ຫາກແມ່ນຍ້ອນຍົກຖືກຖືເປັນກ້ອນຫີນ, ຄົນດີທີ່ຈົງຮັກພັກດີຖືກຖືເປັນຄົນຕົວະຍົວະ, ນີ້ຈຶ່ງແມ່ນມູນເຫດທີ່ຜູ້ຂ້າເຈັບແຄ້ນແໜ້ນໃຈທີ່ສຸດ." ເຈົ້າຊີວິດເວີນວາງກຊົງຕັດສ່ັງໃຫ້ຊ່າງຍົກຕັ້ງໃຈຈຳແນກຍົກກ້ອນນັ້ນໃຫ້ຮູ້ລະອຽດດີ, ໃນທີ່ສຸດໄດ້ປະກົດເຫັນວ່າມັນແມ່ນຍົກລ້ຳຄ່າກ້ອນໜຶ່ງທີ່ຫາຍາກໃນໂລກ, ເລີຍຕັ້ງຊື່ເປັນ"ຍົກນາມສະກຸນເຫີ".
ໃນເລື້ອງນິທານສຸພາສິດນີ້, ທ່ານຫານເຟີຍ ຜູ້ແຕ່ງເລື້ອງໄດ້ເອົາປະສົບການຂອງທ້າວປ້ຽນເຫີ, ມາສົມທຽບຕົນເອງຄືເຈດຈຳນົງທາງການເມືອງຂອງຕົນບໍ່ສາມາດຖືກເຈົ້າຊີວິດນຳໃຊ້, ແຕ່ຫາກຖືກປັດເຂ່ຍ, ຕໍ່ເລື່ອງນີ້, ທ່ານຮູ້ສຶກເສຍດາຍທີ່ສຸດ. ແຕ່ວ່າ, ຈາກເລື່ອງດັ່ງກ່າວນີ້, ຍັງອາດສຳນຶກເຖິງຄວາມໝາຍອັນເລິກເຊີ່ງກວ່ານັ້ນອີກ, ເຊິ່ງກໍຄື: ຊ່າງຍົກຕ້ອງຮູ້ຍົກ, ເຈົ້າຊີວິດຕ້ອງຮູ້ຄົນ; ສ່ວນຜູ້ຖະຫວາຍຍົກພັດຕ້ອງກຽມພ້ອມເສຍຊີວິດຢູ່ທຸກເວລາເພື່ອຍົກ.
|
|
|
