|
ເຄື່ອງດິນເຄືອບປະຕົວເມື່ອ 1700 ປີກ່ອນ,ຕໍ່ມາບໍ່ດົນ,ເຄື່ອງດິນເຄືອບຈ່ິງເອົາໄປຂາຍຢູ່ຕ່າງປະເທດ, ເຜີຍແຜ່ໄປຫຼາຍປະເທດໃນໂລກ,ຮອດປະຈຸບັນນີ້ເຄື່ອງດິນເຄືອບຢອດຢ້ຽມຈຳນວນຫນ່ຶງຍັງຖືກເກັບມ້ຽນຢູ່ຫໍພິພິທະພັນຊື່ດັງໃນໂລກ.
ຕາມປື້ມປະຫວັດສາດບັນທຶກໄວ້ວ່າ,ປະຫວັດສ່ົງເຄື່ອງດິນເຄືອບຂອງຈີນໄປຂາຍຢູ່ຕ່າງປະເທດນັ້ນເລ່ີມແຕ່ສະຕະວັດທີ 8 ,ຍາມນັ້ນ,ເຄື່ອງດິນເຄືອບຂອງຈີນເອົາໄປຂາຍຢູ່ພາກຕາເວັນອອກກາງເຊ່ິງເປັນບ່ອນກຳເນີດອາລະຍະທຳຂອງໂລກ,ພາຍຫລັງເຄື່ອງດິນເຄືອບໄປຮອດແຫຼ່ງນັ້ນແລ້ວ,ກ່ອນອື່ນແມ່ນໃຫ້ເຈົ້າຊີວິດແລະເຈົ້າຂຸນມຸນນາຍນຳໃຊ້,ສ່ວນພວກເສຖີກໍ່ໄດ້ຮັບເຄື່ອງດິນເຄືອບທີ່ກ້ຽງງາມຄືຢົກທີ່ເຮັດດ້ວຍຂີ້ດິນເຊ່ິງແມ່ນພວກເຂົາເຈົ້າຖືເປັນສ່ິງມະຫັດອັດສະຈັນ,ໃນ ຄ.ສ ສະຕະວັດທີ 9 ,ແບກແດດແມ່ນສູນການຄ້າຂອງໂລກອິສລາມ,ຜ້າໄຫມ ເຄື່ອງດິນເຄືອບຂອງຈີນໄດ້ກາຍເປັນສິນຄ້າຕົ້ນຕໍ,ໂດຍສະເພາະແມ່ນເຄື່ອງດິນເຄືອບສີ ຂາວເຄື່ອງດິນເຄືອບສາມສີລາຊະວົງຖາງແລະເຄື່ອງດິນເຄືອບສີຂຽວໄດ້ເອົາໄປຂາຍຢູ່ພາກຕາເວັນຕົກຕາມເສັ້ນທາງນີ້ຢ່າງບໍ່ຂາດສາຍ.
ສ່ິງທີ່ເປັນຫນ້າເວົ້າເຖິງແມ່ນເຈີງເຫີ ນັກເດີນທະເລລາດຊະວົງມິງ,ເພ່ິນໄດ້ເດີນທະເລ 7 ເທື່ອໃນ 29 ປີແຕ່ປີ 1405 ຫາ ປີ 1433 ,ຈີນໄດ້ກໍ່ກະແສການຄ້າກັບຕ່າງປະເທດຢ່າງແທ້ຈິງ,ເຄື່ອງດິນເຄືອບໃນຍາມນັ້ນແມ່ນຖືເອົາເຄື່ອງດິນເຄືອບສີຂຽວເປັນຫລັກ,ທຳມະດາແລ້ວ,ເຄື່ອງດິນເຄືອບສີຂຽວໂລງຊວນແລະເຄື່ອງດິນເຄືອບ ສີຂາວເຕີຮວາກໍແມ່ນພາກປະກອບສ່ວນອັນສຳຄັນເຈີເຫີຍັງນຳເອົາເຄື່ອງດິນເຄືອບຈິງເຕີບໍ່ຫນ້ອຍໄປເປັນຂອງຂວັນໃຫ້ແຫ່ງຕ່າງໆ,ຮອດປະຈຸບັນນີ້,ເຄື່ອງດິນເຄືອບເຫຼ່ົານີ້ຍັງເກັບມ້ຽນຢູ່ຫໍພິພິທະພັນຂອງຫຼາຍປະເທດ.
ຢູ່ຫໍພິພິທະພັນທົບກາບີ ອິສຕັນບູ ແຫ່ງຕວກກີ, ເຄື່ອງດິນເຄືອບ ຈີນທີ່ຖືກເກັບມ້ຽນມີຈຳນວນ 13058 ເຄື່ອງ,ລ້ວນແຕ່ແມ່ນເຄື່ອງດິນເຄືອບຢອດຢ້ຽມ,ໂດຍສະເພາະແມ່ນເຄື່ອງດິນເຄືອບສີຂຽວ,ລາດຊະວົງຢວນຂອງຈີນທີ່ວາງສະແດງທີ່ຜະລິດແຕ່ ປີ 1206 ຫາ ປີ 1368 ,ລວດລາຍມີສີສັນອິສລາມອັນເຂັ້ມຂຸ້ນ, ເຮັດໃຫ້ເຄື່ອງດິນເຄືອບສີຂຽວລາດຊະວົງຢວນຈຳນວນຫຼວງຫຼາຍທີ່ເກັບມ້ຽນຢູ່ໃນຫໍພິພິ
ທະພັນຂອງຈີນກໍ່ປຽບທຽບໄດ້, ທັງນີ້ຢັ້ງຢືນໃຫ້ເຫັນວ່າ,ເຄື່ອງດິນເຄືອບທີ່ເອົາໄປຂາຍຢູ່ຕ່າງປະເທດໃນຄາວນັ້ນແມ່ນຜະລິດຕາມໃບຈອງຊື້,ແລະເຮັດດ້ວຍວັດຖຸດີເລີດແລ້ວເລືອກເອົາອັນຍອດຢ້ຽມສ່ົງໄປຂາຍຢູ່ຕ່າງປະເທດ.
ເຄື່ອງດິນເຄືອບຂອງຈີນເລ່ີມເອົາໄປຢູ່ເອີລົບແຕ່ສະຕະວັດທີ 16 , ໄປຮອດປອກຕຸຍການກ່ອນ,ໂດຍຜ່ານສົງຄາມການຄ້າຢູ່ທະເລຫຼາຍປີ,ຊາວໂຮນລັງໄດ້ເຂົ້າແທນຖານະມະຫາອຳນາດຂອງຊາວປອກຕຸຍການຢູ່ມະຫາສະຫມຸດປາຊິຟິກຕາເວັນຕົກ,ແລະກາຍເປັນລູກຄ້າໃຫຍ່ກວ່າຫມູ່ທີ່ຊື້ເຄື່ອງດິນເຄືອບເມືອງຈິງເຕີ,ໃນລະຫວ່າງ ປີ 1636 ຫາ ປີ 1639 ,ໂຮນລັງເຄີຍຊື້ເຄື່ອງດິນເຄືອບເມືອງເຈີງເຕີຫຼາຍແສນເຄື່ອງໄປຂາຍຢູ່ຕ່າງປະເທດໃນລະຫວ່າງ 100 ປີໃນສະຕະວັດທີ 18,ເຄື່ອງດິນເຄືອບທີ່ເອົາໄປຂາຍຢູ່ເອີລົບມີຈຳນວນ 60 ລ້ານກວ່າເຄື່ອງຂຶ້ນໄປ.
ເພື່ອໃຫ້ສອດຄ່ອງກັບສະຕິສູນທອດທັດຂອງຊາວຝ່າຍຕາເວັນຕົກ,ຮູບນອກແລະສີສັນສິລະປະຂອງເຄື່ອງດິນເຄືອບເມືອງຈິງເຕີທີ່ຂາຍໄປຕ່າງປະເທດລ້ວນແຕ່ຕ່າງກັນກັບເຄື່ອງເຄືອບປັ້ນດິນເຜົາທີ່ຂາຍຢູ່ພາຍໃນປະເທດ,ໃນນັ້ນ,ສ່ວນຫຼາຍແມ່ນເຄຶ່ອງດິນເຄືອບສີຂຽວຊະນິດຫນ່ຶງ, ເຊ່ິງຖືເອົາຈານ ຖ້ວຍແລະແຈກັນເປັນຫຼັກ,ລວດລາຍມີນົກຫນູປູປີກ,ຮູບຄົນອັນເປັນດັ້ງເດີມຂອງຈີນ,ກໍມີລວດລາຍທີ່ມີສີສັນຕ່າງປະເທດແລະດອກຕູລິບ,,ເຄື່ອງດິນເຄືອບເຫຼ່ົານີ້ໄດ້ຮັບຄວາມນິຍົມຊົມຊອບຈາກຂຸນນາງເອີລົບ.
ຄຽງຄູ່ກັບການຊື້ເຄື່ອງດິນເຄືອບຂອງຈີນນັ້ນ,ມີຫຼາຍປະເທດຍັງຍາດແຍ່ງກັນລອກແບບແລະຜະລິດເຄື່ອງດິນເຄືອບ,ເມືອງອິສນິກທີ່ຕັ້ງຢູ່ພາກຕາເວັນອອກສຽງໃຕ້ນະຄອນອິສຕັນບູ່ນກໍແມ່ນເມືອງຈີງເຕີຂອງຕວກກີ,ເມື່ອປີ 1755 ,ຊາວເອີລົບໄດ້ປະກົດເຫັນຂີ້ດິນຊະນິດຫນ່ຶງໃນປະເທດຕົນ,ນີ້ແມ່ນວັດຖຸດິບທີ່ດີເລີດເຊ່ິງຜະລິດຢູ່ເມືອງຈີງເຕີຂອງຈີນທີ່ເປັນເມືອງຜະລິດເຄື່ອງດິນເຄືອບຊື່ດັງຂອງຈີນ,ແລະໄດ້ຜະລິດເຄື່ອງດິນເຄືອບທີ່ຄ້າຍຄືກັນກັບເຄື່ອງດິນເຄືອບຂອງຈີນເປັນເທື່ອທຳອິດເມື່ອປີ 1768 ,ຄືດ່ັງທ່ານອາເຊດອນ ນັກປະຫວັດວິທະຍາອາເມລິກາໄດ້ຂຽນໃນປື້ມທີ່ຊື່ວ່າປະເທດຈີນຢູ່ໃນປະຫວັດ ສາດຂອງໂລກ,ທ່ານຂຽນວ່າໃນສະຕະວັດທີ 18 ,ພະເຢຊູໄດ້ເອົາເອກະສານເຕັກນິກຈີນຫຼາຍຢ່າງ ຈາກປະເທດຈີນແລະຖືກນຳໃຊ້,ເອີລົບຈ່ິງຜະລິດເຄື່ອງດິນເຄືອບຢ່າງແທ້ຈິງໄດ້
ສູ່ມື້ນີ້,ຢູ່ຫໍພິພິທະພັນລູເວີຼ ພະລາຊະວົງແວກຊາຍຂອງຝຼ່ັງ, ຫໍພິພິທະພັນໄຮເດັນແບກຂອງເຢຍລະມັນ ຫໍພິພິທະພັນບຼີທິສແລະຫໍພິພິທະພັນວິກໂຕເລຍຂອງອັງກິດເປັນຕົ້ນ,ຄົນທັງຫຼາຍຈະໄດ້ເຫັນເຄື່ອງດິນເຄືອບຊະນິດຕ່າງໆທີ່ຂົນຈາກປະເທດຈີນໄປເອີລົບໃນຄາວນັ້ນ,ເຄື່ອງດິນເຄືອບຍອດຢ້ຽມສວຍງາມເຫຼ່ົານີ້ເຮັດໃຫ້ຜູ່ຊົມຍ້ອງຍໍບໍ່ເຫືອດສົບເຫືອດປາກແລະຕື້ນຕັນໃຈນຳທີ່ສຸດ,ຄົນທັງຫຼາຍອຸທານວ່າ ບັນພະບູລຸດຂອງຈີນມີສີໄມ້ລາຍມືສູງແທ້ສູງວ່າໃນການຜະລິດເຄື່ອງດິນເຄືອບ ອັນຍອດຢ້ຽມປານນີ້.
|
