|
ສະບາຍດີທ່ານຜູ້ຟັງທີ່ເຄົາລົບ, ນັກວິທະຍາສາດໄດ້ປະກົດເຫັນວ່າ, ພືດນອກຈາກມີຄວາມຕ້ອງການຕໍ່ທາດບຳລຸງແລ້ວ, ກໍຍັງມີຄວາມຕ້ອງການຕໍ່ຊີວິດດ້ານຈິດໃຈອີກ. ໃນລາຍການວິທະຍາສາດມື້ນີ້, ພວກເຮົາຂໍສະເໜີເນື້ອໃນດ້ານນີ້ສູ່ຟັງ.
ຢູ່ແຂວງອົງຕາຣີໂອແຫ່ງການາດາ, ມີຊາວນາຜູ້ໜຶ່ງໄດ້ທຳການທົດລອງຈ່ັງຊີ້: ລາວໄດ້ປ່ອຍດົນຕີເສບດ້ວຍວີໂອລົງຂອງທ່ານບາເຮີດຢູ່ນາທົດລອງປູກເຂົ້າເບຼ, ໃນທີ່ສຸດ, ນາທົດລອງຜືນນັ້ນເກັບກ່ຽວໄດ້ຜົນຢ່າງອຸດົມສົມບູນ, ປະລິມານຜົນເກັບກ່ຽວລື່ນກາຍໃນນາທົດລອງແຫ່ງອື່ນໆ 66%, ຮວງເຂົ້າເບຼມີເມັດເຂົ້າເບຼທັງໃຫຍ່ທັງໜັກ.
ທ້າຍຊຸມປີ 50 ສະຕະວັດທີ 20, ທ່ານສມິສ ນັກກະເສດວິທະຍາອາເມລິກາຜູ້ໜຶ່ງໄດ້ປູກເຂົ້າສາລີແລະໝາກຖ່ົວເຫຼືອງໃນຫ້ອງອຸ່ນ, ພ້ອມທັງຄວບຄຸມອຸນຫະພູມ, ຄວາມຊຸ່ມ, ປະລິມານໃສ່ຟຸ່ນເຄມີ ແລະເງື່ອນໄຂອື່ນໆ, ແລ້ວຍັງວາງເທັບໃນຫ້ອງອຸ່ນ, ປ່ອຍດົນຕີ"ຄວາມເພີ້ຟັນສີຟ້າ"ທີ່ມີຊື່ສຽງຕະຫລອດ 24 ຊ່ົວໂມງລຽນຕິດ. ຫລັງຈາກນັ້ນບໍ່ດົນ, ທ່ານຮູ້ສຶກຕື່ນຕົກໃຈຫລາຍຍ້ອນໄດ້ເຫັນວ່າ, ເຂົ້າສາລີແລະໝາກຖ່ົວເຫຼືອງທີ່ໄດຟັງດົນຕີນັ້ນໄດ້ອອກໜໍ່ຈໍ່ແໜງກ່ອນເວລາ 2 ອາທິດ, ລຳຕົ້ນຂອງມັນກໍໃຫຍ່ກວ່າຕົ້ນອື່ນຢ່າງຫລວງຫລາຍ. ທ່ານສມິສຮູ້ສຶກນອກການຄາດຄຶດຫລາຍ. ພາຍຫລັງມາ, ທ່ານໄດ້ສືບຕໍ່ທົດລອງປ່ອຍດົນຕີດັ້ງເດີມຍອດຢ້ຽມແລະເຄ່ິງຍອດຢ້ຽມຢູ່ນາເຂົ້າສາລີພັນປະສົມ, ເລີ່ມແຕ່ເວລາປູກແນວຮອດເວລາເກັບກ່ຽວບໍ່ເຄີຍເຊົາຈັກເທື່ອ. ໃນທີ່ສຸດ, ເຮັດໃຫ້ທ່ານຮູ້ສຶກນອກການຄາດຄຶດເຊ່ັນດຽວກັນ. ໃນນາທົດລອງຜືນນີ້ເກັບກ່ຽວໄດ້ເຂົ້າສາລີຫລາຍກວ່ານາທົດລອງກວ້າງຊ່ຳກັນແຕ່ບໍ່ເຄີຍໄດ້ຟັງດົນຕີຈັກເທື່ອນັ້ນ 700 ກວ່າກິໂລ. ທ່ານຍັງດີໃຈຫລາຍທີ່ໄດ້ເຫັນວ່າ, ເຂົ້າສາລີທີ່ຟັງດົນຕີເຕີບໃຫຍ່ນັ້ນໃຫຍ່ໄວ, ເມັດເຂົ້າສາລີນ້ອຍໃຫຍ່ຊ່ຳກັນ, ທັງສຸກໄວ.
ຖ້າຫາກປ່ອຍດົນຕີອ່ອນໂຍນຢູ່ຕາມໄຮ່ນາ, ກໍອາດຈະຊຸກຍູ້ໃຫ້ພືດເຕີບໃຫຍ່ທັງເກັບກ່ຽວໄດ້ຜົນອຸດົມສົມບູນ, ນີ້ອາດຈະບໍ່ແມ່ນເລື່ອງທາງໄກແລ້ວ.
ຢູ່ເມືອງມີໂວກີແຫ່ງອາເມລິກາ, ມີຜູ່ປູກດອກໄມ້ຜູ້ໜຶ່ງ, ພາຍຫລັງປ່ອຍດົນຕີໃຫ້ດອກໄມ້ໃນຫ້ອງອຸ່ນຂອງຕົນແລ້ວ, ລາວຕົກໃຈຫລາຍທີ່ໄດ້ປະກົດເຫັນວ່າ, ດອກໄມ້ເຫຼົ່ານີ້ໄດ້ມີການປ່ຽນແປງຢ່າງເດັ່ນຊັດຄື: ດອກໄມ້ເຫຼ່ົານີ້ອອກໜໍ່ຈໍ່ແໜງໄວ, ທັງອອກດອກຫລາຍກວ່າເກົ່າ, ທັງຍັງບານດົນກວ່າເກ່ົາ. ດອກໄມ້ເຫຼ່ົານີ້ເບິ່ງໄປແລ້ວກໍມີສີສົດງາມກວ່າເກົ່າ.
ນີ້ແມ່ນໝາກເຫລ່ນຕົ້ນໜຶ່ງ, ຢູ່ເທິງງ່າມັນໄດ້ຫ້ອຍເຄື່ອງຟັງຫູອີກ. ຢູ່ໃກ້ໆມັນສາ
ມາດໄດ້ຍິນດົນຕີອອນຊອນທີ່ພວມປ່ອຍຢູ່. ເລື່ອງອັດສະຈັນໄດ້ປະກົດອອກມາ:
ໝາກເຫລ່ນຕົ້ນນີ້ທັງໃຫຍ່ທັງສູງເຕີບໃຫຍ່ງາມດີ, ໝາກເຫລ່ນທັງໃຫຍ່ທັງດົກ,
ໜ່ວຍໃຫຍ່ກວ່າໝູ່ໜັກ 2 ກິໂລ. ທີ່ແທ້, ໝາກເຫລ່ນກໍມັກຟັງດົນຕີນໍ.ຄັນຊັ້ນ,
ມັນມັກຟັງດົນຕີຊະນິດໃດແດ່? ຄົນທັງຫລາຍໄດ້ທົດລອງຕໍ່ໄປ, ພວກເຂົາເຈົ້າປ່ອຍ
ດົນຕີລອກແອນໂລນໃສ່ໝາກເຫລ່ນບາງຕົ້ນ, ແລະປ່ອຍດົນຕີອ່ອນໂຍນໃສ່ໝາກ
ເຫລ່ນອີກຈຳນວນໜຶ່ງ, ໃນທີ່ສຸດ, ໄດ້ປະກົດເຫັນວ່າ, ໝາກເຫລ່ນທີ່ໄດ້ຟັງດົນຕີ
ອ່ອນໂຍນນັ້ນເຕີບໃຫຍ່ງາມດີ, ສ່ວນໝາກເຫລ່ນທີ່ໄດ້ຟັງດົນຕີອຶກກະທຶກແລະຈັງ
ຫວະບໍ່ດີນັ້ນພັດເຕີບໃຫຍ່ຊ້າ, ບາງຕົ້ນຈົນກະທັ້ງຕາຍໄປ. ທີ່ຈິງແລ້ວ, ໝາກເຫລ່ນ
ກໍມີຄວາມນິຍົມແລະຄັດເລືອກດົນຕີບາງຊະນິດ.ພືດເກືອບໝົດທຸກຢ່າງລ້ວນແຕ່
ຟັງດົນຕີໄດ້, ແລະເຕີບໃຫຍ່ຂຶ້ນໄດ້ ໃນທ່າມກາງດົນຕີທີ່ອ່ອນໂຍນໜ້າຟັງ.
ຫົວຜັກກາດຫວານ, ແລະຫົວຜັກກາດເປັນຕົ້ນລ້ວນແຕ່ແມ່ນແຟນດົນຕີຄືກັນ. ມີບາງປະເທດໃຊ້ວິທີຟັງດົນຕີບ່ົມເພາະຫົວຜັກກາດໜັກ 2,5 ກິໂລ, ເຫັດໃຫຍ່ຊ່ຳ
ຄັນຮົ່ມນ້ອຍ, ຜັກກະລຳປີໜັກ 27 ກິໂລ.
ນັກວິທະຍາສາດຍັງປະກົດເຫັນວ່າ, ພືດຕ່າງກັນ, ມັກຟັງດົນຕີຕ່າງກັນ. ຕົວຢ່າງຄື: ໝາກແຕງແລະໝາກອຶມັກຟັງສຽງຂຸ່ຍ, ໝາກເຫລ່ນມັກຟັງດົນຕີໂລມັນຕິກ, ຕົ້ນຢາງພາລາມັກຟັງສຽງອຶດກະທຶກ. ນັກວິທະຍາສາດອາເມລິກາເຄີຍສັງເກດແລະປຽບທຽບຕໍ່ດອກໄມ້ 20 ກວ່າຊະນິດ, ປະກົດເຫັນວ່າ, ສຽງອຶດກະທຶກມັກເຮັດໃຫ້ດອກໄມ້ເຕີບໂຕຊ້າລົງ 47%, ຖ້າປ່ອຍດົນຕີລອກແອັນໂລນ, ອາດຈະເຮັດໃຫ້ພືດບາງຢ່າງຫ່ຽວແຫ້ງ, ຈົນກະທັ້ງຕາຍໄປ.
ຄັນຊັ້ນ, ເຫດຜົນທີ່ພືດຟັງດົນຕີນັ້ນແມ່ນຍ້ອນຫຍັງແທ້? ທີ່ຈິງແລ້ວ, ແມ່ນຍ້ອນສຽງດົນຕີທີ່ມ່ວນອອນຊອນສັ່ນສະເທືອນຢ່າງມີກົດເກນ, ເຮັດໃຫ້ພືດປ່ຽນຖ່າຍອັນເກ່ົາຮັບເອົາອັນໃໝ່ໄວເຂົ້າ, ຈົນເຮັດໃຫ້ພືດເຕີບໂຕໄວ.
ທ່ານຜູ້ຟັງທີ່ເຄົາລົບ, ທີ່ຟັງມານັ້ນແມ່ນບົດສະເໜີທີ່ພາດຫົວເລື່ອງວ່າ, ພືດກໍມັກຟັງດົນຕີ. ລາຍການວິທະຍາສາດພາກນີ້ຂໍຈົບລົງພຽງທໍ່ນີ້. ສະບາຍດີ.
|
