|
ຈີນແມ່ນປະເທດທ່ີມີພູຫຼາຍ,ການພັດທະນາເສດຖະກິດຂອງພາກພື້ນມີຄວາມແຕກໂຕນກັນຫຼາຍ,ເມື່ືອຄົນທັງຫຼາຍໃນຕົວເມືອງລົມເຖິງການຫັນເປັນຂໍ້ມູນຂ່າວສານແແລະຫັນເປັນເອເລັກໂຕຼນິກ,ປະຊາຊົນໃນຊົນນະບົດບາງຄົນທ່ີຢູ່ພາກກາງແລະພາກຕາເວັນຕົກຂອງຈີນ,ຈົນກະທັ້ງຍັງໃຕ້ໂຄມໄຟນ້ຳມັນກາດ,ເວົ້າສຳລັບພວກເຂົາເຈົ້າແລ້ວ,ການຟັງວິທະຍຸແລະຊົມໂທລະ ພາບຈ່ັງແມ່ນເລ່ືອງທ່ີເປັນໄປໄດ້ຍາກ,ແຕ່ວ່າ,ສະພາບການດ່ັງກ່າວພວມມີການປ່ຽນແປງຢ່າງວ່ອງໄວ
ຢູ່ແຂວງແຄມທະເລບາງແຫ່ງຂອງພາກໃຕ້ຈີນທ່ີດຳເນີນການປະຕິຮູບແລະໄຂປະຕູສູ່ພາຍນອກກ່ອນຫມູ່,GDP ທ່ີສະເລ່ຍຕາມຫົວຄົນໄດ້ມໍ່ລະດັບປະເທດພັດທະນາຜ້ານກາງຂອງໂລກ.ແຕ່ໃນຊົນນະບົດທ່ີຢູ່ເຂດພາກກາງແລະເຂດໃນພາກຕາເວັນຕົກບາງແຫ່ງ,ຍ້ອນເງ່ືອນໄຂທຳມະຊາດຂີ້ຮ້າຍ,ຄົມມະນາຄົມບໍ່ສະດວກ,ບໍ່ຮູ້ຂໍ້ມູນຂ່າວສານ,ຄົນທັງຫຼາຍຫາກໍ່ໄດ້ຮັບການແກ້້ໄຂບັນຫາກິນອ່ິມນຸ່ງອຸ່ນ.ເພ່ືອຊຸກຍູ້ການພັດທະນາຂອງເຂດແຄວ້ນເຫຼົ່ານີ້,ລັດຖະບານຈີນໃນຂະນະເລ່ັງລັດການສ້າງສາພື້ນຖານໂຄງລ່າງໃຫ້ໄວເຂົ້າ,ໄດ້ສະເຫນີສ້າງກິດຈະການເຮັດໃຫ້ທຸກໆບ້ານໃນຊົນນະບົດທ່ີມີໄຟຟ້າໃນທ່ົວປະເທດຈີນມີວິທະຍຸຟັງແລະມີໂທລະພາບເບ່ິງເມື່ອປີ 1998 ,ເພ່ືອຊຸກຍູ້ການແລກປ່ຽນຂໍ້ມູນຂ່າວສານແລະການພັດທະນາເສດຖະກິດລະຫວ່າງເຂດແຄວ້ນເຫຼົ່ານີ້ກັບພາຍນອກ.ການປະຕິບັດກິດຈະການແມ່ນໃຫ້ກົມໃຫຍ່ວິທະຍຸ ຮູບເງົາແລະໂທລະພາບແຫ່ງຊາດຈີນເປັນຜູ່ຮັບຜິດຊອບ.ທ່ານສູກວາງສວນ ຫົວຫນ້າກົມໃຫຍ່ເວົ້າວ່າ ການປະຕິບັດກິດຈະການເຮັດໃຫ້ທຸກໆບ້ານມີວິທະຍຸຟັງແລະມີໂທລະພາບເບ່ິງ,ຈຸດຫນັກແມ່ນແກ້ໄຂບັນຫາພົ້ນເດ່ັນທ່ີມວນຊົນຊາວກະສິກຳອັນໄພສານຢູ່ເຂດທຸກຈົນທ່ີພາກຕາເວັນຕົກແລະພາກກາງທ່ີລົບກວນພວກເຮົາມາເປັນເວລາຍາວນານ,ຈະຫຼຸດຄວາມແຕກໂຕນກັນລະຫວ່າງຕົວເມືອງກັບຊົນນະບົດລະຫວ່າງເຂດແຄວ້ນໃນດ້ານວິທະຍຸໂທລະພາບໃຫ້ຫນ້ອຍລົງຢ່າງບັງເກີດຜົນ.ມັນໄດ້ປ່ຽນແປງສະພາບອັດຕັນແລະຫຼ້າຫຼັງຂອງຊົນນະບົດ,ເຮັດໃຫ້ຊາວກະສິກອນຍ່ິງຫຼາຍໄດ້ຮັບຂໍ້ມູນຂ່າວສານ,ຮູ້ຈັກນະໂຍບາຍຢ່າງທັນການ,ກຳໄດ້ຄວາມຮູ້ແລະຫຼຸດພົ້ນອອກຈາກຄວາມທຸກຍາກແລ້ວສ້າງຮ່ັງຄຸນມີ.
ແຕ່ປະຕິບັດກິດຈະການດ່ັງກ່າວເປັນເວລາ 6 ປີກວ່າມານີ້,ໄດ້ຮັບຫມາກຜົນຢ່າງເດ່ັນຊັດ.ຕາມສະຖິຕິທາງການ,ນັບມາຮອດທ້າຍປີ 2003 ,ອົງການປົກຄອງທຸກຂັ້ນໃນທ່ົວປະເທດຈີນໄດ້ລົງທຶນເກືອບ 1 ຕື້ 8 ຮ້ອຍລ້ານຢວນໃນການສ້າງສາກິດຈະການດ່ັງກ່າວ,ແກ້ໄຂບັນຫາຟັງວິທະຍຸແລະເບ່ິງໂທລະພາບຂອງຊາວກະສິກອນເກືອບ 100 ລ້ານຄົນ.
ເຂດກວາງຊີເຜົ່າຈວ້າງປົກຄອງຕົນເອງຢູ່ເຂດຊາຍແດນຂອງພາກໃຕ້ຈີນ,ແມ່ນເຂດຫນ່ຶງທ່ີມີຊົນເຜົ່າສ່ວນຫນ້ອຍຈີນຕັ້ງພູມລຳເນົາ.ຢູ່ເຂດແຫ່ງນີ້ມີພູດອຍຫຼາຍ, ບວກກັບຊົນເຜົ່າຕ່າງກັນຢູ່ກະຈັດກະຈາຍກັນ,ສ່ິງກໍ່ສ້າງວິທະຍຸແລະໂທລະພາບໃນເຂດຊົນນະບົດແຫ່ງນີ້ກໍຫຼ້າຫຼັງ.ຫຼັງຈາກປະຕິບັດກິດຈະການດ່ັງກ່າວແລ້ວ,ສະພາບການໄດ້ມີການປ່ຽນແປງແລ້ວ,ທ່ານນາງລິວຊິນເວີນທ່ີຮັບຜິດຊອບການປະຕິບັດກິດຈະການດ່ັງກ່າວໃນເຂດກວາງຊີປົກຄອງຕົນເອງສະເຫນີວ່າ,ແຕ່ປະຕິບັດກິດຈະການດ່ັງກ່າວໃນທ່ົວປະເທດຈີນເມ່ືອປີ 1998 ມານີ້,ນັບມາຮອດທ້າຍປີ 2002,ບ້ານບໍລິຫານທ່່ີມີໄຟຟ້າໃນທ່ົວເຂດສາມາດຟັງວິທະຍຸແລະເບ່ິງໂທລະພາບໄດ້ໃນຂັ້ນພື້ນຖານ,ລົງທຶນລວມ 130 ລ້ານຢວນ,ສ້າງສະຖານນີຫນ້າດິນຮັບຈາກດາວທຽມ1 ຫມ່ືນກວ່າແຫ່ງ,ໄດ້ຊ່ອຍຊາວກະສິກອນ 4 ລ້ານຄົນແກ້ໄຂຄວາມຫຍຸ້ງຍາກດ້ານການຟັງວິທະຍຸແລະເບ່ິງໂທລະພາບ.
ຕາມສະຖິຕິ,ປະຈຸບັນ,ຢູ່ເຂດພາກກາງແລະພາກຕາເວັນຕົກຂອງຈີນຍັງມີປະຊາກອນຊົນນະບົດເກືອບ 80 ລ້ານຄົນຍັງບໍ່ສາມາດຮັບຟັງວິທະຍຸແລະເບ່ິງໂທລະ ພາບໄດ້,ຕົ້ນຕໍແມ່ນປະຊາຊົນຈຳນວນຫນ່ຶງໃນເຂດພູດອຍຫຼືເຂດລ້ຽງສັດເຄ່ືອນທ່ີ.ລັດ ຖະບານຈີນໄດ້ກຳນົດເປົ້າຫມາຍວຽກງານ,ຈົນາຮອດທ້າຍປີ 2005,ຈະເຮັດຫນ້າທ່ີ ສ້າງສາກິດຈະການຟັງວິທະຍຸແລະເບ່ິງໂທລະພາບໃນຊົນນະບົດບໍລິຫານທ່ີຫາກໍ່ມີໄຟຟ້າແລະຊົນນະບົດທ່ີໄດ້ມີໄຟຟ້າໃຊ້ແລ້ວ 50 ຄອບຄົວຂຶ້ນໄປ,ເມ່ືອຮອດເວລານັ້ນ,ປະຊາກອນຊົນນະບົດທ່ີບໍ່ສາມາດຟັງວິທະຍຸແລະເບ່ິງໂທລະພາບໄດ້ຈະຫຼຸດ ຫນ້ອຍລົງຢ່າງຫຼວງຫຼາຍ.
ຕາມການຕິດຕາມກວດກາຂອງພາກສ່ວນທ່ີກ່ຽວຂ້ອງຂອງຈີນ,ເມ່ືອທຽບກັບກ່ອນແລະຫຼັງປະຕິບັດກິດຈະການດ່ັງກ່າວ,ໄດ້ປະກົດເຫັນວ່າການເຜີຍແຜ່ວິທະຍຸແລະໂທລະພາບໃຫ້ທ່ົວເຖິງນັ້ນມີບົດບາດຊຸກຍູ້ຢ່າງເດ່ັນຊັດຕໍ່ການເຮັດໃຫ້ລາຍໄດ້ເສດຖະກິດຂອງຊາວກະສິກອນຢູ່ແຫ່ງນີ້ເພ່ີມຂຶ້ນ.ທ່ານຫຼີເຊ້ີນລິນ ຮອງຫົວຫນ້າຄະນະກຳມະການການການພັດທະນາແລະການປະຕິຮູບແຫ່ງລັດຈີນກໍ່ເຫັນວ່າ,ກິດຈະການດ້ານວິທະຍຸໂທລະພາບໃນຊົນນະບົດແມ່ນມີຜົນດີທ່ີສຸດຕໍ່ການຊັກຈູ້ງຄວາມຕ້ອງການຂອງພາຍໃນປະເທດຈີນ.ທ່ານກ່າວວ່າ,ການປະຕິບັດກິດຈະ ການດ້ານວິທະຍຸໂທລະພາບມີຜົນດີຕໍ່ການເຮັດໃຫ້ຊີວິດວັດທະນະທຳຂອງມວນຊົນໃນຊົນນະບົດອຸດົມສົມບຸນຂຶ້ນ,ເຜີຍແຜ່ຄວາມຮູ້ວັດທະນະທຳວິທະ ຍາສາດ,ຍົກຄຸນທາດຂອງມວນຊົນໃຫ້ສູງຂຶ້ນ,ມີຜົນດີຕໍ່ການຊຸກຍູ້ການພັດທະນາເສດຖະກິດແລະຄວາມກ້າວຫນ້າຂອງສັງຄົມໃນເຂດທຸກຍາກ.ວິທະຍຸແລະໂທລະພາບສາມາດລົງໄປສູ່ຄອບຄົວນັບເປັນພັນເປັນຫມ່ືນ,ເຮັດໃຫ້ຊາວກະສິກອນຮັບເອົາການອົບຮົມບ່ົມດ້ານປະຊາທິປະໄຕແລະກົດຫມາຍ,ດັດແປງຄວາມຊິນເຄີຍເກົ່າເທ່ືອລະກ້າວ,ຮັບເອົາທັດສະນະຄະຕິໃຫມ່,ພ້ອມທັງມີຜົນດີຕໍ່ການເລ່ີມນຳໃຊ້ຕະຫຼາດບໍລິໂພກຂອງຊົນນະບົດ.
|
