ຕາມ​ຂ່າວCRI: ​ຍ້ອນ​ຖືກ​ກອງ​ປະກອບ​ອາວຸດຕ້ານອາ​ເມ​ລິ​ກາ​ຂອງ​ອີຣັກຕ້ານຢັນ​ຢ່າງ​ດຸ​ເດືອດ, ກອງ​ທະຫານ​ອາ​ເມ​ລິ​ກາ​ປະຈຳ​ອີຣັກ​ແລະ​ກອງ​ທະຫານ​ອີຣັກ​ໄດ້ປະສົບ​ຄວາມ​ເສຍ​ຫາຍ​ຢ່າງ​ໜັກ​ໃນ​ການ​ບຸກ​ໂຈມ​ຕີ​ເມືອງ​ຟາ​ລູຈາ​ຢ່າງຮອບດ້ານ.

ຕາມ​ໂທລະພາບ​ອານ ຈາ​ຊີ​ລາ​ລາຍ​ງານ​ວ່າ, ນັບ​ມາ​ຮອດ​ວັນ​ທີ 11 ພະຈິກ, ​ໃນ​ການ​​ເຄື່ອນ​ໄຫວ​ທາງ​ການ​ທະຫານ​ທີ່ບຸກ​ໂຈມ​ຕີ​ເມືອງ​ຟາ​ລູຈາ, ກອງ​ທະຫານ​ອາ​ເມ​ລິ​ກາ​ປະຈຳ​ອີຣັກມີ 18 ຄົນ​ຕາຍ, 69 ຄົນ​ບາດ​ເຈັບ, ຍົນ​ເຮ​ລີ​ກົບ​ສອງ​ລຳ​ຖືກ​ຍິງ​ຕົກ. ກອງ​ທະຫານ​ປ້ອງ​ກັນ​ຊາດ​ອີຣັກມີ​ທະຫານ​ຕາຍ 5 ຄົນ, 34 ຄົນ​ບາດ​ເຈັບ, ​ແລະ​ຍັງ​ມີ​ທະ​ຫານ 20 ຄົນ​ຖືກ​ກອງ​ປະກອບ​ອາວຸດກອງ​ໜຶ່ງ​ຈັບ​ເປັນຊະ​ເລີຍ​ເສິກ.

​ໃນ​ມື້​ດຽວ​ກັນ ຝ່າຍ​ທະຫານອາ​ເມ​ລິ​ກາ​ກ່າວ​ວ່າ, ນັບ​ມາ​ຮອດ​ປະຈຸ​ບັນ​ໄດ້​ມີ​ພວກ​ປະກອບ​ອາວຸດຂອງອີຣັກ 600 ກວ່າ​ຄົນ​ຖືກ​ຍິງ​ຕາຍ​.