|
ສິ່ງຄວາມຮູ້ທາງດ້ານຮັກສາສຸກຂະພາບຂອງຜູ່ເຖົ້າຜູ່ແກ່(ພາກທີຫນຶ່ງ)
cri
Author: sayvanny
ພວກເຮົາໄດ້ເຊີນທ່ານສາດສະດາຈານຮົງຊ້າວກວງ ຜູ່ຊ່ຽວຊານດ້ານໂລກເລືອດດັນສູງ,ສາຍເລືອດຫົວໃຈແລະພະຍາດຜູ່ເຖົ້າທີ່ມີຊື່ສຽງຂອງຈີນມາແນະນຳຄວາມຮູ້ກ່ຽວກັບການຮັກສາສຸກຂະພາບສຳລັບຜູ້ເຖົ້າ.
ນັກແພດສາດມັກເວົ້າເລື້ອຍໆວ່າ,ຜູ້ເຖົ້າຕ້ອງລະວັງ 3 ເຄ່ິງນາທີແລະເອົາໃຈໃສ່ນຳ 3 ເຄ່ິງຊົ່ວໂມງ,ຢ່າປະຫມາດຄວາມເວົ້າທີ່ວ່າ 3 ເຄ່ິງນາທີແລະ 3 ເຄ່ິງຊ່ົວໂມງ,ມັນມີຜົນສະທ້ອນສຳຄັນຫຼາຍຕໍ່ສຸກຂະພາບແລະຕໍ່ຊີວິດຂອງຜູ້ເຖົ້າຜູ່ແກ່,ທ່ານສາດສະດາຈານຮົງເວົ້າວ່ານັກວິທະຍາສາດອາເມລິກາໄດ້ປະກົດເຫັນວ່າ,ມີຄັນເຈັບຫຼາຍຄົນ,ກາງເວັນອາການປ່ວຍຍັງເປັນປົກກະຕິຢູ່,ແຕ່ຮອດກາງຄືນ,ພັດເສຍຊີວິດຢ່າງກະທັນຫັນ,ເປັນຫຍັງຈ່ຶງເສຍຊີວິດປຶບປັບແບບນັ້ນ,ເມື່ອໄດ້ກວດເບ່ິງແລ້ວຈ່ຶງຮູ້ວ່າ,ເວລາລຸກກາງຄືນ,ລຸກໄວໂພດ,ທ່າຮ່າງກາຍປ່ຽນແປງກະທັນຫັນ,ພາໃຫ້ເລືອດດັນຕ່ຳລົງ,ສະຫມອງຂາດເລືອດຈ່ຶງວິນຫົວແລ້ວລົ້ມ,ພາໃຫ້ບາງຄົນຫົວແຕກ,ບາງຄົນຫົວໃຈຢຸດເຕັ້ນ,ບາງຄົນສາຍເລືອດສະຫມອງຕັນພາຍຫລັງທີ່ສະຫມອງຂາດເລືອດ,ບາງຄົນຫົວໃຈຂາດເລືອດກະທັນຫັນ,ແລ້ວພາໃຫ້ຫົວໃຈເຈັບປັ້ນ,ຫຟົວໃຈວາຍ,ບາງຄົນລຸກຖ່າຍກາງຄືນ,ຍ້ອນຕ່ອມຫມາກັນຖະໃຫຍ່ບວມ,ເປ່ັງແຮງເກີນໄປ,ພາໃຫ້ໃຈເຕັ້ນຊ້າລົງ,ຫຼືຢຸດເຕັ້ນກະທັນຫັນ,ມັກພາໃຫ້ວິນແລ້ວລົ້ມ,ຈາກນີ້,ກໍເຫັນໄດ້ວ່າ,ການລຸກກາງຄືນຍ້ອນທ່າຮ່າງກາຍປ່ຽນແປງກະທັນຫັນ,ມັກພາໃຫ້ເກີດອຸບັດຕິເຫດຈ່ຶງຄວນລະວັງທີ່ສຸດ.
ທີ່ຈິງແລ້ວ,ສະພາບແນວນີ້ແມ່ນຫຼີກເວັ້ນໄດ້, 3 ເຄ່ິງນາທີທີ່ກ່າວມານັ້ນກໍແມ່ນວິທີປ້ອງກັນ.3 ເຄ່ິງນາທີແມ່ນຫມາຍເຖິງ ໃນເວລາຈະລຸກກາງຄືນຢ່າສູ່ລຸກພວດພາດບາດດຽວໂລດ,ເມື່ອຮູ້ເມື່ອແລ້ວ,ໃຫ້ນອນຢູ່ບ່ອນເກ່ົາເຄ່ິງນາທີກ່ອນ,ແລ້ວຄ່ອຍໆລຸກນ່ັງຢູ່ເທິງຕຽງອີກເຄ່ິງນາທີ,ສຸດທ້າຍວາງຂາລົງຕຽງນ່ັງຢູ່ແຄມຕຽງອີກເຄ່ິງນາທີ,ເມື່ອຜ່ານ 3 ເຄ່ິງນາທີນີ້ແລ້ວ,ຈ່ຶງຄ່ອຍໆລຸກໄປຫ້ອງນ້ຳ,ກໍຈະບໍ່ເປັນຫຍັງ,ພຽງແຕ່ລະວັງເລັກນ້ອຍສ່ຳນີ້,ສະຫມອງກໍຈະບໍ່ຂາດເລືອດ,ຫົວໃຈກໍປອດໄພ,ພ້ອມທັງຫຼົບຫຼີກການເກີດອຸບັດຕິເຫດຕ່າງໆ,ເຊ່ັນ:ຕາຍກະທັນຫັນ,ຫົວໃຈວາຍ ສາຍເລືອດສະຫມອງແຕກເປັນຕົ້ນ.
ຕໍ່ໄປ,ຂໍອະທິບາຍ 3 ເຄ່ິງຊົ່ວໂມງ, 3 ເຄ່ິງຊ່ົວໂມງຫມາຍເຖິງຕື່ນເຊົ້າມາອອກກຳລັງກາຍເຄ່ິງຊ່ົວໂມງ,ຕອນທ່ຽງນອນພັກຜ່ອນເຄ່ິງຊົ່ວໂມງ,ຫົວຄ່ຳຍ່າງຫຼິ້ນເຄ່ິງຊ່ົວໂມງ,ທ່ານສາດສະດາຈານຮົງເວົ້າວ່າການອອກກຳລັງກາຍຕອນເຊົ້າ,ເຮັດແນວໃດກໍໄດ້,ແລ່ນ ເຕັ້ນ ອາໂລບິກຫຼືອື່ນໆ,ສຸດແລ້ວແຕ່ລະຄົນ,ຫັດກາຍພໍດ້າມພໍດີ,ປະມານເຄ່ິງຊົ່ວໂມງ,ການພັກຜ່ອນໃນຕອນທ່ຽງ,ແມ່ນຄວາມຕ້ອງການຂອງໂມງຊີວະຊາດ,ເປັນການຕາບຈູນກຳລັງວັງຊາເພື່ອການເຮັດວຽກຫຼືຮ່ຳຮຽນໃນຕອນບ່າຍ.ການຄົ້ນຄວ້າໄດ້ພິສູດວ່າ,ນອນທ່ຽງເຄ່ິງຊ່ົວໂມງ,ຄວາມດັນຂອງເລືອດຈະຢູ່ໃນສະພາບສະຫມຳ່ສະເຫມີ,ເຮັດໃຫ້ອັດຕາຕາຍຍ້ອນໂລກຫົວໃຈ ຫຼຸດລົງ 30% ສະເພາະຢ່າງຍ່ິງແມ່ນຜູ່ເຖົ້າຍ່ິງຕ້ອງນອນເວັນ,ເພາະວ່າ,ຜູ້ເຖົ້າມັກນອນໄວລຸກເດິກ,ຕອນທ່ຽງຈ່ຶງຍ່ິງຕ້ອງການພັກຜ່ອນ,ສາມແມ່ນຕອນຄ່ຳຕ້ອງຍ່າງເຄ່ິງ ຊ່ົວໂມງ ຜູ່ເຖົ້າຈ່ຶງຈະນອນຫລັບດີກວ່າເກ່ົາແລະບໍ່ມັກເຈັບໄຂ້.
ກ່ຽວກັບຊີວິດຂອງຄົນ,ທ່ານສາດສະດາຈານຮົງເຫັນວ່າ,ຊີວິດຂອງຄົນແບ່ງອອກເປັນໄລຍະ,ກ່ອນ 60 ປີແມ່ນໄລຍະລະດູບານຄັ້ງແລກ,ຫລັງ 60 ປີ ແມ່ນໄລຍະລະດູບານຄັ້ງທີ 2 ຂອງຊີວິດ,ຄວນສະຫງ່າລາສີ ສົມບູນພູນສຸກຍ່ິງກວ່າຄັ້ງທີ 1 ເພາະວ່າ,ຫລັງ 60 ປີ,ຜູ້ເຖົ້າມີບົດຮຽນຍ່ິງອຸດົມສົມບູນ,ມີຄວາມຮູ້ຍ່ິງຫຼາຍ,ບໍ່ຕ້ອງດີ້ນຮົນເພື່ອການກິນການຢູ່,ເພ່ືມລູກເຕົ້າ,ເພື່ອຊື່ສຽງຮຽງນາມ,ຖ້າຢາກໃຫ້ລະດູບານຄັ້ງທີ 2 ຍ່ິງດີງາມ,ການມີຮ່າງກາຍແຂງແຮງແມ່ນເງື່ອນໄຂກົກຮາກ,ຖ້າບໍ່ມີສຸກຂະພາບ,ກໍຈະບໍ່ມີຄວາມສຸກຫຍັງອີກ,ເມື່ອຄົ້ນຄວ້າເບ່ິງນັກວິທະຍາສາດ,ນັກສິນລະປິນ ນັກປັດຊະຍາແລະບຸກຄົນຜູ້ມີຊື່ສຽງຂອງແຫ່ງຕ່າງໆໃນທ່ົວໂລກແລ້ວ,ພວກເຮົາໄດ້ປະກົດເຫັນວ່າ,ໃນໄວລະດູບານຄັ້ງທີ 2 ພວກເພ່ິນໄດ້ຮັບຜົນສຳເລັດຍ່ິງຫຼາຍກວ່າຄັ້ງທີຫນ່ຶງ,ຕົວຢ່າງຄື:ທ່ານປີກາໂຊນັກແຕ້ມແອັສປາຍ ໃນເວລາເພ່ິນອາຍຸ 85 ປີ,ປີນ່ຶງເພ່ິນແຕ້ມຮູບໄດ້ຮອດ 165 ແຜ່ນ,ທ່ານປັຟລົບນັກວິທະຍາສາດອະດີດສະຫະພາບໂຊວຽດ,ໃນເວລາເພ່ິນອາຍຸ 80 ປີ,ເພ່ິນໄດ້ສະເຫນີຫລັກສູດການສະທ້ອນມີເງື່ອນໄຂຂອງເປືອກອອກປອງ,ສະຫາຍເຕິ້ງສຽວຜິງທີ່ໂຄລົບນັບຖື ນັກການເມືອງຂອງຈີນ,ກໍໄດ້ສະເຫນີທິດສະດີອັນຍ່ິງໃຫຍ່ແຫ່ງການປະຕິຮູບແລະໄຂປະຕູສູ່ພາຍນອກ,ທີ່ເຮັດໃຫ້ຈີນຈະເລີນຮຸ້ງເຮືອງໃນໄວລະດູບານຄັ້ງທີ 2 ຂອງເພ່ິນ,ເວົ້າລວມແລ້ວ,ການປະກອບສ່ວນເຫຼ່ົານີ້ລ້ວນແຕ່ແມ່ນເອົາສຸກຂະພາບຮ່າງກາຍເປັນພື້ນຖານ,ຄັນຮ່າງກາຍບໍ່ແຂງແຮງ ບໍ່ພຽງແຕ່ຊີວິດບໍ່ມີຄວາມສຸກຍັງສິ້ນເປືອງທາງດ້ານເງິນຄຳອີກຢ່າງຫຼວງຫຼາຍ.
ສະນັ້ນ,ບໍ່ວ່າປະເທດໃດ,ຜູ້ເຖົ້າເມື່ອຮ່າງກາຍແຂງແຮງແລ້ວ,ຈ່ຶງຈະໄດ້ຮັບຜົນສຳເລັດຫຼາຍກວ່າເກ່ົາ.ຊີວິດກໍມີຄວາມສຸກ,ຖ້າບໍ່ແຂງແຮງນຳເອົາຄວາມທຸກທໍລະມານມາໃຫ້ຕົນເອງ.ດ້ວຍເຫດນີ້,ຜູ້ເຖົ້າບໍ່ພຽງຕ້ອງຍຶດຫມັ້ນ 3 ເຄ່ິງນາທີແລະ 3 ເຄ່ິງຊ່ົວໂມງທໍ່ນັ້ນ,ຍັງຕ້ອງລະວັງສອງເວລາພິເສດ.
ອັນທີວ່າ 2 ເວລາພິເສດ,ຫນ່ຶງກໍແມ່ນຕອນເຊົ້າມື້ຖ້ວນສອງຫລັງຈາກຫິມະຕົກ,ພາຍຫລັງມີກະແສຫນາວພັດມາ,ຄວາມຫນາວ,ຄວາມອິດເມື່ອຍແລະຍາມຮຸ່ງເຊົ້າ,3 ປັດໄຈນີ້,ມັກພາໃຫ້ຜູ້ເປັນໂລກຫົວໃຈໂຄໂລນາເສຍຊີວິດຢ່າງກະທັນຫັນໃນອັດຕາສູງຫຼາຍ,ລະຫວ່າງແຕ່ 6 ໂມງ ຮອດ 11 ໂມງເຊົ້າ,ການຫາບແບກຂອງສາຍເລືອດຫົວໃຈແມ່ນຫນັກກວ່າຫມູ່,ນອກນີ້,ໃນຍາມເຊົ້າ,ເມື່ອພັກຜ່ອນ,ປ່ຽນຖ່າຍມາຫມົດຄືນ,ການຖ່າຍເບົາ ແລະນ້ຳໃນຮ່າງກາຍຂຸ້ນເຂົ້າ,ເຮັດໃຫ້ເລືອດຫນຽວທີ່ສຸດ,ແລະໃນຂະນະນີ້ກໍເຄ່ັງຮ້ອນທີ່ສຸດຄື:ຕື່ນເຊົ້າມາ,ຕ້ອງລ້າງສວ່າຍ ໄປການ, ເສັ້ນປະສາດຕື່ນເຕັ້ນທີ່ສຸດ,ວັດຖຸທີ່ພາໃຫ້ຫົດຫູ່ໃນສາຍເລືອດເພ່ີມຂຶ້ນ,ອາກາດຫນາວຍ່ິງເຮັດໃຫ້ອາການນີ້ຫນັກເຂົ້າ,ໃນຂະນະນີ້,ຫົວໃຈສິ້ນເປືອງອອກຊີຫຼາຍທີ່ສຸດ,ໃນສາຍເລືອດກໍມີແຮງຕ້ານເພ່ີມຂຶ້ນ,ຜູ້ເປັນໂລກເລືອດດັນສູງ,ແລະພະຍາດສາຍເລືອດຫົວໃຈແມ່ນອັນຕະລາຍຫຼາຍທີ່ຈະພາໃຫ້ຕາຍກະທັນຫັນ.
ສະນັ້ນ,ໃນຍາມຫນາວ,ຖ້າມີກະແສລົມຫນາວພັດມາ,ຕອນເຊົ້າມື້ລຸນຈ່ຶງຕ້ອງລະວັງທີ່ສຸດ.
ເວລາພິເສດອີກເວລາຫນ່ຶງ,ກໍແມ່ນໃນເວລາກ່ິມອ່ິມໂພດ,ກິນເຫຼົ້າແລະຕື່ນເຕັ້ນຫຼາຍກໍຕ້ອງລະວັງ,ເພາະມັກພາໃຫ້ຫົວໃຈວາຍ,ແລະໃຈເຕັ້ນຜິດປົກກະຕິ.
ຖ້າເຮັດໄດ້ຕາມທີ່ກ່າວມາເທິງນີ້,ກໍອາດເວົ້າໄດ້ວ່າທ່ານມີສຸກຂະພາບໃນໄວຊະລາແຂງແຮງໃນຂັ້ນພື້ນຖານ.
|
|
