|
ໃນລາຍການຊີວິດປະຈຳວັນຂອງພວກເຮົາ,ມີຫລາຍໆຄົນມັກກິນນ້ຳຊາ.ສະນັ້ນ, ຄົນທັງຫລາຍເຂົ້າໃຈແລ້ວບໍ່ວ່າ ດ່ືມນຳ້ຊາໃນຍາມໃດມີຜົນຮ້າຍຕໍ່ສຸຂະພາບ?
ບໍ່ຄວນດ່ືມນ້ຳຊາໃນຍາມທ້ອງຜູກ:ຍ້ອນວ່າວັດຖຸຊະນິດໜ່ຶງໃນໃບຊາມີບົດບາດກະທົບອັນແນ່ນອນຕໍ່ເນື້ອເຍ່ືອລຳໄສ້ແລະກະເພາະອາຫານ,ສະນັ້ນຈ່ິງກະທົບກະເທືອນເຖິງສັບພະຄຸນຍ່ອຍແລະດູດຮັບອາຫານ,ເຮັດໃຫ້ອາຈົມແຫ້ງ,ພາໃຫ້ເປັນທ້ອງຜູກຫລືຮ້າຍແຮງເຂົ້າ.
ບໍ່ຄວນດ່ືມນຳ້ຊາໃນຍາມເສັ້ນປະສາດອ່ອນເພຍຫລືນອນບໍ່ຫລັບ:ຍ້ອນດ່າງກາເຟໃນໃບຊາມີບົດບາດກະຕກຸເສັ້ນປະສາດກາງຂອງຮ່າງກາຍຄົນຢ່າງເດ່ັນຊັດ,ການດ່ືມນ້ຳຊາໂດຍສະເພາະແມ່ນດ່ືມນຳ້ຊາປຸກ,ຈະເຮັດໃຫ້ສະຫມອງຄົນຢູ່ໃນສະພາບຕື່ນເຕັ້ນເກີນຄວນແລ້ວບໍ່ໄດ້ພັກຜ່ອນ.
ບໍ່ຄວນດ່ືມນຳ້ຊາໃນຍາມກະເພາະອາຫານເປັນແຜ:ກ່ອນຫລືຫລັງອາຫານດ່ືມນ້ຳຊາຢ່າງຫລວງຫລາຍຈະເຮັດໃຫ້ນ້ຳເມືອກໃນກະເພາະອາຫານຈາງລົງເຊ່ິງຈະກະທົບກະເທືອນເຖິງການຍ່ອຍອາຫານ.ຖ້າກດ່ືມນ້ຳຊາຢ່າງຫລວງ ຫລາຍ,ການລະບາຍນ້ຳກົດໃນກະເພາະອາຫານຈະເພ່ີມຫລາຍຂຶ້ນ,ກະທົບກະເທືອນເຖິງການດີຄືນຂອງແຜໃນກະເພາະອາຫານ,ພາໃຫ້ອາການໜັກເຂົ້າ.ຜູ້ເປັນພະຍາດກະເພາະອາຫານເປັນແຜຄວນດ່ືມນ້ຳຊາໃຫ້ໜ້ອຍ,ໂດຍສະເພາະແມ່ນບໍ່ຄວນດ່ືມນຳ້ຊາປຸກຫລາຍ.
ບໍ່ຄວນດ່ືມນ້ຳຊາໃນຍາມເປັນໂຣກຫົວໃຈຫລືເລືອດດັນສູງ:ດ່ືມນ້ຳຊາຫລາຍໂພດຈະພາໃຫ້ຫົວໃຈຫາບແບກພາລະຫລາຍຂຶ້ນ,ເຮັດໃຫ້ຫົວໃຈເຕັ້ນໄວ ເລຶອດດັນສູງ,ເຊ່ິງຈະບໍ່ມີຜົນດີຕໍ່ຜູ້ເປັນໂຣກຫົວໃຈຫລືເລືອດດັນສູງ.
ບໍ່ຄວນດ່ືມນ້ຳຊາໃນຍາມຜູ້ຍິງໃກ້ຈະອອກລູກ:ກ່ອນອອກລູກ ຖ້າດ່ືມນຳ້ຊາຫລາຍໂພດຈະພາໃຫ້ນອນບໍ່ຫລັບຍ້ອນກາເຟອິນ,ຖ້າກ່ອນອອກລູກນອນບໍ່ອິ່ມ,ມັກພາໃຫ້ອ່ອນເພຍໃນເວລາອອກລູກ,ພາໃຫ້ອອກລູກຍາກ.
ບໍ່ຄວນດ່ືມນ້ຳຊາໃນໄວມໍ່ຈະຫມົດປະຈຳເດືອນ,ມໍ່ຈະຫມົດປະຈຳເດືອນໃນຍາມເຂົ້າໄວ,ນອກຈາກວິນຫົວ ອ່ອນເພຍແລ້ວ,ລາງເທ່ືອຍັງຈະມີປະກົດການຫົວໃຈເຕັ້ນໄວໂພດ,ມັກໂມໂຫ,ນອນບໍ່ຫລັບ,ຜູ້ຍິງຍັງຈະພາໃຫ້ປະຈຳເດືອນຜິດປົກກະຕິເປັນຕົ້ນ,ຖ້າດ່ືມນ້ຳຊາຫລາຍໂພດຈະເຮັດໃຫ້ອາການເຫົ່ຼານີ້ຮ້າຍແຮງເຂົ້າ,ບໍ່ມີຜົນດີຕໍ່ການຜ່ານໄວນີ້ຢ່າງສະດວກ.
ບໍ່ຄວນດ່ືມນ້ຳຊາໃນຍາມເລືອດຈາງ:ວັດຖຸຊະນິດຫນ່ຶງໃນຊາສາມາດເຮັດໃຫ້ທາດເຫັຼກໃນອາຫານຕົກຕະກອນແລ້ວຈະດູດຮັບຍາກ.ທາດເຫັຼກແມ່ນວັດຖຸສຳຄັນແຫ່ງການສ້າງເມັດເລືອດແດງ,ຖ້າຂາດທາດເຫັຼກໃນຮ່າງກາຍຈະເຮັດໃຫ້ການເກີດເມັດເລືອດແດງຕິດຂັດ,ເກີດມີອາການເລືອດຈາງຍ້ອນຂາດທາດເຫັຼກ.ຖ້າດ່ືມຊາເປັນເວລາຍາວນານມັກຂາດທາດເຫັຼກໃນລະດັບຕ່າງກັນ,ສຳລັບຜູ້ທີ່ຮ່າງກາຍອ່ອນແອຂາດເລືອດຫລືເລືອດອອກຍ່ິງມີຜົນສະທ້ອນຫລາຍກວ່າໝູ່.
ບໍ່ຄວນດ່ືມນ້ຳຊາໃນຍາມເປັນໄຂ້ຮ້ອນສູງ:ຄວນໃຫ້ຜູ້ເປັນໄຂ້ຮ້ອນສູງດ່ືມນຳ້ຮ້ອນນ້ຳແຮ່ຫລືນຳ້ຊາຈາງ,ແຕ່ບໍ່ຄວນດ່ຶມນ້ຳຊາປຸກ,ດ່າງຊາມີບົດບາດເຮັດໃຫ້ອຸນຫະພູມຮ່າງກາຍສູງຂຶ້ນ,ເຮັດໃຫ້ອາການໄຂ້ຮ້ອນໜັກເຂົ້າ,ບົດບາດຊຸກຍູ້ ການຖ່າຍເບົາຂອງດ່າງຊາຍັງຈະເຮັດໃຫ້ລິດຢາແກ້ຮ້ອນອ່ອນລົງ.
ບໍ່ຄວນດ່ືມນຊາໃນເວລາກິນຢາບາງຢ່າງ:ວັດຖຸຊະນິດຫນ່ຶງໃນຊາມັກພາໃຫ້ອົງປະກອບຂອງຢາພື້ນເມືອງຈີນບາງຂະນິດຕົກຕະກອນ,ແລ້ວຮັບເອົາຍາກ;ຖ້າດ່ືມຊາໃນເວລາກິນຢາບາງຢ່າງຈະພາໃຫ້ທາດໂປຼຕິນໃນຢາແຂ້ນເຂົ້າ,ຢາຈ່ຶງອອກລິດຍາກ.
ບໍ່ຄວນດ່ືມນ້ຳຊາໃນຍາມຖືພາ:ໃນຊາປຸກມີກາເຟອິນສູງ 10%,ຈະພາໃຫ້ແມ່ຍິງຜູ່ຖືພາມີປັດສາວະຫລາຍຂຶ້ນແລະຫົວໃຈເຕັ້ນໄວ,ເຊິ່ງຈະເພ່ີມພາລະໃຫ້ແກ່ຫົວໃຈແລະຫມາກໄຂ່ຫລັງ,ພາໃຫ້ມີອາການເບື່ອໃນຍາມຖືພາເປັນຕົ້ນ,ບໍ່ມີຜົນດີຕໍ່ແມ່ແລະລູກໃນທ້ອງ.
ບໍ່ຄວນດ່ືມນ້ຳຊາໃນຍາມຄຸກຄານົມ:ໃນໄລຍະນີ້ ຖ້າດ່ືມນ້ຳຊາຫລາຍ,ວັດຖຸຊະນິດຫນ່ຶງໃນຊາຈະຖືກດູດເຂົ້າໃນການໝູນວຽນຂອງເລືອດ,ເຊິ່ງຈະເກີດມີບົດ ບາດສະກັດກັ້ນການຂັບຖ່າຍຂອງຕ່ອມນົມ,ພາໃຫ້ນ້ຳນົມບໍ່ພໍ.ດ້ານໜ່ຶງອີກ,ກາເຟອິນໃນນ້ຳຊາຍັງຈະຜ່ານຈາກນ້ຳນົມເຂົ້າໄປໃນຮ່າງກາຍຂອງເດັກ,ກະທົບກະເທືອນເຖິງສຸຂະພາບຂອງເດັກ.
|
