|
ວັນທີ 16 ພະຈິກ,ໃນກອງປະຊຸມທີ່ໄຂຂຶ້ນຢູ່ປັກກ່ິງ,ທ່ານຊຸນໄລຢັນ ຫົວຫນ້າກົມການບິນອະວະກາດແຫ່ງຊາດຈີນເວົ້າວ່າ,ຈີນຈະເອົາການສັງເກດວັດແທກຫນ່ວຍໂລກເປັນຈຸດຫນັກໃນການພັດທະນາການບິນອະວະກາດ.ໃນ 20 ປີຂ້າງຫນ້າ,ຈະສ້າງລະບົບສັງເກດວັດແທກຫນ່ວຍໂລກທີ່ຫມູນເດີນຢ່າງຫມັ້ນທ່ຽງເປັນເວລາຍາວນານ.ແລະບັນລຸການສັງເກດວັດແທກແບບສາມມິຕິຕໍ່ແຜ່ນດິນໃຫຍ່,ອາກາດແລະທະເລຂອງຈີນກໍຄືທ່ົວໂລກ.ຕໍ່ໄປເຊີນທ່ານຟັງບົດແຈ້ງຂ່າວລະອຽດ
ປະຈຸບັນນີ້,ກອງປະຊຸມຄົບຄະນະຄັ້ງທີ 18 ຂອງຄະກຳມະການສັງເກດວັດແທກຫນ່ວຍໂລກດ້ວຍດາວທຽມສາກົນໄດ້ຈັດຂຶ້ນຢູ່ປັກກ່ິງ.ອົງການກ່ຽວຂ້ອງທີ່ຮັບຜິດຊອບການສັງເກດວັດແທກຫນ່ວຍໂລກຂອງບັນດາປະເທດໃນໂລກ ເຈົ້າຫນ້າທີ່ອົງການວິທະຍາສາດເຕັກນິກສາກົນແລະຜູ່ຊ່ຽວຊານ ນັກປາດ 600 ກວ່າຄົນໄດ້ເຂົ້າຮ່ວມກອງປະຊຸມດ່ັງກ່າວ.
ໃນກອງປະຊຸມ,ທ່ານຊຸນໄລຢັນ ຫົວຫນ້າກົມການບິນອະວະກາດແຫ່ງຊາດຈີນເວົ້າວ່າໃນ 20 ປີຂ້າງຫນ້າ,ຈີນຈະສ້າງລະບົບສັງເກດວັດແທກຫນ່ວຍໂລກດວ້ຍດາວທຽມທີ່ຫມູນເດີນຢ່າງຫມັ້ນທ່ຽງເປັນເວລາຍາວນານເປັນກ້າວໆ.ແລະບັນລຸການສັງເກດວັດແທກແບບສາມມິຕິແລະກວດກາຕາມເວລາກຳນົດຕໍ່ແຜ່ນດິນໃຫຍ່ອາກາດແລະທະເລຂອງຈີນກໍຄືທ່ົວໂລກ
ໃນ 20 ປີຂ້າງຫນ້າ,ພວກເຮົາຈະສ້າງລະບົບສັງເກດວັດແທກແບບສາມມິຕິ ໃນທຸກສະພາບອາກາດຕໍ່ແຜ່ນດິນໃຫຍ່,ອາກາດ,ທະເລຂອງຈີນແລະທ່ົວໂລກໃນຂັ້ນພື້ນຖານ.ນີ້ແມ່ນລະບົບສັງເກດວັດແທກຫນ່ວຍໂລກແບບສັງລວມທີ່ເປັນເອກະພົບດຽວຂອງປະເທດຈີນ,ລະບົບສັງເກດດ່ັງກ່າວນີ້ໃຊ້ແບບສັງລວມໄດ້ໃນພາກສ່ວນຕ່າງໆເຊ່ັນ:ກະສິກຳ ປ່າໄມ້ ນ້ຳ ວິທະຍາສາດ ການສຶກສາ ອຸຕຸນິຍົມ ສື່ສານແລະທະເລເປັນຕົ້ນ.
ທ່ານຊຸນໄລຢັນຍັງເວົ້າຕໍ່ຜູ່ຮ່ວມປະຊຸມວ່າ,ກ່ອນປີ 2010,ຈີນຈະຄົ້ນຄວ້າແລະຜະລິດດາວທຽມອຸຕຸນິຍົມ ດາວທຽມຊັບພະຍາກອນ ແລະດາວທຽມທະເລຮຸ່ນໃຫມ່,ເຮັດໃຫ້ 3 ລະບົບຄືດາວທຽມອຸຕຸນິຍົມ ດາວທຽມຊັບພະຍາກອນ ແລະດາວທຽມທະເລໃຫ້ສົມບູນຂຶ້ນເປັນເທື່ອລະກ້າວ.ພ້ອມກັນນັ້ນ,ຈີນຍັງຈະສ້າງດາວທຽມນ້ອຍທີ່ສັງເກດພະຍາກອນສ່ິງແວດລ້ອມແລະຊັບພະຍາກອນຕາມສະເຫນີໃຫ້ຮູ້ວ່າ ລະບົບສັງເກດວັດແທກຫນ່ວຍໂລກດ້ວຍດາວທຽມຂອງຈີນໃນປະຈຸບັນ,ຕອບສະຫນອງໄດ້ແຕ່ຄວາມຕ້ອງການດ້ານການທົດລອງແລະນຳໃຊ້ໃນສະເພາະຫນ້ານີ້ທໍ່ນັ້ນ,ຍັງມີບັນຫາທີ່ດາວທຽມມີອາຍຸໃຊ້ງານສັ້ນແລະໄລຍະຫມູນຮອບແຫ່ງການຍິງສ່ົງດາວທຽມດົນເປັນຕົ້ນ,ສ່ວນລະບົບສັງເກດວັດແທກຫນ່ວຍໂລກໃນອະນາຄົດ,ຕ້ອງການຫມູນເດີນເປັນເວລາຍາວນານຢ່າງລຽນຕິດແລະຫມັ້ນທ່ຽງ.ຖ້າວ່າດາວທຽມມີບັນຫາຢູ່ທ້ອງຟ້າ,ກໍຕ້ອງເອົາດາວທຽມດວງໃຫມ່ໄປແທນ.ມີແຕ່ເຮັດແນວນີ້,ຈ່ິງຈະຕອບສະຫນອງຄວາມຕ້ອງການຂອງຂະແຫນງການນຳໃຊ້ໄດ້
ໃນກອງປະຊຸມ,ທ່ານຊິກວນຮວາ ລັດຖະມົນຕີກະຊວງວິທະຍາສາດເຕັກໂນໂລຊີຂອງຈີນ ປະທານກອງປະຊຸມຄົບຄະນະຂອງຄະນະກຳມະການດາວທຽມສາກົນສັງເກດວັດແທກຫນ່ວຍໂລກສະໄຫມນີ້ເວົ້າວ່າ,ການສ້າງລະບົບສັງເກດວັດແທກຫນ່ວຍໂລກຄົບວົງຈອນມີບົດບາດສຳຄັນ ຕໍ່ຈີນຕົກລົງນະໂຍບາຍສຳຄັນ ການພັດທະນາອຸດສາຫະກຳຕ່າງໆເຊ່ັນ: ກະສິກຳ ການຄ້າ ການບໍລິການເປັນຕົ້ນ ບັນລຸການພັດທະນາແບບຍືນຍົງ ຍົກຄວາມປອດໄພແລະຄວາມສຸກຂອງມວນມະນຸດເປັນຕົ້ນ,ຈີນເອົາໃຈໃສ່ແລະເພ່ີມທະວີວຽກງານສັງເກດວັດແທກຫນ່ວຍໂລກ,ກໍແມ່ນເພື່ອຊອກຮູ້ຫນ່ວຍໂລກໃຫ້ດີກວ່າເກ່ົາ,ແລະປົກປ້ອງສ່ິງແວດລ້ອມໃຫ້ດີຄຽງຄູ່ກັບການພັດທະນາເສດຖະກິດ.
ພວກເຮົາເລ່ັງລັດການສ້າງລະບົບສັງເກດວັດແທກຫນ່ວຍໂລກແບບສັງລວມຂອງຈີນ,ຍົກລະດັບເຕັກນິກແລະນຳໃຊ້ຂອງຈີນໃນຂົງເຂດສັງເກດວັດແທກຫນ່ວຍໂລກໃຫ້ສູງຂຶ້ນ,ແມ່ນເພື່ອເພ່ີມທະວີການຕິດຕາມກວດກາຊັບພະຍາກອນສ່ິງແວດລ້ອມ,ພະລັງງານແລະສ່ິງແວດລ້ອມຢູ່ລອດ,ຊຸກຍູ້ກາພັດທະນາສັງຄົມເສດຖະກິດແລະມວນມະນຸດຢ່າງຮອບດ້ານ.
|
