|
ຕາມຂ່າວສານຊິນຮວາ,ວັນທີ27ຕຸລາ,ໃນງານຖະແຫຼງຂ່າວທີ່ຈັດຂຶ້ນຢູ່ສຳນັກນາຍົກລັດຖະມົນຕີ,ທ່ານຈະຕຸລົນສາຍແສງຮອງນາຍົກລັດຖະມົນຕີໄທທີ່ຮັບຜິດຊອບວຽກງານປ້ອງກັນແລະປົວພະຍາດໄຂ້ຫວັດສັດປີກກ່າວວ່າ,ເນື່ອງຈາກສະຖານະການເກີດໄຂ້ຫວັດສັດປີກຫຼາຍຢູ່ໄທໃນສະເພາະໜ້ານີ້ແລະຈະເຂົ້າສູ່ໜ້າໜາວໄລຍະເປັນພະຍາດໄຂ້ຫວັດສັດປີກຫຼາຍ,ວັນທີ26ຕຸລາ,ຄະນະລັດຖະບານໄທຕົກລົງວ່າ,ແຕ່ວັນທີ1ພະຈິກປີນີ້ເປັນຕົ້ນໄປ,ໄທຈະຈັດການເຄື່ອນໄຫວປ້ອງກັນແລະປົວພະຍາດໄຂ້ຫວັດສັດປີກຢ່າງຂະໜາດໃຫຍ່ພາຍໃນຂອບເຂດທົ່ວປະເທດ,ເພີ່ມຄວາມແຮງໃນການປ້ອງກັນແລະປົວພະຍາດແລະສັບຊ້ອນມາດຕະການປ້ອງກັນແລະປົວພະຍາດໄຂ້ຫວັດສັດປີກ.
ທ່ານກ່າວວ່າ,ແຕ່ເກີດໄຂ້ຫວັດສັດປີກເທື່ອທີສອງເມື່ອວັນທີ1ກໍລະກົດມານີ້,ໄທໄດ້ມີ4ຄົນຕາຍຍ້ອນເປັນພະຍາດໄຂ້ຫວັດສັດປີກ.ເສືອ80ກວ່າໂຕຕາຍຫຼືຖືກຂ້າຍ້ອນຕິດເຊື້ອໄຂ້ຫວັດສັດປີກ.ສັດປີກຫຼາຍແສນໂຕຖືກຂ້າ,ພ້ອມກັນນັ້ນ,ຍັງມີຄົນຖືກດ່ານພາສີແບນຊິກກວດພົບວ່ານຳເອົາແຮ້ງທີ່ຕິດເຊື້ອໂລກໄຂ້ຫວັດສັດປີກອອກເມືອງ.ທັງໝົດເຫຼົ່ານີ້ລ້ວນແຕ່ເຮັດໃຫ້ໄທຈຳຕ້ອງເພີ່ມຄວາມແຮງປ້ອງກັນແລະປົວພະຍາດໄຂ້ຫວັດສັດປີກແລະສັບຊ້ອນມາດຕະການປ້ອງກັນແລະປົວພະຍາດ,ໂດຍສະເພາະຕ້ອງສະກັດກັ້ນບໍ່ໃຫ້ມະນຸດຕິດແປດເຊື້ອໂລກ.
|
