|
ທ່ີນີ້ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທ່ີໂຄລົບ, ຊົມເຊີຍທ່ານເຂົ້າສູ່ລາຍການນັດພົບໃນວັນອາທິດ.
ທ່ີທ່ານຟັງມານັ້ນແມ່ນເພງ "ວາງຊື້ສວຍເຟິງ" ແປວ່າ "ອະດີດຕະການລ່ວງໄປຕາມສາຍລົມ " ຂັບຮ້ອງໂດຍທ່ານສິສິນ ດາລາເພງທ່ີມີຊ່ືສຽງ.
ເມ່ືອໄດ້ຟັງເພງເກົ່າໆທ່ີຈັບໃຈ, ມັກເຮັດໃຫ້ເຮົາຄຶດເຖິງເລ່ືອງໃນອະດີດທ່ີຝັງເລິກຢູ່ໃນໃຈຢ່າງບໍ່ຮູ້ສຶກຕົວ, ບາງທີແມ່ນເລ່ືອງໝອງໝ່ົນໃນເວລາພັດພາກຈາກຄູ່ຮັກ, ບາງທີແມ່ນຄວາມອາໄລອາວອນໃນຍາມຈາກສ່ຽວຮັກສ່ຽວແພງ ບາງທີແມ່ນຄວາມອາໄລອາວອນໃນເວລາພາກຈາກຄອບຄົວ…ກໍແມ່ນໃນຍາມທ່ີພວກເຮົາບໍ່ໃສ່ໃຈນັ້ນເອງ, ໃນສ່ວນເລິກຂອງຫົວໃຈກໍໄດ້ມີຄວາມຊົງຈຳທ່ີລືມຍາກແລ້ວ. ບາງເລ່ືອງອາດຈະຈ່ືບໍ່ລືມຕະຫຼອດຊີວິດ, ບາງເລື່ອງອາດຈະຄ່ອຍໆຈືດຈາງໄປຕາມກາລະເວລາ, ຍັງມີບາງເລ່ືອງເລ່ືອນລອຍຕາມສຽງດົນຕີ, ພັດເຂົ້າມາຕາມປ່ອງຢ້ຽມຂອງທ່ານໃນຍາມທ່ຽງຄືນທ່ີງຽບສະຫງັດ, ທ່ານກະຕຸ້ນໃຈຫຼາຍ, ບັດນັ້ນ ເລ່ືອງໃນອະດີດຕະການທ່ີຈືດຈາງໄປແລ້ວໄດ້ຫວນຄືນມາຢ່າງບໍ່ນຶກບໍ່ຝັນ.
ຕໍ່ໄປເຊີນຟັງເພງ "ຄວັນໄຟ" ຂັບຮ້ອງໂດຍທ່ານອູສິຫຼົງ ນັກຮ້ອງໄຕ້ຫວັນ.
ເນື້ອເພງມີຢູ່ວ່າ: "ຫຼາຍເທ່ືອແລ້ວ ທ່ີຂ້ອຍຫຼົງເຂົ້າສູ່ແດນແຫ່ງຄວາມເສົ້າໝອງ, ຄຶດວ່າຄວາມຮັກໃນເມ່ືອກ່ອນໄດ້ຫຼັບສະໜິດແລ້ວ, ແຕ່ພັດສະເດີດຕ່ືນອີກໃນຍາມທ່ຽງຄືນ. ຄຶດຮອດເຈົ້າເລື້ອຍໆຢ່າງບໍ່ຮູ້ສຶກຕົວ, ສາຍຕາສະທ້ານຢ້ານກົວຂອງນ້ອງ ໄດ້ຜ່ານໄປໄກແລ້ວ ແຕ່ນ້ອງຍັງເພ່ິງພິງໃນອ້ອມກອດຂອງອ້າຍ.
ເມ່ືອໄດ້ຟັງເພງເກົ່າມ່ວນໆເພງໜ່ຶງ, ມັກເຮັດໃຫ້ພວກເຮົາຄຶດເຫັນເລື່ອງໃນອະດີດ, ບາງທີອາດຈະແມ່ນເລ່ືອງທ່ີບໍ່ເຄີຍໃສ່ໃຈ, ບາງທີອາດຈະແມ່ນຄວາມຮັກທ່ີສະຫຼັກຈິດສະຫຼັກໃຈແທ້, ເລ່ືອງທ່ີຄຸ້ນເຄີຍຫຼືເລ່ືອງທ່ີບໍ່ຄຸ້ນເຄີຍ ເປັນສີເຂັ້ມຂຸ້ນຫຼືສີຈືດຈາງ, ລ້ວນແຕ່ຫຼັງມາຕາມສຽງເພງທ່ີລື້ງຫູ. ບາງທີເຈົ້າອາດຈະຄຶດເຖິງຄົນທ່ີເຄີຍຮັກ, ບໍ່ຮູ້ວ່າດຽວນີ້ເຂົາຢູ່ໃສ; ບາງທີເຈົ້າອາດຈະຄຶດເຖິງເພ່ືອນຮຽນໃນຍາມນ້ອຍ, ບໍ່ຮູ້ວ່າເຂົາເຈົ້າເປັນຈ່ັງໃດແລ້ວ, ເຂົາເຈົ້າສ້າງຄອບຄົວແລ້ວຫຼືບໍ່; ບາງທີເຈົ້າອາດຈະຄຶດຮອດຄອບຄົວທ່ີຢູ່ທາງໄກ, ພວກເພ່ິນກໍຍັງຄ່ອຍຢູ່ບໍ່; ບາງທີເຈົ້າອາດຈະຄຶດເຫັນໝູ່ໃນຍາມຍັງນ້ອຍ, ຈະໄດ້ພົບໜ້າກັນອີກບໍ່ນໍ…ພວກເຮົາຈ່ົງອະທິຖານ, ອະທິຖານໃຫ້ໝູ່ເພ່ືອນ ພໍ່ແມ່ພີ່ນ້ອງ ແລະຄົນທ່ີເຮົາເຄີຍຮັກ…
ມີການເຕົ້າໂຮມກັນກໍຕ້ອງມີການພາກຈາກກັນ, ຄວາມຄຶດຮອດຄຶດເຖິງຈ່ຶງໄດ້ກາຍເປັນພາກສ່ວນໜຶງທ່ີຂາດເຂີນບໍ່ໄດ້ໃນຊີວິດຂອງເຮົາ. ຢູ່ເດີ່ນຍົນ ຢູ່ສະຖານີລົດໄຟຫຼືຄິວລົດ, ມື້ໃດກໍມີພາບອຳລາຈາກກັນທ່ີກະຕຸ້ນໃຈຄົນ, ແຕ່ກໍມີພາບເປັນໜ້າດີໃຈທ່ີພົບໜ້າພໍ້ຕາກັນຄືນໃໝ່. ແມ່ນແລ້ວ, ຈາກກັນໄປມື້ນີ້ກໍເພ່ືອພົບກັນໃນມື້ໃໝ່, ສະນັ້ນໃນເວລາຈາກກັນຢ່າໂສກເສົ້າເກີນໄປ, ຂໍໃຫ້ນຳເອົາສຽງເພງຂອງຂ້ອຍໄປນຳ, ແຕ່ຈ່ົງຮອຍຍິ້ມຂອງເຈົ້າໄວ້ໃຫ້ຂ້ອຍ! ລາແລ້ວ ຂໍໃຫ້ເພ່ືອນຈ່ົງຖະໜອມຕົນເອງ, ເມ່ືອລະດູບານໃໝ່ວຽນມາ, ຂໍໃຫ້ເພື່ອນຈ່ົງສ່ົງຂ່າວດີມາຕາມສາຍລົມ, ແລ້ວພວກເຮົາຈ່ຶງພົບໜ້າກັນໃໝ່.
ຕໍ່ໄປເຊີນຟັງເພງ "ຈູນີອີລູ້ຊຸ້ນເຟິງ" "ຂໍໃຫ້ທ່ານຈ່ົງໄປດີຕະຫຼອດທາງ".
ທ່ານຜູ່ຟັງທ່ີໂຄລົບ, ຄຽງຄູ່ກັບສຽງເພງໄດ້ຄ່ອຍໆອ່ອນລົງ, ລາຍການນັດພົບໃນວັນອາທິດຂອງພວກເຮົາພາກນີ້ກໍຂໍສ້ຽງສຸດລົງພຽງທໍ່ນີ້. ສຽງເພງທ່ີອອນຊອນ, ຄົງພາໃຫ້ທ່ານຄຶດຮອດເລ່ືອງໃນອະດີດຕະການນໍ. ຊີວິດຄືກັບເພງ, ເວລາກໍຄືກັບເພງ, ຂໍອວຍພອນໃຫ້ເພ່ືອນຜູ່ຟັງຈ່ົງມີຊີວິດສຸກສັນ! ພົບກັນໃໝ່ໃນອາທິດໜ້າ, ສະບາຍດີ.
|
