|
ຢູ່ຈີນ,ນັກສະແດງເພດຍິງທີ່ສະແດງລະຄອນຕະຫຼົກແມ່ນບໍ່ຫຼາຍປານໃດ,ໃນນັ້ນ,ນາງໄຊມິງກໍແມ່ນຜູ່ຫນ່ຶງ,ການສະແດງຂອງນາງໄດ້ຮັບຄວາມນິຍົມຊົມຊອບທີ່ສຸດຈາກສາມັນຊົນຈີນ.
ຊີວິດການສະແດງຂອງນາງໄຊມິງແມ່ນເລ່ີມຕົ້ນແຕ່ 20 ກວ່າປີກ່ອນ,ນາງໄຊມິງ ທີ່ອາຍຸ 11 ປີໃນຄາວນັ້ນໄດ້ເປັນນາງເອກໄຮເຊຍໃນຮູບເງົາເລື່ອງໄຮເຊຍ ການສະແດງຂອງນາງແນບນຽນແລະທຳມະຊາດ,ໄດ້ສະແດງໃຫ້ເຫັນນິດໄສໃຈຄໍຂອງນາງໄຮເຊຍທີ່ຫນ້າຮັກແລະຊັງເລື່ອງຮ້າຍຄົນຊ່ົວປານຊັງຄູ່ອາຄາດ.ໂດຍສະເພາະແມ່ນດວງຕາທີ່ໃສແວວວາວຂອງນາງທັງຄູ່ໄດ້ສ້າງຄວາມປະທັບໃຈອັນເລິກເຊ່ິງໄວ້ໃຫ້ແກ່ຜູ່ຊົມທັງຫຼາຍ,ສ່ວນນາງໄຊມິງ ກໍ່ກາຍເປັນດາລາເດັກນ້ອຍທີ່ຮູ້ກັນຫມົດບ້ານຫມົດເມືອງຢູ່ຈີນ.
ເມື່ອເວົ້າເຖິງຄວາມຮູ້ສຶກຂອງຕົນທີ່ເປັນດາລາເດັກນ້ອຍ,ນາງໄຊມິງເວົ້າວ່າ,ໃນຄາວນັ້ນ,ໄດ້ຮັບຈົດຫມາຍທີ່ຝາກມາຈາກແຫ່ງຕ່າງໆທ່ົວປະເທດ,ຍັງໄດ້ຮັບປື້ມຈົດທີ່ງາມປານີດຢ່າງຫຼວງຫຼາຍ,ຂ້າພະເຈົ້າໄດ້ກາຍເປັນຜູ່ໃຫຍ່ທີ່ອາຍຸນ້ອຍ,ກັບຄືນສູ່ຫມູ່ເດັກນ້ອຍບໍ່ໄດ້ອີກແລ້ວ.
ຕັ້ງແຕ່ໄດ້ສະແດງເປັນນາງໄຮເຊຍ ເປັນຕົ້ນມາ,ນາງໄຊມິງ ກໍ່ກາຍເປັນນັກສະແດງຂອງໂຮງຖ່າຍຮູບເງົາປັກກ່ິງ,ຕໍ່ມາ,ນາງໄດ້ໄປຮຽນຄວາມຮູ້ວິຊາການສະແດງຢ່າງເປັນລະບົບເປັນເວລາສອງປີຢູ່ວິທະຍາຄານຮູບເງົາປັກກ່ິງ,ຈາກນັ້ນມາ,ນາງເລ່ີມສະແດງເປັນຕົວສະແດງຫຼາຍແນວຫຼາຍຢ່າງໃນຜົນງານຮູບເງົາແລະລະຄອນໂທລະພາບຈຳນວນຫນ່ຶງ,ໄດ້ສ້າງຮູບໂສມບຸກຄົນທີ່ມີຊີວິດຊີວາຢ່າງຫຼວງຫຼາຍ,ຍ້ອນນາງໄດ້ສະແດງເປັນຕົວສະແດງລະຄອນເສົ້າຢ່າງຫຼວງຫຼາຍຈ່ິງຖືກຖືເປັນນັກສະແດງລະຄອນເສົ້າທີ່ມີອະນາຄົດດີງາມທີ່ສຸດ,ບໍ່ມີໃຜຄິດວ່ານາງໄຊມິງ ຈະກາຍເປັນນັກສະແດງລະຄອນຕະຫຼົກຜູ່ຫນ່ຶງ.
ນາງໄຊມິງກາຍເປັນດາລາອີກເທື່ອຫນ່ຶງ,ແມ່ນຍ້ອນນາງໄດ້ສະແດງລະຄອນຕະຫຼົກໃນງານລາຕີບຸນກຸດຈີນປີ 1990 ,ນາງໄດ້ສະແດງລະຄອນກ້ອມຕະຫຼົກທີ່ຊື່ວ່າຜົມຍາວຂອງພູລານີທ໌ເປັນເທື່ອທຳອິດ,ບົດຄວາມໄດ້ສຽດສີດ້ວຍເຈດຕະນາດີຕໍ່ຜູ່ຍິງຫນຸ່ມຜູ່ຫນ່ຶງທີ່ສະຫມອງງ່າຍແລະມັກກຽດສັກສີແບບປອມແປງ,ກະລິຍາທ່າທາງທີ່ຕະຫຼົກແລະຫນ້າຫົວຂອງນາງເຮັດໃຫ້ຜູ່ຊົມຫົວສະອຶກສະອື້ນ.
ບຸນກຸດຈີນແມ່ນຍາມທີ່ຫມົດທ່ົວປະເທດຈີນສະເຫຼີມສະຫຼອງ,ລາຍການທີ່ສະແດງໃນງານລາຕີບຸນກຸດຈີນສ່ວນຫຼາຍແມ່ນລາຍການຕະຫຼົກ,ສ່ວນລະຄອນກ້ອມຕະຫຼົກແມ່ນຂາດບໍ່ໄດ້,ໃນງານລາຕີຂອງທຸກໆປີ,ແລະກໍ່ແມ່ນລາຍການທີ່ໄດ້ຮັບຄວາມນິຍົມຊົມຊອບກວ່າຫມູ່,ນາງໄຊມິງໄດ້ສະແດງລະຄອນກ້ອມຕະຫຼົກໃນງານລາຕີບຸນກຸດຈີນຫຼາຍກວ່າຫມູ່,ນັບມາຮອດປະຈຸບັນ,ນາງໄຊມິງໄດ້ສະແດງລະຄອນກ້ອມຕະຫຼົກລວມຫ້າສິບເລື່ອງແລ້ວ.
ນາງໄຊມິງມີພອນສະຫວັນທີ່ສຸດໃນດ້ານພາສາ,ຄວາມສາມາດໃນການຮຽນແບບແລະການສະແດງແມ່ນເກ່ັງທີ່ສຸດ.ນາງໄດ້ສ້າງຮູບໂສມຂອງຜູ່ຍິງຫຼາຍຄົນທີ່ເຮັດໃຫ້ຜູ່ຊົມຮູ້ສຶກທັງຫນ້າຫົວທັງຫນ້າຮັກດ້ວຍພາສາຂອງທ້ອງຖ່ິນຕ່າງໆຂອງຈີນ,ໃນລະຄອນກ້ອມຊື່ວ່າພໍ່ນັ້ນ,ນາງໄດ້ສະແດງເປັນດາລາເພງທີ່ມີຊື່ມີສຽງຜູ່ຫນ່ຶງ,ພໍ່ຂອງນາງທີ່ຢູ່ຊົນນະບົດມາຢາມນາງ,ນາງພັດເຮັດຕາງຕິບໍ່ຮູ້ຈັກ,ແນວໃດກໍ່ບໍ່ຢາກຮັບຮູ້ພໍ່ມາແຕ່ຊົນນະບົດຜູ່ນີ້ແມ່ນພໍ່ຂອງຕົນ,ໃນລະຄອນກ້ອມອີກເລື່ອງຫນ່ຶງທີ່ຊື່ວ່າມະນຸດຈັກ,ນາງໄຊມິງສະແດງເປັນມະນຸດຈັກທີ່ຖືກຕິດຕັ້ງຜິດ,ຄວາມເຂົ້າໃຈຜິດຕ່າງໆທີ່ເກີດຂຶ້ນຍ້ອນເລື່ອງນີ້ໄດ້ເຮັດໃຫ້ຜູ່ຊົມຫົວຢູ່ບໍ່ເຊົາ.
ເມື່ອເວົ້າເຖິງການສະແດງລະຄອນຕະຫຼົກ,ນາງໄຊມິງເຫັນວ່າ,ໃນຫົວທີເຫັນວ່າເປັນເລື່ອງງ່າຍແຕ່ພາຍຫລັງມາພັດຮູ້ສຶກຍາກຫຼາຍ,ເພື່ອບໍ່ຊ້ຳຕົວສະແດງ,ເທື່ອໃດນາງໄຊມິງກໍ່ລ້ວນແຕ່ບີບສະຫມອງຄຶດ.ນອກຈາກການສະແດງແລ້ວ,ນາງຍັງເຂົ້າຮ່ວມການຄຶດແຕ່ງລະຄອນກ້ອມ,ອີງຕາມຈະລິຍະທຳດ່ັງເດີມຂອງຈີນ,ຜູ່ຍິງຄວນເປັນຄົນຈ່ົງຈ່ຽມ,ຄວນມີຄວາມສຸພາບຮຽບຮ້ອຍຂອງຜູ່ຍິງ,ສະນັ້ນ,ໃນການສະແດງ,ນາງໄຊມິງທັງຕ້ອງເຮັດໃຫ້ນິດໄສໃຈຄໍຂອງຕົວສະແດງບຸກຄົນພົ້ນເດ່ັນຂຶ້ນ,ທັງສົມເຫດສົມຜົນ,ໂຍກເກີນໄປບໍ່ໄດ້.
ໃນນັກສະແດງເພດຍິງ,ນາງໄຊມິງບໍ່ແມ່ນຜູ່ງາມ,ແຕ່ນາງມີເອກະລັກພິເສດຂອງຕົນໃນການສະແດງ.ການສະແດງຂອງນາງບໍ່ເອ້ອວດ,ບຸກຄົນຈຳນວນຫຼວງຫຼາຍທີ່ນາງສະແດງນັ້ນໄດ້ສ້າງຄວາມປະທັບໃຈທີ່ລືມຍາກໄວ້ໃຫ້ແກ່ຜູ່ຊົມທັງຫຼາຍ,ນາງໄຊມິງເວົ້າວ່າ,ແຕ່ໃດມາ,ຂ້າພະເຈົ້າບໍ່ແມ່ນດາລາໃນຝັນ,ຈ່ັງໃດຂ້າພະເຈົ້າກໍ່ບໍ່ແມ່ນນາງງາມຜູ່ນ່ຶງ,ຜູ່ຊົມມັກຂ້າພະເຈົ້າແມ່ນຍ້ອນມັກຕົວສະແດງທີ່ຂ້າພະເຈົ້າສະແດງ,ຫາກບໍ່ແມ່ນຍ້ອນຂ້າພະເຈົ້າເປັນຄົນງາມ.
ນາງໄຊມິງໄດ້ສະແດງລະຄອນຫຼາຍປະເພດ,ນອກຈາກສະແດງລະຄອນກ້ອມແລ້ວ,ນາງຍັງໄດ້ເຂົ້າຮ່ວມການຖ່າຍຮູບເງົາແລະລະຄອນໂທລະພາບຫຼາຍເລື່ອງ,ແລະພາກເລື່ອງກາຕູນຈຳນວນຫນ່ຶງ,ສ່ິງທີ່ສຳເລັດຜົນກວ່າຫມູ່ນັ້ນແມ່ນເປັນຕົວສະແດງຕ່າງກັນໃນລະຄອນຕະຫຼົກລະບົບຫນ່ຶງ.
ລະຄອນຕະຫຼົກຊື່ວ່າເອື້ອຍມາທີ່ຢູ່ລ້າບໍ່ເປັນທີ່ມີ 280 ຕອນທີ່ໂທລະພາບທ້ອງຖ່ິນຕ່າງໆຂອງຈີນເຫ່ີກັນອອກອາກາດໃນປະຈຸບັນ,ໄດ້ອອກອາກາດເປັນເວລາ 4 ປີລຽນຕິດແລ້ວ,ແມ່ນລະຄອນໂທລະພາບທີ່ຍາວກວ່າຫມູ່ຂອງຈີນໃນປະຈຸບັນ,ໄດ້ສ້າງອັດຕາຊົມເບ່ິງສູງສົມຄວນ,ນາງໄຊມິງກໍແມ່ນນາງເອກໃນລະຄອນຕະຫຼົກດ່ັງກ່າວ.
ເອື້ອຍມາທີ່ຢູ່ລ້າບໍ່ເປັນແມ່ນລະຄອນໂທລະພາບທີ່ພັນລະນາຊີວິດການເປັນຢູ່ຂອງສາມັນຊົນ, ເອື້ອຍມາແມ່ນຜູ່ຍິງໄວກາງຄົນຜູ່ຫນ່ຶງ,ບໍ່ຮູ້ເຕັກນິກ,ບໍ່ມີໃບປະກາດສະນີຍະບັດ,ພາຍຫລັງອອກກິນເບ້ຍບຳນານກ່ອນເວລາກຳນົດແລ້ວ,ນາງໄປຮັບສະຫມັກ,ເທື່ອໃດກໍ່ຈົບລົງດ້ວຍຄວາມປະລາໄຊ,ນາງມີລູກ,ແຕ່ບໍ່ແມ່ນລູກຄີງຂອງນາງ,ນາງມີຜົວ,ແຕ່ບໍ່ສາມາດລ້ຽງຄອບຄົວໄດ້,ເຖິງວ່າໃນຊີວິດມີເລື່ອງບໍ່ສົມຫວັງຕ່າງໆນານາກໍ່ຕາມ,ແຕ່ເອື້ອຍມາກໍ່ບໍ່ທໍ້ຖອຍໃຈ,ແຕ່ລະມື້ຍັງຊື່ນອົກຊື່ນໃຈ,ຂະຫຍັນຂັນແຂງ,ແລະເປັນແມ່ສື່ໃຫ້ແກ່ຍິງຊາຍຊາວຫນຸ່ມດ້ວຍຄວາມດູດດື່ມ.
ເອື້ອຍມາທີ່ນາງໄຊມິງສະແດງນັ້ນຕິດແທດກັບຊີວິດປະຈຳວັນ,ທຳມະຊາດແລະສະຫນິດສະຫນົມທີ່ສຸດ,ນາງໄດ້ສະແດງຄວາມທຸກສຸກຂອງສາມັນຊົນໃນຊີວິດປະຈຳວັນຢ່າງແນບນຽນ,ໄດ້ຮັບຄວາມຊົມຊອບຈາກຜູ່ຊົມທັງຫຼາຍ,ຈົນກະທັ້ງໃນຫນ່ຶງຫາສອງປີມານີ້,ໃນເວລານາງໄຊມິງປະກົດຕົວຢູ່ສະຖານທີ່ສາທາລະນະ,ກໍມີຄົນມັກເອີ້ນນາງເປັນເອື້ອຍມາ.
ນາງໄຊມິງເປັນຄົນຜູ່ຫນ່ຶງທີ່ມັກເຂົ້າຮ່ວມພາລະກິດສາທາລະນະປະໂຫຍດ,ເຖິງວ່າລະຄອນຕະຫຼົກທີ່ນາງສະແດງນັ້ນໄດ້ນຳເອົາສຽງຫົວມາໃຫ້ຄົນທັງຫຼາຍເລື້ອຍໆກໍ່ຕາມ,ແຕ່ໃນຊີວິດປະຈຳວັນ,ນາງແມ່ນຄົນຜູ່ຫນ່ຶງທີ່ມັກຕື້ນຕັນໃຈ,ເມື່ອເຫັນຜູ່ອື່ນບໍ່ເປັນຈ່ັງບຸນກໍ່ມັກນ້ຳຕາຕົກ,ເລື່ອງທີ່ນາງມີຄວາມຮູ້ສຶກເລິກເຊ່ິງທີ່ສຸດນັ້ນແມ່ນວັນໂລກເອດສາກົນວັນທີ 1 ທັນວາ ປີກາຍນີ້,ນາງໄປເຂົ້າຮ່ວມການເຄື່ອນໄຫວສາທາລະນະປະໂຫຍດຜ້າໄຫມແດງຢູ່ໂຮງຫມໍຕີ້ຖານ,ໃນຄາວນັ້ນ,ມີອ້າຍບ່າວຜູ່ຫນ່ຶງທີ່ເປັນໂລກເອດຍ່າງເຂົ້າມາ,ເຂົາຍິ້ມໃສ່ນາງໄຊມິງ ແລະເອີ້ນນາງວ່າເອື້ອຍມາ,ນາງໄຊມິງຮູ້ສຶກຕື້ນຕັນໃຈທີ່ສຸດ.ນາງເວົ້າວ່າ,ຄົນຜູ່ຫນ່ຶງດຳລົງຊີວິດຢູ່ໃນໂລກ,ສ່ິງທີ່ມີຄວາມສຸກກວ່າຫມູ່ນັ້ນກໍ່ແມ່ນຮູ້ສຶກວ່າຜູ່ອື່ນຕ້ອງການເຂົາ,ຄອບຄົວຕ້ອງການເຂົາ,ວຽກງານຕ້ອງການເຂົາ,ສ່ວນພວກຂ້າພະເຈົ້າໃນຖານເປັນນັກສະແດງ.ກໍແມ່ນຜູ້ຊົມຕ້ອງການພວກຂ້າພະເຈົ້າ.
|
