|
|
 |
| (GMT+08:00)
2004-11-11 18:31:09
|
 |
|
ປະຊາຄົມໂລກທຳປະຕິກິລິຍາຕໍ່ທ່ານອາລາຟັດເຖິງແກ່ກຳຍ້ອນເປັນພະຍາດ
cri
Author: q
ຕາມຂ່າວCRI,ພາຍຫຼັງທ່ານອາລາຟັດ ປະທານອົງການອຳນາດແຫ່ງຊາດປາເລັສຕິນເຖິງແກ່ກຳຍ້ອນເປັນພະຍາດຢູ່ໂຮງໝໍແປກຊີຊານເມືອງປາຣີແຫ່ງຝະຣັ່ງໃນຕອນຮຸ່ງເຊົ້າວັນທີ11ພະຈິກແລ້ວ,ປະຊາຄົມໂລກໄດ້ພາກັນທຳປະຕິກິລິຍາຕໍ່ເລື່ອງນີ້.
ໃນມື້ດຽວກັນ,ທ່ານຄາຊາຟປະທານາທິບໍດີອິດສະລະແອນກ່າວວ່າ,ຫວັງໃຫ້ຊາວປາເລັສຕິນສາມາດຟື້ນຟູຈາກຄວາມເສົ້າສະຫຼົດໃຈຍ້ອນເສຍທ່ານອາລາຟັດ,ແລ້ວເລືອກຕັ້ງຜູ້ນຳຜູ້ໃໝ່ໂດຍໄວ.
ທ່ານອານນານ ເລຂາທິການໃຫຍ່ສະຫະປະຊາຊາດໄດ້ຜ່ານຈາກໂຄສົກຂອງທ່ານອອກຖະແຫຼງການ,ສະແດງຄວາມໄວ້ອາໄລຢ່າງສຸດເຊິ່ງຕໍ່ທ່ານອາລາຟັດເຖິງແກ່ກຳຍ້ອນເປັນພະຍາດ.ຖະແຫຼງການຂຽນວ່າ,ທ່ານອາລາຟັດບໍ່ສາມາດເຫັນຄວາມຝັນແຫ່ງສັນຕິພາບບັນລຸຜົນເປັນຈິງໃນເວລາທ່ານຍັງມີຊີວິດຢູ່ນັ້ນແມ່ນເລື່ອງໂສກນາດຕະກຳ.
ທ່ານບຸສ ປະທານາທິບໍດີອາເມລິກາໄດ້ອອກຖະແຫຼງການ,ສະແດງຄວາມໄວ້ອາໄລຕໍ່ປະຊາຊົນປາເລັສຕິນ,ຮຽກຮ້ອງບັນດາປະເທດຢູ່ພາກພື້ນຕາເວັນອອກກາງແລະປະເທດອື່ນໆໃນໂລກພ້ອມກັນກັບອາເມລິກາທຳຄວາມພະຍາຍາມເພື່ອບັນລຸເປົ້າໝາຍສຸດທ້າຍທີ່ເຮັດໃຫ້ຕາເວັນອອກກາງມີສັນຕິພາບ.
ທ່ານປູຕິນປະທານາທິບໍດີລັດເຊຍໄດ້ຝາກໂທລະເລກໄປຍັງຜູ້ນຳປາເລັສຕິນໂດຍຂຽນວ່າ,ທ່ານອາລາຟັດເຖິງແກ່ກຳແມ່ນຄວາມເສຍຫາຍອັນໜັກໜ່ວງຂອງປະຊາຊົນປາເລັສຕິນທຸກຖ້ວນໜ້າ.
ທ່ານຊີລັກ ປະທານາທິບໍດີຝະຣັ່ງໄດ້ຝາກໂທລະເລກໄປຍັງຜູ້ນຳປາເລັສຕິນ,ຍ້ອງຍໍວ່າທ່ານອາລາຟັດເປັນຄົນກ້າຫານ,ເປັນຄົນທີ່ມີອຸດົມການ.
ເອຢິບ,ຕຸຍນີຊີແລະຊອກດານີຕ່າງປະກາດວ່າ,ຈະຈັດການໄວ້ອາໄລທ່ານອາລາຟັດເປັນເວລາ3ມື້ໃນທົ່ວປະເທດ.ນອກນີ້,ສັນນິບາດປະເທດອາລັບທີ່ສຳນັກງານໃຫຍ່ຕັ້ງຢູ່ເລີແກກໍຈະຈັດການເຄື່ອນໄຫວໄວ້ອາໄລທ່ານອາລາຟັດ.
|
|
|
