|
|
 |
| (GMT+08:00)
2004-10-28 06:43:53
|
 |
|
ເດັກຫຼອດແກ້ວຜູ່ທຳອິດ
cri
Author: huachunmei
ປີ 1988 ພໍດີກົງກັບປີມະໂລງ, ຢູ່ປະເທດຈີນໃໝ່ໄດ້ກຳເນີດລູກຫຼານມັງກອນພິເສດ ຄື, ເດັກຫຼອດແກ້ວຜູ່ທຳອິດ. ຜູ່ທ່ີສ້າງຜົນງານດັ່ງກ່າວແມ່ນທ່ານນາງຈ່າງລີຈູ່ ສາດສະດາຈານພະແນກພະດຸງຄັນຂອງສະຖາບັນແພດສາດທີສາມຂອງມະຫາວິທະຍາໄລແພດສາດປັກກ່ິງແລະເພ່ືອນຮ່ວມງານຂອງເພ່ິນ. ປີນັ້ນ, ທ່ານນາງຈ່າງລີຈູ່ມີອາຍຸ 67 ປີ.
ເມືອ່ປີ 1978, ທ້າວລຸຍ ບຼອງ ເດັກຫຼອດແກ້ວຜູ່ທຳອິດໂລກໄດ້ກຳເນີດຂຶ້ນຢູ່ອັງກິດ. ແຕ່ນັ້ນມາ, ພະນັກງານຄົ້ນຄວ້າຈີນໄດ້ເລ່ີມຄົ້ນຄວ້າດ້ວຍສອງຝາມືເປ່ົາ,ໃຊ້ເວລາພຽງແຕ່ 10 ປີເທ່ົານັ້ນກໍໄລ່ທັນລະດັບກ້າວໜ້າຂອງໂລກ. ສ່ວນນາງເຈິ້ງກຸ້ຍເຈີ່ງ ຄູສອນໂຮງຮຽນຕາແສງຢຽນກວານເມືອງຫຼີແຂວງກັນຊູຂອງຈີນເປັນຜູ່ທຳອິດທ່ີໂຊກດີເປັນແມ່ດ້ວຍວິທະຍາສາດເຕັກນິກທັນສະໄໝ.
ເວລາ 8 ໂມງ 56 ນາທີຂອງເຂົ້າວັນທີ 10 ມີນາປີ 1988, ໃນເວລາທ່ານນາງສາດສະດາຈານຈ່າງລີຈູ່ ແພດທ່ີກຳກັບການຜ່າຕັດເອົາເດັກທ່ີໜັກ 3900 ກຼາມແລະຍາວ 52 ຊັງຕີແມັດຜູ່ນີ້ອອກຈາກທ້ອງແມ່ນັ້ນ, ນາງເຈິ້ງກຸ້ຍເຈ່ີງ ແມ່ຍິງທ່ີບໍ່ເຄີຍຖືພາເປັນເວລາ 20 ປີຍ້ອນຫຼອດໄຂ່ຖືກອັດຕັນຜູ່ນີ້, ເມ່ືອອາຍຸຮອດ 39 ປີແລ້ວຈ່ິງໄດ້ເປັນແມ່.
ເມ່ືອເບ່ິງລູກທ່ີຫໍ້ດ້ວຍຜ່າລາຍດອກສີຟ້າແລະຜ້າຫ່ົມນ້ອຍດ້ວຍສາຍຕາທ່ີມີນ້ຳຕາເຕັມເບົ່ານັ້ນ, ນາງຮູ້ສຶກວ່າຢູ່ໃນຄວາມຝັນ. ເດັກຍິງທ່ີທັງຂາວທັງອ້ວນຜູ່ນີ້ຊ່ືວ່າເຈ່ີງເໝີງຈູ່. ຄຳວ່າ"ເໝີງ"ໃນພາສາຈີນແປວ່າອອກໜໍ່ຈໍ່ແໜງຫຼືເລ່ີມຕົ້ນ,ໝາຍຄວາມວ່າ, ນາງແມນເດັກຫຼອດແກ້ວຜູ່ທຳອິດຂອງປະເທດຈີນໃໝ່. "ຈູ່"ໝາຍຄວາມວ່າ, ໄຂ່ມຸກ ແມ່ນຫວັງໃຫ້ນາງມີແສງແວວວາວເໝືອນດັ່ງໄຂ່ມຸກ.
|
|
|
