|
ທ່ານຜູ້ຟັງທ່ີເຄົາລົບ,ງ້ິວປັກກິ່ງຂະຫນາດໃຫຍ່ເລ່ືອງ"ເຫມີຍຫລານຟາງ"ທ່ີສະແດງຢູ່ປັກກ່ິງຫວ່າງກ່ອນນີ້ບໍ່ດົນໄດ້ມີປະຕິກິລິຍາຢ່າງຟົດຟື້ນ,ງິ້ວປັກກ່ິງເລ່ືອງນີ້ໄດ້ໂຮມສູນຜູ່ສະແດງທ່ີມຄວາມສາມາດເຂັ້ມແຂງກວ່າໝູ່ໃນວົງການງິ້ວປັກກ່ິງຂອງຈີນໃນປະຈຸບັນ,ທ່ານນາງຈ້າວປາວຊ້ິວ ສິນລະປິນສະແດງງ້ິວປັກກ່ິງກໍ່ແມ່ນຜູ້ໜ່ຶງ.
ງິ້ວປັກກ່ິງຕອນຫນ່ຶງທ່ີຂັບຮ້ອງໂດຍທ່ານນາງຈ້າວປາວຊິ້ວ.ໃນງິ້ວດັ່ງ ກ່າວ,ທ່ານນາງຈ້າວປາວຊິ້ວໄດ້ສະແດງເປັນແມ່ຍາຍຂອງທ່ານເຫມີຍຫລາຍຟາງ ມະຫາອາຈານງິ້ວປັກກ່ິງທ່ີມີຊື່ສຽງຂອງຈີນ.ການສະແດງຂອງນາງເຕັມໄປດ້ວຍອາລົມຈິດ,ທັງແນບນຽນລະອຽດລະອໍ,ໄດ້ສະແດງໃຫ້ເຫັນແມ່ຍາຍຮູ້ຈັກສິນທຳແລະເຕັມໄປດ້ວຍຄວາມຮັກຂອງຜູ້ເປັນແມ່,ອັນໄດ້ຮັບຄວາມຕີລາຄາສູງຈາກຜູ້ຊົມ.
ງິ້ວປັກກິ່ງແມ່ນຫົວກະທິຂອງຈີນ,ການສະແດງງິ້ວປັກກິ່ງແມ່ນອີງຕາມເພດ ອາຍຸ ຖານະແລະນິດໃສໃຈຄໍຂອງຕົວສະແດງໃນງິ້ວ,ແລ້ວແບ່ງບຸກຄົນອອກເປັນປະເພດຕ່າງກັນ,ນີ້ກໍ່ເອິ້ນວ່າ"ຫາງຕ່າງ"ແປວ່າ"ຕົວສະແດງ.ນັກສະແດງງິ້ວປັກກິ່ງມັກສະແດງເປັນຕົວສະແດງໃດຫນ່ຶງໂດຍຈຳເພາະ,ທ່ານນາງຈ້າວປາວຊິ້ວກໍ່ແມ່ນສະແດງເປັນຕົວສະແດງແມ່ຍິງໄວກາງແລະໄວຊະລາໂດຍຈຳເພາະ,ປະເພດນີ້ຖືກເອິ້ນເປັນ"ລາວຕ້ານ".ໃນເວທີສະແດງງິ້ວປັກກ່ິງ,ທຳມະດາແລ້ວ,"ລາວຕ້ານ"ລ້ວນແຕ່ເປັນຕົວສະແດງສຳຮອງ,ນັກສະແດງທ່ີສະແດງເປັນ"ລາວຕ້ານ"ແມ່ນມີຊື່ມີສຽງຫນ້ອຍທ່ີສຸດ,ແຕ່ທ່ານນາງຈ້າວປາວຊິ້ວພັດແມ່ນ"ລາວຕ້ານ"ຜູ້ຫນ່ຶງທ່ີມີລັກສະນະຕົວແທນທ່ີສຸດບົນເວທີສະແດງງິ້ວປັກກ່ິງໃນຍຸກປະຈຸບັນ.ນາງໄດ້ຮຽບຮຽງແຕ່ງແລະສະແດງງິ້ວຫລາຍເລ່ືອງໃນນັ້ນ"ລາວຕ້ານ"ລ້ວນແຕ່ເປັນນາງເອກ,ຍ້ອນແນວນີ້ເພ່ິນໄດ້ປະກອບສ່ວນອັນພົ້ນເດ່ັນເຂົ້າໃນລະຄອນປະເພດ"ລາວຕ້ານ"ໃຫ້ອຸດົມສົມບູນຂຶ້ນແລະເປີດກວ້າງຂົງເຂດການສະແດງຂອງປະເພດ"ລາວຕ້ານ",ກາຍເປັນນັກສະແດງ"ລາວຕ້ານ"ຜູ້ທຳອິດທ່ີໄດ້ຮັບລາງວັນດອກເມີຍເຊ່ິງເປັນລາງວັນສູງສຸດໃນວົງການລະຄອນງິ້ວຂອງຈີນ.
ຄັນຊັ້ນ,ທ່ານນາງຈ້າວປາວຊິ້ວແມ່ນເຮັດແນວໃດໃຫ້"ຫາງຕ່າງ"ທ່ີແຕ່ເດີມຄົນບໍ່ເອົາໃຈໃສ່ປານໃດບົນເວທີສະແດງນັ້ນໄດ້ປະຈັກຕາຄົນ?ໃນເວລາຕອບຄຳ ຖາມຂອງນັກຂ່າວ,ທ່ານນາງຈ້າວປາວຊິ້ວເວົ້າວ່າ,"ສິນລະປະຂອງພວກເຮົາ,ເວົ້າໃນລະດັບໃດຫນ່ຶງແລ້ວກໍ່ແມ່ນສິນລະປະສະສົມ,ເຮັດແນວໃດຈ່ິງຈະປະຈັກຕາຄົນບົນເວທີສະແດງ?ນັ້ນກໍ່ແມ່ນເຫື່ອແຮງແລະການຄົ້ນຄວ້າຂອງຂ້າພະເຈົ້າໃນຫລາຍສິບປີມານີ້,ແມ່ນຂ້າພະເຈົ້າໄປສຳນຶກສິນລະປະດັ່ງກ່າວເປັນເວລາຫລາຍສິບປີ,ເຫດຜົນມັນກໍ່ງ່າຍຄືແນວນີ້ແຫລະ."
ທ່ານນາງຈ້າວປາວຊິ້ວປີນີ້ອາຍຸ 56 ປີ,ເປັນຄົນປັກກ່ິງ,ນາງເກີດຢູ່ໃນຄອບຄົວປັນຍາຊົນ,ພໍ່ແມ່ລ້ວນແຕ່ມັກເບ່ິງງິ້ວປັກກ່ິງທ່ີສຸດ.ໃນຄາວນາງຍັງນ້ອຍ, ພາບທີ່ພໍ່ຮ້ອງງິ້ວປັກກ່ິງໃຕ້ແສງຈັນໄດ້ສ້າງພາບພົດອັນເລິກເຊິ່ງໄວ້ໃຫ້ແກ່ນາງ.,ນາງຍັງໄປເບ່ິງງິ້ວຢູ່ໂຮງງ້ິວເປັນປະຈຳນຳແມ່,ນາງມັກນາງງາມທ່ີແຕ່ງຕົວງາມບົນເວທີສະແດງນັ້ນທ່ີສຸດ,ເມ່ືອກັບເມືອຮອດບ້ານກໍ່ສະບັດແອວສະບັດມືຮຽນແບບພວກເຂົາເຈົ້າ.ໃນຄາວອາຍຸ 11 ປີ,ນາງໄດ້ເສັງເຂົ້າໂຮງຮຽນລະຄອນງິ້ວປັກກ່ິງ,ຮຽນງິ້ວປັກກ່ິງເປັນທາງການ.ແຕ່ສ່ິງທ່ີນາງຄາດຄຶດບໍ່ເຖິງນັ້ນແມ່ນ,ພໍເຂົ້າໂຮງ ຮຽນ,ນາງກໍ່ຖືກສ່ັງໄປຮຽນ"ລາວຕ້ານ",ສະແດງເປັນແມ່ຍິງທ່ີແກ່ຊາລາ,ນີ້ຕ່າງກັບນາງສາວທ່ີອໍລະຊອນບົນເວທີທ່ີນາງຫວັງນັ້ນຫລາຍໂພດ,ທັນໃດນັ້ນ,ນາງກໍ່ຮ້ອງ ໃຫ້ຂຶ້ນ.ນາງບໍ່ຍອມຮຽນ"ລາວຕ້ານ",ແຕ່ນາງໄດ້ສືບທອດຈຸດພິເສດຂອງພໍ່,ມີສຽງດີທ່ີດັງຫອງ,ຖືກຄູຖືວ່າມີພອນສະຫວັນໃນການຮຽນ"ລາວຕ້ານ",ສະນັ້ນ,ນາງກໍ່ເລີຍຝືນໃຈໄປຮຽນໜ່ຶງປີ.ປີທີສອງ,ນາງໄດ້ປ່ຽນແປງຄວາມເຫັນທີ່ມີຕໍ່"ລາວຕ້ານ".ເມື່ອຫວນຄຶດເຖິງພາບໃນຄາວນັ້ນ,ທ່ານນາງຈ້າວປາວຊ້ິວເວົ້າວ່າ,ເປັນຫຍັງພາຍຫລັງມາ"ລາວຕ້ານ"ຈ່ິງພາໃຫ້ຂ້າພະເຈົ້າສົນໃຈ?ໃນເວລາຮຽນຮອດຊັ້ນປີສອງ,ຂ້າພະເຈົ້າສະແດງເລ່ືອງແມ່ຂອງທ່ານເຢ້ເຟີຍແທງຕົວໜັງສືໃສ່ສັນຫຼັງ, ຂ້າພະເຈົ້າໄດ້ແຕ່ງຕົວເປັນແມ່ຍິງເຖົ້າ,ພໍຂ້າພະເຈົ້າຮ້ອງຂຶ້ນ,ບໍ່ທັນມີດົນຕີບັນເລງ,ຫາກໍ່ຮ້ອງຄຳໜ່ຶງຍັງບໍ່ແລ້ວ,ຜູ້ຊົມກໍ່ຕົບມືຊົມເຊີຍຢ່າງຟົດສະໜັ່ນ.ໃນທັນໃດນັ້ນ,ຂ້າພະເຈົ້າຕື່ນເຕັ້ນໃຈທ່ີສຸດ,ມີຄວາມຮູ້ສຶກທີ່ມີຕໍ່ສຽງຕົບມືເປັນເທ່ືອທຳອິດ, ຮູ້ສຶກມີຄວາມຜາສຸກຫຼາຍ, ຮູ້ສຶກຕື້ນຕັນໃຈແລະຮູ້ສຶກມີຜົນສຳເລັດ.ແຕ່ນັ້ນມາ, ຄວາມຄິດບໍ່ຢາກຮຽນ"ລາວຕ້ານ"ກໍ່ເລີຍມະຫັບມະຫາຍໄປຫມົດ."
ເມ່ືອທ້າຍຊຸມປີ 70 ສະຕະວັດແລ້ວນີ້,ທ່ານນາງຈ້າວປາວຊິ້ວໄດ້ຮຽນນຳທ່ານລີຈີນສວນ ນັກສະແດງ"ລາວຕ້ານ"ທ່ີມີຊ່ືສຽງຂອງໂຮງງິ້ວປັກກ່ິງຈີນ,ໃຕ້ການຊ່ອຍເຫືຼອຂອງຄົນຮຸ່ນອາວຸໂສໃນວົງການງິ້ວປັກກ່ິງ,ນາງໄດ້ຮຽບຮຽງແຕ່ງໃຫມ່ຕໍ່ລະຄອນເລ່ືອງທ້າວລີຂຸຍໄປຢາມແມ່ ເຊ່ິງເປັນເລື່ອງທ່ີມີຊ່ືສຽງໃນງິ້ວປັກກ່ິງ.ນີ້ແມ່ນທ່ານນາງຈ້າວປາວຊິ້ວແຕ່ງບົດງິ້ວປັກກ່ິງເປັນເທ່ືອທຳອິດ,ແຕ່ນາງໄດ້ມີທັດສະນະຄະຕິປະດິດສ້າງໃຫມ່ຕໍ່ລະຄອນດັ້ງເດີມ.ນາງເວົ້າວ່າ,"ງິ້ວເລ່ືອງນີ້ແມ່ນຂ້າພະເຈົ້າເປັນເຈົ້າການສະເໜີໃຫ້ແຕ່ງໃຫມ່,ຍ້ອນຫຍັງ?ຍ້ອນວ່າຂ້າພະເຈົ້າມັກລະຄອນທ່ີທັງມີສຽງຣ້ອງທັງສະແດງອາລົມຈິດ.ເພາະວ່າເວົ້າໃນຄາວນັ້ນແລ້ວ,ງິ້ວຂອງ"ລາວຕ້ານ"ສ່ວນຫລາຍແມ່ນຖືການຮ້ອງເປັນຕົ້ນຕໍ,ການສະແດງເປັນສຳຮອງ.ແຕ່ເວົ້າສຳລັບຂ້າພະເຈົ້າແລ້ວ,ອາດຈະແມ່ນຍ້ອນຂ້າພະເຈົ້າເປັນຕົວສະແດງທ່ີມີອາລົມຈິດອຸດົມສົມບູນ,ດ່ັງນັ້ນ,ຂ້າພະເຈົ້າຍ່ິງມັກຕົວສະແດງທ່ີທັງມີສຽງຮອງທັງມີອາລົມຈິດ."
ງິ້ວເລ່ືອງທ້າວລີຂຸຍໄປຢາມແມ່ທ່ີທ່ານນາງຈ້າວປາວຊິ້ວຮຽບຮຽງໃຫມ່ແລະສະແດງນັ້ນ,ພາຍຫລັງມາໄດ້ສະແດງຢູ່ເທີງເວທີເລື້ອຍໆ,ຜູ້ຊົມກໍ່ມັກເບ່ິງຈົນນຳ້ຕາໄຫຼຕາມເລ່ືອງ.ແຕ່ນັ້ນມາ,ທ່ານນາງຈ້າວປາວຊິ້ວໄດ້ຮຽບຮຽງແຕ່ງງິ້ວເລ່ືອງໃຫມ່ເລື້ອຍໆ,ສະແດງງິ້ວຂອງ"ລາວຕ້ານ"ຢ່າງບໍ່ຢຸດຢັ້ງ,ໄດ້ຮັບຄວາມນິຍົມຊົມຊອບຂອງຜູ້ຊົມອັນໄພສານ.ການສະແດງຂອງທ່ານນາງຈ້າວປາວຊິ້ວທັງເນັ້ນໜັກມູນເຊື້ອທັງບໍ່ຈຳກັດຢູ່ນຳວິທີ,ໄດ້ໂຮມສູນຈຸດດີຈຸດເດ່ັນຂອງນັກສະແດງທ່ີມີຊ່ືສຽງຜູ່ອ່ືນໆ,ພະຍາຍາມສ້າງວິທີໃຫມ່,ເອົານາມມະທຳກັບຮູບປະທຳປະສານສົມທົບກັນດ້ວຍການຮ້ອງ ການປາກ ການເຮັດແລະການຟ້ອນ,ການສະແດງແບບສັງລວມໄປສ້າງບຸກຄົນ,ໄດ້ສະແດງໃຫ້ເຫັນພະລັງຊີວິດຂອງສິນລະປະແລະກິນອາຍຍຸກສະໄຫມທ່ີມີຊີວິດຊີວາ.ຜູ້ຊົມທັງຫລາຍຍ້ອງຍໍວ່າສິນລະປະການສະແດງຂອງນາງໄດ້ເຖິງຂັ້ນຍອດຢ້ຽມແລ້ວ.
ເລ່ີມແຕ່ຊຸມປີ 80 ສະຕະວັດແລ້ວນີ້ເປັນຕົ້ນມາ,ທ່ານນາງຈ້າວປາວຊິ້ວໄດ້ໄປຢາມຫຼາຍປະເທດແລະເຂດແຄ້ວນຄືອົສຕຼາລີ ຍ່ີປຸ່ນເປັນຕົ້ນແລະເຂດຮົງກົງ ໄຕ້ຫວັນຂອງຈີນ,ລ້ວນແຕ່ໄດ້ຮັບຄວາມຕີລາຄາສູງ,ຖືກເອິ້ນເປັນນັກສະແດງຜູ່ເກ່ັງ.ທ່ານນາງຈ້າວປາວຊິ້ວເຫັນວ່າ, ສິນລະປະບໍ່ມີພົມແດນ,ໃນເວລາຊຸກຍູ້ການແລກປ່ຽນກັນລະຫວ່າງຄົນທັງຫລາຍນັ້ນ,ມັນບໍ່ມີອຸປະສັກດ້ານພາສາ.
|
