|
ໃນເວລາຂ້າພະເຈົ້າໄປສຳພາດຢູ່ກ່ິງແຂວງສິບສອງພ່ັນນາເຜ່ົາໄທລື້ແຂວງຢຸນນານນັ້ນ,ພໍດີໄດ້ໄປຮ່ວມງານລາຕີຟ້ອນລຳທີ່ທາງບ້ານເຂົາເຈົ້າຈັດຂຶ້ນ,ເພງທີ່ທ່ານພວມຟັງຢູ່ນີ້ກໍແມ່ນຂັບລື້ທີ່ນາງອີ້ອວງນານ ຂັບໃນງານລາຕີດ່ັງກ່າວ,ສຽງຂັບອັນໄພເລາະຂອງນາງແລະວາດຟ້ອນທີ່ມີສີສັນພິເສດອັນເຂັ້ມຂຸ້ນຂອງຊົນເຜ່ົາໄດ້ດູດດຶງຂ້າພະເຈົ້າຢ່າງເລິກເຊ່ິງ.
ເບ່ິງໄປແລ້ວ,ນາງອີ້ອວງນານ ຄືຄົນອາຍຸກາຍ 30 ປີ,ນຸ່ງສິ້ນລ່າມຮອດຕຸ້ມຄ້ອງອັນເປັນມູນເຊື້ອດັ້ງເດີມຂອງເຜ່ົາລື້,ເຫັນວ່າງາມທີ່ສຸດ,ເບ່ິງກໍ່ຮູ້ໂລດວ່າ,ນາງແມ່ນມີຊື່ມີສຽງຢູ່ທ້ອງຖ່ິນດ່ັງກ່າວ,ສຽງຂັບຂອງນາງໄດ້ຮັບສຽງຕົບມືຊົມເຊີຍຢ່າງຟົດຟື້ນຈາກໄທບ້ານ,ມີໄທບ້ານຜູ່ຫນ່ຶງບອກນັກຂ່າວວ່າ,ຢູ່ທ້ອງຖ່ິນນີ້,ນາງອີ້ອວງນານ ໄດ້ຮັບນາມມະຍົດເປັນຊ່າງຂັບ,ແປວ່າເປັນສິລະປະທີ່ຂັບເກ່ັງທັງມີຊື່ສຽງອິດທິພົນຫຼາຍ,ຄັນຮອດຍາມສະເຫຼີມສະຫຼອງວັນບຸນອັນສຳຄັນເທື່ອໃດ,ກໍຕ້ອງເຊີນນາງມາຂັບ.
ຖ້າຮອດງານລາຕີສ້ຽງສຸດລົງ,ຂ້າພະເຈົ້າກໍໄປສຳພາດນາງອີ້ອວງນານ,ເມື່ອກ່າວເຖິງເລື່ອງເປັນຫຍັງນາງຈ່ິງເດີນໄປຕາມເສັ້ນທາງສິລະປະຟ້ອນລຳຊົນເຜ່ົານັ້ນ,ນາງອີ້ອວງນານເວົ້າວ່າ,ຂ້າພະເຈົ້າມັກຂັບລື້ມາແຕ່ຍາມຍັງນ້ອຍ,ເມື່ອກັບຈາກໂຮງຮຽນມາ,ກໍ່ມັກຟັງຜູ່ເຖົ້າຜູ່ແກ່ເລ່ົານິທານພື້ນເມືອງຂອງເຜ່ົາລື້,ແລະອ່ານມະຫາກາບເລື້ອງເຈົ້າຍິງນົກຍຸງເປັນຕົ້ນ,ບຸກຄົນແລະເລື້ອງໃນກອນ,ຂ້າພະເຈົ້າຟັງເທື່ອດຽວຮອດສອງເທື່ອກໍ່ຈື່ໄດ້ຫມົດ.
ນາງອີ້ອວງນານ ບອກນັກຂ່າວວ່າ,ຍ້ອນສະພາບແວດລ້ອມໄດ້ອົບຮົມບົ່ມເພາະ,ບວກກັບເຈົ້າຂອງກໍມັກຟ້ອນລຳທຳເພງ,ສະນັ້ນ,ຕໍ່ມານາງກໍ່ເລີຍປະກອບອາຊີບສິລະປະຟ້ອນລຳທຳເພງຊົນເຜ່ົາ.
ນາງອີ້ອວນນານ ເກີດຢູ່ບ້ານຫນ່ຶງໃນເມືອງລ້າກ່ິງແຂວງສິບສອງພ່ັນນາ,ເວລາອາຍຸ 11 ປີ,ນາງກໍເຂົ້າເປັນສະມາຊິກໃນຫນ່ວຍສະແດງຂອງບ້ານ,ຄູໃນຫນ່ວຍສະແດງກໍສອນນາງ,ຟ້ອນລຳທຳເພງ,ທັງສອນນາງເປ່ົາປ່ີລື້ແລະເປ່ົາຫມາກນ້ຳເຕົ້າເຊ່ິງເປັນການເສບດົນຕີພື້ນເມືອງເຜ່ົາລື້,ອັນໄດ້ເຮັດໃຫ້ລະດັບການຂັບຮ້ອງ,ການເສບແລະການຟ້ອນຂອງນາງມີລະດັບສູງຂຶ້ນນຳເລື້ອຍໆ,ພາຍຫລັງມາ,ຄວາມສາມາດຂອງນາງອີ້ອວງນານ ຈ່ິງຄ່ອຍໆເຮັດໃຫ້ຄົນທັງຫຼາຍສົນໃຈນຳ,ແລ້ວຮັບເອົານາງເຂົ້າເປັນສະມາຊິກສະມາຄົມຊ່າງຂັບຂອງເມືອງລ້າ,ແຕ່ນັ້ນມາ,ເມື່ອທາງເມືອງໄດ້ຈັດການເຄື່ອນໄຫວສຳຄັນເຊ່ັນຈັດງານຮ້ອງເພງສະຫຼອງປີໃຫມ່ໄທລື້ໃນແຕ່ລະປີເປັນຕົ້ນ,ນາງອີ້ອວງນານ ກໍລ້ວນແຕ່ໄດ້ຮັບຄຳເຊີນໄປຮ່ວມນຳ.
ເມື່ອ 20 ປີກ່ອນ,ເວລານາງອີ້ອວງນານ ອາຍຸ 16 ປີ,ຊີວິດຂັບລື້ຂອງນາງກໍໄດ້ມີບາດລ້ຽວສຳຄັນເກີດຂຶ້ນ,ເພາະນາງໄດ້ຮັບເລືອກເຂົ້າຢູ່ໃນຄະນະຟ້ອນຮ້ອງຂອງກ່ິງແຂວງສິບສອງພ່ັນນາ,ແຕ່ນັ້ນມາ,ນາງອີ້ອວງນານ ກໍ່ເລ່ີມປະກອບອາຊີບສະແດງຟ້ອນລຳທຳເພງເຜ່ົາລື້ທີ່ນາງນິຍົມຊົມຊອບນັ້ນ.
ໃນຊູ່ມື້ນີ້,ໃນດ້ານຂັບ,ດ້ານເສບ,ແລະຟ້ອນ,ນາງອີ້ອວງນານ ກໍມີສີໄມ້ລາຍມືສິລະປະສູງສົມຄວນ,ນາງຊ່າງຂັບໄດ້ທຸກປະເພດ,ຕົວຢ່າງຄື:ຂັບໃຫ້ຊາວຫນຸ່ມຟັງ,ນາງກໍ່ຂັບເລື້ອງຄວາມຮັກທີ່ມ່ວນຊ້ອຍອອນຊອນ,ເວລາຂັບໃຫ້ຜູ່ເຖົ້າຟັງ,ນາງກໍມັກຂັບເລື້ອງແລະພື້ນບຸກຄົນບູຮານ,ມະຫາກາບທີ່ດັດແປງມາແລ້ວ,ນອກນັ້ນ,ເພ່ືອໂຄສະນານະໂຍບາຍທີ່ກ່ຽວຂ້ອງຂອງລັດ,ເຜີຍແຜ່ຄວາມຮູ້ວິທະຍາສາດ,ນາງອີ້ອວງນານຍັງໄດ້ແຕ່ງກອນຂັບເປັນຈຳນວນບໍ່ຫນ້ອຍກ່ຽວກັບດ້ານວັດທະນະທຳ ວິທະຍາສາດເຕັກນິກ ການອະນຸລັກສ່ິງແວດລ້ອມແລະຮັກສາສຸຂະພາບແມ່ແລະເດັກເປັນຕົ້ນ,ອັນໄດ້ຮັບຄວາມນິຍົມຊົມຊອບທີ່ສຸດຈາກຄົນທັງຫຼາຍອີກດ້ວຍ.
ນາງອີ້ອວງນານ ບອກນັກຂ່າວວ່າ,ຕໍ່ເຄື່ອງເສບດັ້ງເດີມສອງຊະນິດຄືປ່ີລື້ແລະປ່ີຫມາກນ້ຳເຕົ້າຂອງເຜ່ົາລື້,ນາງແມ່ນມັກຫຼາຍກວ່າຫມູ່,ເພງທີ່ທ່ານຟັງເມື່ອກີ້ນີ້ກໍແມ່ນນາງອີ້ອວງນານ ເປ່ົາດ້ວຍປ່ີຫມາກນ້ຳເຕົ້າ,ໃນຍາມບຸນສິນກິນທານຫຼືເຂົ້າຮ່ວມການເຄື່ອນໄຫວສີລິມຸງຄຸນນັ້ນ,ເພງທີ່ນາງເປ່ົານັ້ນທັງມ່ວນທັງໄວ,ໃນຍາມໂສກເສົ້າ,ເພງທີ່ນາງເປ່ົານັ້ນກໍເປັນສຽງຄ້ອຍອ້ອຍອ່ິນຈົນເຮັດໃຫ້ຄົນນ້ຳຕາໄຫຼຍ້ອຍໆ.
ໃນຊີວິດສິລະປະຍາວນານນັ້ນ,ນາງອີ້ອວງນານ ກໍໄດ້ມີວາດສະແດງໂດດເດ່ັນຕົນຈໍ່ຕົວຂຶ້ນ,ໃນເວລາອອກສະແດງ,ນາງມັກເອົາການຂັບ,ການເສບແລະການຟ້ອນທັງສາມນີ້ເຊື່ອມໂຍງເຂົ້າກັນແບບອີນຊີວັດຖຸ,ທັງຂັບທັງຟ້ອນ,ເວລາຊ່ອງຫວ່າງກໍຈັບປ່ີຂຶ້ນມາເປ່ົາ,ບາງທີນາງກໍ່ອອກສະແດງເນື້ອໃນປະການຫນ່ຶງຢູ່ບາງປະເທດອາຊີອາຄະເນເລື້ອຍໆ,ໂດຍສະເພາະແມ່ນໄປສະແດງຢູ່ໄທ,ໄປຮອດບ່ອນໃດກໍ່ໄດ້ຮັບຄວາມຊົມເຊີຍຈາກຜູ່ຊົມທັງຫຼາຍ,ນາງເວົ້າວ່າ,ສິລະປະແມ່ນບໍ່ມີຊາຍແດນລະຫວ່າງປະເທດ,ຊາວຕ່າງປະເທດກໍ່ມັກວັດທະນະທຳດັ້ງເດີມແລະສິລະປະຟ້ອນລຳທຳເພງຂອງຊົນເຜ່ົາພວກເຮົາ.ພວກເຂົາເຈົ້າໄດ້ຕີລາຄາສູງຕໍ່ການຂັບແລະການຟ້ອນທີ່ຂ້າພະເຈົ້າສະແດງນັ້ນ.
ໃນນາມເປັນນັກສິລະປີນທີ່ມີຊື່ສຽງຂອງໄທລື້,ນາງອີ້ອວງນານໄດ້ເວົ້າຕໍ່ນັກຂ່າວວ່າ,ນາງແມ່ນມັກລົງໄປສະແດງຢູ່ບ້ານລື້ທີ່ສຸດ,ນາງເວົ້າວ່າ,ໄທລື້ແມ່ນຊົນເຜ່ົາທີ່ມັກຟ້ອນລຳທຳເພງ,ສະນັ້ນ,ນາງຈ່ິງມັກລົງໄປສະແດງຢູ່ບ້ານເລື້ອຍໆ.ເພື່ອນຳຄວາມມ່ວນຊື່ນລົງໄປໃຫ້ເຂົາເຈົ້າ,ຄັນຮອດຍາມນາງອີ້ອວງນານ ອອກສະແດງເທື່ອໃດ,ຜູ່ເຖົ້າຜູ່ແກ່ ຊາວຫນຸ່ມຍິງຊາຍຈົນຮອດເດັກນ້ອຍໃນບ້ານນັ້ນ,ກໍອົດບໍ່ໄດ້,ຈົນຕ່າງລຸກຂຶ້ນມາຂັບມາຟ້ອນເຢາະຢ່ອງນຳເພ່ີນ,ນາງອີ້ອວງນານ ເວົ້າວ່າ,ການຂັບລຳທຳເພງດັ້ງເດີມຂອງຊົນເຜ່ົາແມ່ນພາກສ່ວນຫນ່ຶງທີ່ຂາດບໍ່ໄດ້ໃນຊີວິດປະຈຳວັນຂອງຊົນເຜ່ົາລື້ພວກເຮົາ,ຖ້າຫາກບໍ່ມີອັນນີ້ແລ້ວ,ກໍ່ຄືວ່າຢູ່ໃນພາເຂົ້າບໍ່ມີເກືອ,ບໍ່ມີເຂົ້າຫນຽວ,ຊີວິດກໍ່ຈະຫງ່ວມເຫງົາບໍ່ມີແນວມ່ວນຊື່ນ,ສະນັ້ນ,ຂ້າພະເຈົ້າຈ່ິງມັກລົງໄປສະແດງຢູ່ບ້ານເລື້ອຍໆ.
ປະຈຸບັນ,ນາງອີ້ອວງນານ ຍັງສະແຫວງຫາຢ່າງບໍ່ລົດລະບົນເສັ້ນທາງສິລະປະຟ້ອນລຳທຳເພງຊົນເຜ່ົາທີ່ເພ່ີນນິຍົມຊົມຊອບນັ້ນ,ເພ່ີນເວົ້າຕໍ່ນັກຂ່າວວ່າ,ຕໍ່ໄປພາຍຫນ້າ,ເພ່ີນຈະແຕ່ງລາຍການໃຫ້ຫຼາຍແລະໃຫ້ດີກວ່າເກ່ົາເພື່ອອຸທິດໃຫ້ແກ່ຜູ້ຊົມຂອງເພ່ີນ.
|
