ຕາມຂ່າວCRI: ຕອນຄ່ຳວັນທີ 10 ພະຈິກ, ພາຍຫຼັງທ່ານອາບູ ລູດີເນ ໂຄສົກຂອງທ່ານອາລາຟັດ ປະທານອົງການອຳນາດແຫ່ງຊາດປາເລັສຕິນຂ່ີເຮືອບິນຈາກປາຣີແຫ່ງຝຣ່ັງໄປຮອດເລີແກແລ້ວ, ທ່ານໄດ້ອອກຖະແຫຼງການຢູ່ເດ່ີນຍົນວ່າ, ປະຈຸບັນ ອະໄຍຍະວະຫຼາຍຢ່າງໃນຮ່າງກາຍທ່ານອາລາຟັດໄດ້ເສ່ືອມໂຊມລົງແລ້ວ, ທ່ານອາລາຟັດໄດ້ເຖິງບັ້ນທ້າຍຂອງຊີວິດ.
ທ່ານລູດີເນກ່າວວ່າ, ບົດລາຍງານຫຼ້າສຸດຂອງໂຮງໝໍຝຣ່ັງສະແດງໃຫ້ເຫັນວ່າ ອາການປ່ວຍຂອງທ່ານອາລາຟັດພວມຊຸດຮ້າຍລົງຢ່າງໄວວາ, ເພາະສະນັ້ນ ຊັ້ນຜູ່ນຳປາເລັສຕິນຈ່ຶງຕົກລົງແຕ່ງທ່ານແລະທ່ານລາຊິດ ຜູ່ຊ່ອຍອີກຜູ່ໜ່ຶງຂອງທ່ານອາລາຟັດເດີນທາງໄປເລີແກ ເພ່ືອທຳການກະກຽມຈັດພິທີໄວ້ອາໄລທ່ານອາລາຟັດ ແລະຮັບການໄວ້ອາໄລຂອງຜູ່ນຳຕ່າງປະເທດ. ສະມາຊິກຜູ່ນຳປາເລັສຕິນທ່ານອື່ນໆຈະຄອຍຮັບສົບຂອງທ່ານອາລາຟັດຢູ່ຝ່ັງຕາເວັນຕົກແມ່ນ້ຳຈໍແດນ.
ໃນມື້ດຽວກັນ ທ່ານລາຮິມ ເລຂາທິການທຳນຽບປະທານາທິບໍດີຂອງທ່ານອາລາຟັດກ່າວວ່າ, ອົງການອຳນາດແຫ່ງຊາດປາເລັສຕິນໄດ້ຮັບເອົາຂ້ໍສະເໜີຂອງທ່ານມູບາລັກ ປະທານາທິບໍດີເອຢິບ ຄື ຖ້າທ່ານອາລາຟັດເຖິງແກ່ກຳ, ພິທີອຳລາສົບທ່ານອາລາຟັດຈະຈັດຢູ່ທ່ີເລີແກ, ແລ້ວສ່ົງໄປຝັງຢູ່ເມືອງລາມາລາ.
ນອກນີ້ຂ່າວແຈ້ງວ່າ, ວັນທີ 10 ພະຈິກ, ພາຍຫຼັງໄດ້ປະຊຸມກັນແລ້ວ ຜູ່ນຳທ່ີກ່ຽວຂ້ອງຂອງປາເລັສຕິນປະກາດວ່າ, ອີງຕາມຂ້ໍກຳນົດຂອງກົດໝາຍປາເລັສຕິນ, ພາຍຫຼັງທ່ານອາລາຟັດເຖິງແກ່ກຳໄປແລ້ວ, ທ່ານໂລຮີ ຟັດຕູ ປະທານຄະນະກຳມະການນິຕິບັນຍັດປາເລັສຕິນຈະເຂົ້າປະຕິບັດໜ້າທ່ີຕຳແໜ່ງແທນປະທານອົງການອຳນາດແຫ່ງຊາດປາເລັສຕິນຊ່ົວຄາວ, ແຕ່ດົນສຸດບໍ່ໃຫ້ກາຍ 60 ມື້.
|