|
ການແຕ້ມຮູບຂອງຈີນມີປະຫວັດ 2 ພັນກວ່າປີແລ້ວ,ມັນແບ່ງເປັນການແຕ້ມຮູບບັນຈົງແລະການແຕ້ມຮູບລະບາຍອາລົມ,ນີ້ແມ່ນແບບວິທີແຕ້ມຮູບທ່ີຕ່າງກັນ.ການແຕ້ມຮູບບັນຈົງເນັ້ນໜັກການແຕ້ມຢ່າງບັນຈົງແລະລະອຽດລະອໍ,ໃຊ້ສີເປັນຊັ້ນໆ,ບ່ອນປີກຍ່ອຍໃສແຈ້ງ,ພັນລະນາສ່ິງຂອງດ້້ວຍຮອຍແຕ້ມທ່ີລະອຽດອ່ອນທ່ີສຸດ.ຮູບແຕ້ມລະບາຍອາລົມເນັ້ນໜັກການໃຊ້ນ້ຳໝຶກແບບງ່າຍດາຍແລະຕາມສະບາຍມາພັນລະນາວາດຂອງສິ່ງຂອງ,ແລະລະບາຍອາລົມຈິດຂອງຜູ້ແຕ້ມ.ຕາມເລ່ົາລືກັນວ່າ,ເລ່ີມແຕ່ສະໄໝລາຊະວົງຖາງຂອງຈີນກໍ່ມີແບບວິທີີແຕ້ມຮູບສອງຊະນິດນີ້ແລ້ວ.ການແຕ້ມຮູບບາງຢ່າງຢູ່ລະຫວ່າງສອງຊະນິດນີ້,ທັງລະບາຍອາລົມ,ເສີມຂະຫຍາຍສີມືໃນການໃຊ້ສໍ ໃຊ້ນ້ຳໝຶກແລະໃຊ້ສີ.
ໃນເວທີແຕ້ມຮູບຂອງຈີນໃນປະຈຸບັນ,ຈິດຕະກອນທ່ີຊຳນານການແຕ້ມຮູບພູຜາແມ່ນ້ຳ ດອກໄມ້ນົກໜູປູປີກ ບຸກຄົນແລະຊ່າງແຕ້ມຮູບທັງແບບບັນຈົງແລະລະບາຍອາລົມນັ້ນບໍ່ຫລາຍປານໃດ,ທ່ານໄຊຢຸນ ນັກແຕ້ມຮູບຜູ້ມີຊື່ສຽງກໍ່ແມ່ນຜູ້ໜ່ຶງ.ເມ່ືອເປີດເບ່ິງບົດປະພັນຂອງທ່ານໄຊຢູນ,ທ່ານບໍ່ພຽງແຕ່ຈະໄດ້ເຫັນຮູບແຕ້ມບຸກຄົນແບບບັນຈົງທ່ີລະອຽດອ່ອນເທ່ົານັ້ນ,ຍັງຈະໄດ້ເຫັນຮູບແຕ້ມພູຜາແມ່ນ້ຳທ່ີສະຫງ່າຜ່າເຜີຍ.ແຕ່ຮູບແຕ້ມທ່ີທ່ານໄຊຢູນຊຳນານທ່ີສຸດນັ້ນຍັງແມ່ນຮູບແຕ້ມສາວງາມແລະຮູບແຕ້ມບຸກຄົນ,ສີມືໃນການແຕ້ມກໍ່ມີເອກະລັກພິເສດໃນເວທີແຕ້ມຮູບຂອງຈີນ
ທ່ານໄຊຢູນມີບ້ານຢູ່ຖະໜົນຫູຝາງສຽວຄຸ້ມຊວນອູນະຄອນປັກກ່ິງ,ແຫ່ງນີ້ໃກ້ກັບຖະໜົນຫລີວຫລີສາງເຊ່ິງເປັນຖະໜົນວັດທະນະທຳທ່ີມີຊ່ືສຽງຂອງປັກກ່ິງ
ໃນຄາວຍັງນ້ອຍ,ທ່ານໄຊຢູນມັກເລາະທ່ຽວຮ້ານຂາຍຮູບແຕ້ມທ່ີມີຊ່ືສຽງຕ່າງໆເຊັ່ນຮ້ານຢົງປາວຈ່າຍເປັນຕົ້ນ,ແຕ່ຄາວຍັງນ້ອຍ,ທ່ານກໍ່ໄດ້ຮັບຜົນສະທ້ອນຈາກວັດທະນະທຳຈີນ."ໃນຍາມຍັງນ້ອຍ,ຂ້າພະເຈົ້າມັກອ້ອມຮອບຜູ້ໃຫຍ່ເພ່ືອຟັງນິທານ.ຢູ່ຂ້າງບ້ານມີແມ່ເຖົ້າຜູ້ໜ່ຶງນາມ ສະກຸນຫລີ,ຮູ້ນິທານພື້ນເມືອງຢ່າງຫລວງຫລາຍ,ເພ່ິນຊີ້ໃສ່ທ້ອງຟ້າ,ເລ່ົ່ານິທານເລ່ືອງທ້າວລ້ຽງງົວກັບນາງຕ່ຳແຜ່ນໃຫ້ພວກເຮົາຟັງ,ເມ່ືອເວົ້າເຖິງດວງເດືອນກໍ່ເລ່ົາເລ່ືອງນາງສາງເອີແລະກະຕ່າຍສູ່ພວກເຮົາຟັງ.ພາຍຫລັງມາໄດ້ຟັງນະວະນິຍາຍ,ຂ້າພະເຈົ້າຍັງໄດ້ຮູ້ເລ່ືອງສາມກົກ ເລ່ືອງໄຊອິວ ເລ່ືອງຄວາມຝັນບົນຫໍແດງ.ຂ້າພະເຈົ້າຄິດວ່າ,ຈີນມີນິທານດັ້ງເດີມຫລາຍແທ້ຫຼາຍ,ເລີຍເກີດມີຄວາມສົນໃຈອັນເຂັ້ມຂຸ້ນຕໍ່ວັດທະນະທຳຈີນ."
ໃນຄາວອາຍຸ 7 ປີ,ພໍ່ໄດ້ຊື້ກັບເຫັຼກໃສ່ສໍອັນໜ່ຶງໃຫ້ທ່ານໄຊຢູນ,ຢູ່ເທີງຝາກັບມີຮູບແຕ້ມແຜ່ນໜ່ຶງ,ແມ່ນຮຽນແຕ້ມຮູບມ້າແລ່ນຂອງທ່ານສືໄປຫົງ ນັກແຕ້ມຮູບທ່ີມີຊ່ືສຽງຂອງຈີນ."ຄູູໄດ້ບອກຂ້າພະເຈົ້າວ່າ,ທ່ານສືໄປຫົງແມ່ນຜູ້ລິເລ່ີມຮູບແຕ້ມແບບຝ່າຍຕາເວັນຕົກຂອງຈີນ,ແຕ່ພາຍຫລັງມາ,ຍ້ອນໄດ້ຮັບຜົນສະທ້ອນຈາກຮູບແຕ້ມຈີນ,ທ່ານໄດ້ມີຄວາມຮູ້ຫລາຍທ່ີສຸດໃນຂົງເຂດຮູບແຕ້ມຈີນ.ຂ້າພະເຈົ້າຈ່ິງຮູ້ວ່າ,ຮູບແຕ້ມຈີນແມ່ນຫົວກະທິຂອງຈີນ,ແຕ່ນັ້ນມາ,ຂ້າພະເຈົ້າໄດ້ມີຄວາມຄິດຢາກເປັນນັກແຕ້ມຮູບເມື່ອເຕີບໃຫຍ່ຂຶ້ນ."
ແຕ່ນັ້ນມາ,ທ່ານໄດ້ເສັງເຂົ້າໜ່ວຍວິຈິດຕະກຳຂອງວັງເຍົາວະຊົນຊວນອູນະຄອນປັກກ່ິງ ໂຮງຮຽນວິຈິດຕະກຳປັກກ່ິງ,ຮຽນສີມືແຕ້ມຮູບແບບຝ່າຍຕາເວັນຕົກ,ພ້ອມທັງວາງກຳລັງວັງຊາຍ່ິງຫລາຍເຂົ້າໃນການຄົ້ນຄ້ວາຮູບແຕ້ມຈີນ.
ໃນລະຫວ່າງສາມປີຄືແຕ່ປີ 1973 ຮອດ 1976,ແຕ່ລະມື້,ທ່ານໄຊຢູນກໍ່ໄປລອກແບບຢູ່ຫໍຮູບແຕ້ມຂອງວັງກູ້ກົ່ງປັກກ່ິງ.ຢູ່ຫໍຮູບແຕ້ມບໍ່ມີໂຕະຕ່ັງ,ເພ່ິນກໍ່ຫມູບລົງດິນ,ຍ້ອນແມ່ນລອກແບບຕາມຮູບແຕ້ມໃຫຍ່ເທ່ົາເດີມ,ຮູບແຕ້ມແຜ່ນໜ່ຶງຕ້ອງລອກແບບຫລາຍມື້.ເທ່ືອໃດກໍ່ລອກແບບແຕ່ 9 ໂມງເຊົ້າຮອດ 4 ໂມງແລງ,ກໍ່ບໍ່ພັກຜ່ອນຈັກເທ່ືອ.ທ່ານໄຊຢູນໄດ້ລອກແບບຮູບແຕ້ມ 30 ກວ່າແຜ່ນຈາກທ່ານກູ້ ຄ່າຍຈ່ືຂອງລາຊະວົງຈິ້ນຕາເວັນຕົກ ທ່ານອູຕ້າວຈື່ຂອງລາຊະວົງຖາງຮອດທ່ານຖາງປໍຫູ ນັກແຕ້ມຮູບທ່ີມີຊື່ສຽງຂອງລາຊະວົງຊົ້ງ,ບໍ່ວ່າແມ່ນດອກໄມ້ນົກໜູປູປີກຫລືແມ່ນບຸກຄົນລ້ວນແຕ່ແມ່ນຮູບແຕ້ມແບບບັນຈົງເປັນຕົ້ນຕໍ,ໄດ້ດູດຮັບເອົາຫົວກະທິຂອງເຄ່ືອງສິນລະປະຍອດຢ້ຽມຂອງນັກສິນລະປິນຜູ້ມີຊ່ືສຽງໃນສະໄໝບູຮານຈີນ."ຂ້າພະເຈົ້າໄດ້ລອກແບບຮູບແຕ້ມນົກຈອກຂອງທ່ານຊຸຍປາຍຂອງລາຊະວົງຊົ້ງ. ນົກຈອກໃນຮູບແຕ້ມແຜ່ນນີ້ຄືນົກຈອກແທ້ທ່ີສຸດ,ແມ່ນສາມມິຕິ.ໃນສະໄຫມລາຊະວົງຊົ້ງຂອງຈີນກໍ່ເນັ້ນໜັກເຖິງແສງ,ແລະກໍ່ໄດ້ກວມເອົາສີມືແຕ້ມຮູບແບບຝ່າຍຕາເວັນຕົກຢ່າງຫລວງຫລາຍແລ້ວ.ຂ້າພະເຈົ້າຮູ້ສຶກວ່າ,ຮູບແຕ້ມແບບບັນຈົງຂອງຈີນແມ່ນຫຶກຫຶມຍຶມເລິກທ່ີ່ີສຸດ."
ປີ 1976,ທ່ານໄຊຢຸນໄດ້ຂໍຮຽນນຳທ່ານຫວງຈຸນ ນັກແຕ້ມຮູບສາວງາມທ່ີມີຊ່ືລືນາມຢູ່ຈີນຢ່າງເປັນທາງການ,ຮຽນວິທີແຕ້ມຮູບສາວງາມເປັນພິເສດ.ໃນການຮຽນ,ເພ່ິນໄດ້ເຫັນໃນຮູບແຕ້ມແບບບັນຈົງນັ້ນມີຫົວຂ້ໍກ່ຽວກັບນາງສາງເອີ,ແລະຄວາມຝັນບົນຫໍແດງ.ເພ່ິນເວົ້າວ່າ,ສາມາດແຕ້ມນິທານແລະພື້ນສືບອັນເກົ່າແກ່ເຫ່ົຼານີ້ໃສ່ໜ້າເຈັ້ຍຢ່າງມີຊີວິດຊີວາ,ຈັ່ງແມ່ນໄດ້ບັນລຸແກ້ຄວາມຝັນໃນຄາວນ້ອຍ.
ນອກຈາກທ່ານຫວງຈຸນແລ້ວ,ທ່ານໄຊຢູນຍັງໄດ້ຂໍຮຽນນຳນັກແຕ້ມຮູບຈີນສຳນັກຕ່າງກັນສອງທ່ານຢ່າງເປັນລຳດັບ,ນີ້ເຮັດໃຫ້ທ່ານສາມາດແຕ້ມຮູບດອກໄມ້ນົກໜູປູປີກ ພູຜາແມ່ນ້ຳແລະສາວງາມແບບບັນຈົງ,ບໍ່ພຽງແຕ່ມີແລວຄວາມຄິດອັນກວ້າງຂວາງ ການເລືອກຫົວຂ້ໍມີເອກະລັກພິເສດເທົ່ານັ້ນ,ໃນເວລາແຕ້ມກໍ່ຫລ່ຽນໄຫລທ່ີສຸດ,ໄດ້ແຕ້ມຮູບອັນປານີດຢ່າງຫລວງຫລາຍ,ສະແດງໃຫ້ເຫັນພື້ນສືບພື້ນເມືອງ ນິທານເທບນິຍາຍແລະບຸກຄົນໃນປະຫວັດຢ່າງຫຼວງຫຼາຍໃສ່ເຈັ້ຍແຕ້ມ.
"ທຳນອງຂອງຈິດຕະກອນຜູ້ໜ່ຶງແມ່ນເປັນຮູບເປັນຮ່າງຂຶ້ນໃນຕະຫລອດຊີວິດ.ສາເຫດທ່ີຄົນທັງຫລາຍມັກຮູບແຕ້ມແບບບັນຈົງຂອງຂ້າພະເຈົ້າກໍ່ແມ່ນຍ້ອນຂ້າພະເຈົ້າໄດ້ປະສານສົມທົບກັບຫົວຂ້ໍ.ພື້ນສືບອັນສວຍງາມເຫົ່ຼານີ້ສະແດງດ້ວຍຮູບແຕ້ມຈີນແມ່ນເໝາະສົມທ່ີສຸດ.ຮູບແຕ້ມແບບບັນຈົງແມ່ນພື້ນຖານຂອງຮູບແຕ້ມ,ສາມາດສະແດງໃຫ້ເຫັນສີມືຂອງຜູ້ແຕ້ມໄດ້ດີກວ່າໝູ່."
ເມ່ືອຊົມຮູບແຕ້ມຂອງທ່ານໄຊຢູນ,ໃນການປະດິດສ້າງຮູບແຕ້ມບຸກຄົນແບບບັນຈົງ,ທ່ານໄດ້ສືບທອດປະເພນີ,ທັງບໍ່ຕາຍຕົວ.ທ່ານມີເຈດຈຳນົງວ່າ,ວິຈິດຕະກຳຍຸກປະຈຸບັນຄວນໂຮມເອົາແບບຝ່າຍຕາເວັນອອກແລະແບບຝ່າຍຕາເວັນຕົກ ແບບບູຮານແລະແບບຍຸກປະຈຸບັນເຂົ້າເປັນອັນດຽວກັນ,ມີຄວາມເຂົ້າໃຈໃໝ່ຕໍ່ຫົວຂໍ້ປະຫວັດສາດແລະສີມືດັ້ງເດີມ,ປັ້ນແຕ່ງພາບພົດໃໝ່.ສາວງາມບູຮານທ່ີທ່ານແຕ້ມນັ້ນບໍ່ສູນເສຍຄວາມງາມແບບດັ້ງເດີມຂອງແມ່ຍິງຈີນ,ທັງມີຄວາມຮູ້ສຶກສະໄຫມປະຈຸບັນ,ນີ້ກໍ່ແມ່ນບ່ອນຕ່າງກັນກັບຄົນຮຸ່ນກ່ອນໃນການແຕ້ມສາວງາມບູຮານຂອງທ່ານ.ໃນຂະນະທ່ີຄົນທັງຫລາຍຊົມລີລາແລະຮູບທ່ີມີຊີວິດຊີວາຂອງບຸກຄົນໃນຮູບແຕ້ມນັ້ນ,ຍັງສາມາດຮູ້ສຶກເຖິງບັນຍາກາດທາງສັງຄົມແລະເນື້ອໃນວັດທະນະທຳໃຕ້ສະພາບແວດລ້ອມປະຫວັດສາດອັນພິເສດຂອງບຸກຄົນ.
ໃນຊູ່ມື້ນີ້,ທ່ານໄຊຢຸນໄດ້ເປັນນັກແຕ້ມຮູບທ່ີມີຊື່ລືນາມທັງພາຍໃນແລະນອກປະເທດຈີນແລ້ວ,ຮູບແຕ້ມຂອງທ່ານຖືກບຸກຄົນວົງການຕ່າງໆຂອງ 30 ກວ່າປະເທດແລະເຂດແຄ້ວນເຊ່ັນອາເມລິກາ ຍ່ີ່ປຸນ ການາດາແລະສິງກະໂປເປັນຕົ້ນສະສົມໄວ້.ຮູບແຕ້ມນາງເທວະດາຫວ່ານດອກໄມ້ຂອງທ່ານຍັງຖືກມອບໃຫ້ຄະນະກຳມະການໂອລິມປິກສາກົນທ່ີເຮັດເປັນຂອງຂວັນຂອງລັດ.
ທ່ານໄຊຢູນເວົ້າວ່າ,ທ່ານຫວັງຜ່ານຮູບແຕ້ມຂອງຕົນເຜີຍແຜ່ຫົວກະທິຮູບແຕ້ມຂອງຈີນໄປທ່ົວໂລກ,ໃຫ້ປະຊາຊົນໃນໂລກລ້ວນແຕ່ຮູ້ສຶກເຖິງສະເໜຂອງສິນລະປະຈີນ.ໃຫ້ຄົນພາຍນອກລ້ວນແຕ່ຮູ້ວ່າ,ໃນໂລກນີ້ບໍ່ພຽງແຕ່ມີຮູບແຕ້ມນາງມົງນາລີຊາຂອງທ່ານດາວິນສຂອງອີຕາລີເທ່ົານັ້ນ,ຍັງມີຮູບແຕ້ມແບບບັນຈົງອັນສວນງາມຂອງຈີນ,ຍ່ິງມີພື້ນສືບແລະນິທານທ່ີກະຕຸ້ນໃຈຄົນຢ່າງຫລວງຫລາຍອີກດ້ວຍ.
|
