|
|
 |
| (GMT+08:00)
2004-11-11 15:27:35
|
 |
|
ຊາວປາເລັສຕິນເສົ້າສະຫລົດໃຈຍ້ອນທ່ານອາລາຟັດເຖິງແກ່ກຳ
cri
Author: sayvanny
ຕາມຂ່າວ CRI: ວັນທີ 11 ພະຈິກ ມວນຊົນປາເລັສຕິນຕ່າງໄດ້ສະແດງຄວາມໂສກເສົ້າສະຫລົດໃຈຕໍ່ທ່ານອາລາຟັດ ປະທານອົງການອຳນາດແຫ່ງຊາດປາເລັສຕິນເຖິງແກ່ກຳໄປຢູ່ປາຣີແຫ່ງຝຣັ່ງ.
ຢູ່ຕໍ່ຫນ້າທຳນຽບປະທານາທິບໍດີຂອງທ່ານອາລາຟັດທີ່ເມືອງລາມາລາ ຝັ່ງຕາເວັນຕົກແມ່ນ້ຳຈໍແດນ, ນັກຂ່າວວິທະຍຸ CRI ໄດ້ເຫັນ, ຊາວປາເລັສ ຕິນເປັນຈຳນວນຫລວງຫລາຍເມື່ອຮູ້ຂ່າວທ່ານອາລາຟັດເຖິງແກກຳທະ ຍອຍກັນສະແດງຄວາມໄວ້ອາໄລເຖິງດວງວິນຍານຂອງທ່ານອາລາຟັດຢູ່ທຳ ນຽບປະທານາທິບໍດີ.ຊາວປາເລັສຕິນຜູ່ຫນຶ່ງທີ່ຊື່ວ່າ:ອັບດຸນ.ນັດເຊີ ຟາຍນ້ຳຕາເວົ້າຕໍ່ນັກຂ່າວວ່າ,ມວນຊົນປາເລັສຕິນແຄ້ນໃຈຍ້ອນໄດ້ຍິນຂ່າວດັ່ງກ່າວ. ຊາວປາເລັສຕິນອີກຜູ່ຫນຶ່ງຊື່ໂມຮາເມັດ.ວາຢິນເວົ້າວ່າ, ການເຖິງແກ່ກຳໄປ ຂອງທ່ານອາລາຟັດເປັນການສູນເສຍຂອງປະຊາຊົນປາເລັສຕິນ ຂອງໂລກອາລັບແລະໂລກອິສລາມ.ພວກເຂົາເຈົ້າຄອງຄອຍໃຫ້ຊັ້ນຜູ່ນຳປາເລັສຕິນສາມັກຄີເປັນນ້ຳຫນຶ່ງໃຈດຽວກັນ, ນຳພາປະຊາຊົນປາເລັສຕິນພ້ອມກັນຜ່ານຜ່າຄວາມຫຍຸ້ງຍາກ.
|
|
|
