|
ລັດຖະມົນຕີກະຊວງປ້ອງກັນປະເທດອາເມລິກາກ່າວວ່າ, ການຍຶດເອົາເມືອງຟາລູຈາຍັງຕ້ອງການເວລາ
cri
Author: MO
ຕາມຂ່າວສານຊີນຮວາ: ວັນທີ 8 ພະຈິກ, ທ່ານລາມສ໌ຟິວ ລັດຖະມົນຕີກະຊວງປ້ອງກັນປະເທດອາເມລິກາກ່າວວ່າ, ການສູ້ລົບຍຶດເອົາເມືອງຟາລູຈາຂອງທະຫານອາເມລິກາປະຈຳອີຣັກຍັງພວມດຳເນີນຕໍ່ມາ, ການສູ້ລົບທັງໝົດຕ້ອງການເວລາອັນແນ່ນອນ.
ວັນທີ 8 ພະຈິກ, ທ່ານລີຊາດ ມາຍເອີສ໌ ປະທານກອງປະຊຸມກອງເສນາທິການປະສົມອາເມລິກາກໍໄດ້ກ່າວໃນງານຖະແຫລງຂ່າວວ່າ, ເພື່ອດັບສູນກຳລັງເສດເຫຼືອຂອງອະດິດອຳນາດການປົກຄອງອີຣັກແລະພວກປະກອບອາວຸດຂອງຕ່າງປະເທດ, ຟາລູຈາບໍ່ແມ່ນສະຖານທີ່ສຸດທ້າຍທີ່ທະຫານອາເມລິກາໃຊ້ກຳລັງອາວຸດຢູ່ອີຣັກ. ທ່ານຍັງກ່າວເນັ້ນວ່າ, ທະຫານອາເມລິກາບຸກໂຈມຕີເມືອງຟາລູຈາແມ່ນມີຄວາມໝາຍສຳຄັນ.
ວັນທີ 8 ພະຈິກ, ທ່ານອາລາວີ ນາຍົກລັດຖະມົນຕີຊ່ົວຄາວອີຣັກປະກາດມອບສິດໃຫ້ກອງທະຫານນານາຊາດເຊິ່ງແມ່ນອາເມລິກາເປັນຫົວໜ້າແລະກອງທະຫານອີຣັກໄປບຸກໂຈມຕີເມືອງຟາລູຈາ, ເພື່ອດັບສູນກຳລັງຕ້ານອາເມລິກາໃນແຫ່ງນັ້ນ.
|
|
