|
ກອງທະຫານອາເມລິກາກ່າວວ່າໄດ້ຄວບຄຸມເຂດສ່ວນໃຫຍ່ຂອງເມືອງຟາລູຈາແລ້ວ
cri
Author: q
ຕາມຂ່າວCRI,ວັນທີ10ພະຈິກ,ການບຸກໂຈມຕີເມືອງຟາລູຈາຂອງກອງທະຫານອາເມລິກາປະຈຳອີຣັກແລະກອງທະຫານອີຣັກໄດ້ເຂົ້າສູ່ມື້ທີສາມ,ກອງທະຫານເຮືອສູ້ລົບເທິງບົກຂອງອາເມລິກາກ່າວວ່າໄດ້ຄວບຄຸມດິນແດນປະມານ70%ຂອງເມືອງຟາລູຈາແລ້ວ.
ຕາມໂທລະພາບອານຈາຊີລາແຫ່ງກາຕາລາຍງານວ່າ,ຕອນເຊົ້າວັນທີ10ພະຈິກ,ຍົນລົບຂອງກອງທະຫານອາເມລິກາໄດ້ຖິ້ມລະເບີດໃສ່ເປົ້າໝາຍຫຼາຍແຫ່ງຢູ່ຟາລູຈາ,ກອງທັບເຮືອສູ້ລົບເທິງບົກຂອງອາເມລິກາກໍ່ໃຊ້ອາວຸດໜັກຍິງໃສ່ເປົ້າໝາຍໃນເມືອງຟາລູຈາ.ພ້ອມກັນນັ້ນ,ກໍໄດ້ປະສົບການຕ້ານຢັນຢ່າງໝັ້ນໜຽວທົນທານຂອງພວກປະກອບອາວຸດຂອງຟາລູຈາ.
ນອກນີ້,ຕາມຝ່າຍທະຫານອາເມລິກາກ່າວວ່າ,ໃນການບຸກໂຈມຕີເມືອງຟາລູຈາ,ໄດ້ຍິງພວກປະກອບອາວຸດຕ້ານອາເມລິກາຕາຍປະມານ90ຄົນ,ຝ່າຍທະຫານອາເມລິກາມີທະຫານເຮືອສູ້ລົບເທິງບົກ10ຄົນເສຍຊີວິດ,22ຄົນບາດເຈັບ.ນາຍທະຫານອາເມລິກາຜູ້ໜຶ່ງກ່າວວ່າ,ທ່ານຈາຄາວີບຸກຄົນນຳ້ເບີສາມຂອງອົງການອານເຄດາອາດຈະໂຕນໜີອອກຈາກເມືອງຟາລູຈາແລ້ວ.
|
|
