|
ຫລັງຈາກລາຊະວົງຊິນຖືກໂຄ່ນລົ້ມແລ້ວ,ເມືອງສູແລະເມືອງຮ້ານໄດ້ເຂົ້າສູ່ໄລຍະຕໍ່ສູ້ກັນ.ການລົບເລວກັນລະຫວ່າງລິວປາງກັບຊຽງອີໄດ້ປ່ຽນແປງເລື້ອຍໆບໍ່ເປັນປົກກະຕິ.ສອງຝ່າຍຕ່າງມີເສຍມີຊະນະຫຼາຍຫຼົບຫຼາຍຕ່າວ,ໃນໄລຍະຕົ້ນ,ຊຽງອີມີກຳລັງແຂງແຮງກວ່າຈ່ິງໄດ້ຮັບໄຊຊະນະຕໍ່ເນື່ອງກັນ,ລີວປາງຈ່ິງຖືກບຽດໄປປະຈຳຢູ່ເມືອງປາຊູ (ກໍແມ່ນແຂວງເສຊວນໃນປະຈຸບັນ )
ແຕ່ຕໍ່ມາບໍ່ດົນ,ລີວປາງໃຊ້ເລ່ຫຼ່ຽມ,ເດີນທັບຜ່ານເມືອງເຊີນຊາງຢ່າງລັບໆ,ບຸກໂຈມຕີກັບຄືນໄປຫາເມືອງຊຽນຢາງ,ແລະຍຶດຄອງກວນຈຸງ.ຫລັງຈາກນີ້ແລ້ວ,ລີວປາງໄດ້ຮັບໄຊຊະນະຫຼາຍເທື່ອອີກ,ຈົນເຖິງຂັ້ນຍຶດຄອງເມືອງເຜີງເຊ່ິງເປັນເມືອງສຳຄັນຢູ່ພາກໃຕ້,ສະນັ້ນ,ຈ່ິງຮູ້ສຶກທະນົງໃຈ,ແຕ່ບໍ່ນຶກບໍ່ຝັນເລີຍວ່າຊຽງອີບາກບ່ັນສູ້ຊົນບຸກໂຈມຕີທະຫານລິວປາງຈົນເສຍໄຊຢ່າງອັບອາຍຂາຍຫນ້າ.
ຈາງລຽງແມ່ນເສນາທິການສຳຄັນຂອງລີວປາງ,ລາວໄດ້ສະເຫນີຂ້ໍສະເຫນີອັນລ້ຳຄ່າຫຼວງຫຼາຍ,ພາຍຫລັງລີວປາງຍຶດຄອງກວນຈຸງແລ້ວ,ແຕ່ງຕັ້ງຈາງລຽງເປັນຫົວຫນ້າກົກເຫຼ່ົາ,ຖືເປັນຄົນໄວ້ເນື້ອເຊື່ອໃຈໄດ້,ມີມື້ຫນ່ຶງ,ທະຫານແຕກຫນີໄປເມືອງເຊຍອີ (ພາຍໃນແຂວງອານອຸຍໃນປະຈຸບັນ ),ຍ້ອນໄດເສຍໄຊ,ລີວປາງຈ່ິງອຸກໃຈທີ່ສຸດ,ບວກກັບພົນທະຫານກໍເສຍກຳລັງໃຈ, ນ້ຳໃຈຂອງເພ່ິນຈ່ິງຫຍໍ້ທໍ້,ເວລາລົງມ້າພັກຜ່ອນ,ເພ່ິນເວົ້ານຳຈາງລຽງວ່າ,ຂ້າພະເຈົ້າທົນບໍ່ໄດ້,ຖ້າໃຜສາມາດແທນຂ້າພະເຈົ້າໂຈມຕີຊຽງອີໃຫ້ປະລະໄຊໄປ,ເຮັດໃຫ້ລາວເສຍກຳລັງໃຈ,ຂ້າພະເຈົ້າ ຍິນດີມອບບ່ອນພາກຕາເວັນອອກຫັນກູກວນໃຫ້ຜູ່ນັ້ນ,ເຈົ້າຊ່ອຍຂ້າພະເຈົ້າຄຶດເບ່ິງວ່າ,ໃຜສາມາດສ້າງຄຸນງາມຄວາມດີໄດ້?ຈາງລຽງຄຶດຈັກຫນ້ອຍແລ້ວເວົ້າຢ່າງບໍ່ຟ້າວບໍ່ຟ່ັງວ່າ,ເຈົ້າກົກຈິວຈຽງແມ່ນນາຍທະຫານເກ່ັງ,ສູ້ລົບຢ່າງອົງອາດກ້າຫານທີ່ສຸດ,ລາວແມ່ນນາຍທະຫານ ຂອງຊຽງອີເມື່ອກ່ອນ,ແຕ່ວ່າບໍ່ຖືກກັນກັບຊຽງອີແຕ່ໃດມາ,ຖ້າຫາໂອກາດທ້າທາຍ,ພວກເຮົາໃຊ້ຜູ່ນີ້ໄດ້,ຍັງມີນາຍທະຫານຜີງຢົ້ວ,ເພ່ິນມີທະຫານຫຼາຍຫມື່ນຄົນ,ຖືກຄວບຄຸມຈາກທຽນຢົງ,ພວກເຂົາເຈົ້າສອງຄົນພວມຍົກທັບຄັດຄ້ານຊຽງອີຢູ່ແຖບເຫີນານ,ນີ້ກໍແມ່ນກອງທະຫານເຂັ້ມແຂງກອງຫນ່ຶງ,ຖ້າມີເງື່ອນໄຂເຫມາະສົມ,ຄຶດວ່າພວກເຂົາເຈົ້າຖືກດຶງມາໄດ້,ວຽກນີ້ຕ້ອງຍາດໂອກາດ,ຟ້າວຕິດຕໍ່, ເພາະເວລາດົນແລ້ວອາດຈະພາດໂອກາດ.
ສ່ວນນາຍແລະພົນທະຫານຂອງເພ່ິນ,ມີແຕ່ຫັນຊິນສາມາດສ້າງຄຸນງາມຄວາມດີໄດ້, ຖ້າທ່ານຢາກຊອກຫາຄົນນຳພາທະຫານໄປສູ້ລົບຍຶດເອົາອຳນາດ 3 ຄົນນີ້ແມ່ນເຫມາະສົມທີ່ສຸດ.
ລີວປາງໄດ້ຮັບເອົາຂ້ໍສະເຫນີຂອງຈາງລຽງ,ແຕ່ງຄົນໄປຕິດຕໍ່ກັບທະຫານເຈົ້າກົກຈິວຈຽງ ແລະທະຫານເຜີງຢົ້ວໃນທັນທີ,ທັງໄດ້ເລື່ອນຍົດໃຫ້ຫັນຊິນ.ແລະໃຫ້ຄຳຫມັ້ນສັນຍາຕໍ່ 3 ຄົນນີ້ວ່າ,ພາຍຫລັງການສູ້ລົບໄດ້ຮັບໄຊຊະນະແລ້ວ,ຈະແຕ່ງຕັ້ງພວກເຂົາເຈົ້າເປັນເຈົ້າກົກແລະແບ່ງທີ່ດິນໃຫ້,ວິທີນີ້ບັງເກີດຜົນຫຼາຍ, 3 ຄົນບຸກໂຈມຕີຊຽງອີຈາກທາງຫ້ນາແລະທາງຫລັງ, ບຸກຕີຊຽງອີທີ່ຂຶງຄັງມັງມໍບໍ່ມີທາງອອກແລະປະລະໄຊຢ່າງເຈັບແສບ,ລິວປາງໄດ້ຮັບໄຊຊະນະໃນຂັ້ນສຸດທ້າຍ.
|
