|
ຕາມຂ່າວCRI: ຕອນຮຸ່ງເຊົ້າວັນທີ 11 ພະຈິກນີ້, ພາຍຫຼັງທ່ານອາລາຟັດ ປະທານອົງການອຳນາດແຫ່ງຊາດປາເລັສຕິນເຖິງແກ່ກຳຍ້ອນປ່ວຍແລ້ວ, ທ່ານອານນານ ເລຂາທິການໃຫຍ່ສະຫະປະຊາຊາດໄດ້ຜ່ານໂຄສົກຂອງທ່ານອອກຖະແຫຼງການ ສະແດງຄວາມໄວ້ອາໄລຢ່າງສຸດເຊິ່ງ. ທ່ານບຸສ ປະທານາທິບໍດີອາເມລິກາກໍອອກຖະແຫຼງການສະແດງຄວາມໄວ້ອາໄລເຊັ່ນດຽວກັນ.
ໃນຖະແຫຼງການ ທ່ານອານນານກ່າວວ່າ, ໃນເກືອບ 40 ປີມານີ້, ທ່ານອາລາຟັດໄດ້ສະແດງຄວາມປາຖະໜາຂອງປາຊາຊົນປາເລັສຕິນຕໍ່ທົ່ວໂລກຢ່າງສະເໝີຕົ້ນສະເໝີປາຍ. ທ່ານບໍ່ໄດ້ເຫັນຄວາມຝັນສັນຕິພາບປະກົດເປັນຈິງໃນຍາມທ່ານຍັງມີຊີວິດ ແມ່ນເລື່ອງທີ່ເປັນໜ້າໂສກເສົ້າ.
ທ່ານອານນານຮຽກຮ້ອງໃຫ້ປະຊາຊົນປາເລັສຕິນແລະອິສລາແອນພ້ອມດ້ວຍປະຊາຊົນບັນດາປະເທດໃນໂລກທີ່ເອົາໃຈໃສ່ນຳສະຖານະການປາເລັສຕິນອິສລາແອນ, ຈົ່ງທຳຄວາມພະຍາຍາມຄົບເທົ່າເພື່ອໃຫ້ປະຊາຊົນປາເລັສຕິນມີສິດຊີ້ຂາດໂດຍຕົນເອງໂດຍສັນຕິ.
ຕອນເຊົ້າມືດວັນທີ 11 ພະຈິກ, ທ່ານບຸສ ປະທານາທິບໍດີອາເມລິກາກໍອອກຖະແຫຼງການວ່າ, ອາເມລິກາສະແດງຄວາມເສົ້າສະຫຼົດໃຈຕໍ່ປະຊາຊົນປາເລັສຕິນ, ຫວັງໃຫ້ພວກເຂົາເຈົ້າໄດ້ມີສັນຕິພາບແລະບັນລຸຄວາມປາຖະໜາສ້າງຕັ້ງປະເທດທີ່ເປັນເອກະລາດແລະມີປະຊາທິປະໄຕ, ພ້ອມກັນນັ້ນ ຫວັງໃຫ້ພວກເຂົາເຈົ້າຢູ່ຮ່ວມກັນໂດຍສັນຕິກັບປະເທດໃກ້ຄຽງ.
|
